Friday 3 April 2009

"ရပ်နေရင်း လွတ်ကျသွားခြင်းကိစ္စ"





မြင်ကွင်းအားလုံးမှာ
သတင်းတခုရှိနေရဲ့
ဆာလောင်မှုပြည့်နှက်နေတဲ့
အကြည့်တချက်ထဲက
အဆင်းအတက်
ပန်းစိုက်အိုးများသဖွယ်
အတွင်းလိန် အပြင်ကွေ့ အရွေ့ဆန်းကြယ်
အိမ်မြောင်တစ်ကောင်လို ၀တ်စားဆင်ယင်မှုဟာ
အရပ်ထွားတယ်။








လှေကားခုနှစ်ထပ် ကျော်ဆင်းပြီး
လူပျိုစစ်စစ်လို့ ညာသံပေးချင်ကြတဲ့
စကားလုံးထွားထွား လူရိပ်သူရိပ်ဟာ
နောက်ဆက်တွဲအမှောင်
အရောင်စိုစို ၀တ်ရုံနက်ကြီးလွှမ်းခြုံထားတဲ့
ကုန်းပေါ် ငါးမျှားထွက်သူများကလည်း
တဖျတ်ဖျတ်လူး
တိုက်ကြိုတိုက်ကြား
အုံနဲ့ကျင်းနဲ့ လမ်းတိုလမ်းရှည်
ကိုယ့်တံတွေးနဲ့ကိုယ့်လျှာ
မျက်ဝန်းအပြာနဲ့ စကားအ၀ါ
ရိတ်သိမ်းပြီးသားအတိုင်းပဲ ။

စိတ်ပြေလက်ပျောက် ကိုယ်လက်လေ့ကျင့်ခန်းများ
အစကနေ ပြန်ကျော့လို့
တအုံနွေးနွေး ၀ါးထုတ်ပစ်လိုက်သမျှ
အဓိပ္ပါယ်ကောက်ယူမှုများ
ဖြစ်ရိုးဖြစ်စဉ်အတိုင်းသာ
ငါ့နံဘေးပတ်ပတ်လည်
ကိုယ့်အိတ်ထောင်ကိုယ်ကြည့်သူများ
သာသာထိုးထိုးကြိတ်ကြိတ်တိုး
နေမှုထိုင်မှုမှာ ဖျင်ခြင်း သင်ခြင်းမကွဲ
အကွာအဝေးကိုယ်စီနဲ့
သူ့နေရာ ကိုယ်နေရာ
ဖျတ်ခနဲ အတွေးဝင်မိ
ကိုယ့်စိတ်ကိုယ်ပြန်ချဖို့
ငါကိုယ်တိုင် လက်တွန့်နေခဲ့တော့တယ်။ ။

သျှင်မင်း



http://www.naytthit.com မှ ...

No comments: