ကမာပုလဲ
Saturday, August 23, 2008 ..... http://www.naytthit.com ...မှ
သဘာဝရဲ့
အဖိုးမဖြတ်နိုင်တဲ့ ရတနာ
အညာကျေးလက် တပ်မက်ဖွယ်ရာ။
နွေထဲ
သဲမုန်တိုင်းတွေနဲ့ ရိုင်းစိုင်းလှတဲ့ လေထဲ
ပက်ကြားအက် ကုန်းမြေမာခေါင်ခေါင်ထဲ
ချွံမြ ဆူးတွေထုတ်လို့ အာခံ
ဘ၀ကို ဒီလို ရှင်သန်တယ်။
အရွယ်ရောက်တော့
အလိုကျ ဖြတ်တောက်ခံကာ
ကြမ်းတမ်းခက်မာ ကျောက်သားပြင်
ဘ၀ကို မှတ်ကျောက်တင် အသွေးခံလို့…။
အိုမင်း တွန့်ရွ
အမေ့ အသားအရည်ပေါ်မှာ ဖြစ်ဖြစ်
ပန်းနုရောင်ပြေး
ချစ်သူ့ပါးပြင် ကလေးပေါ်မှာ ဖြစ်စေ
သူဟာ
ပန်းတွေနဲ့ အပြိုင် မွှေးတယ်။ ။
ကမာပုလဲ
၂ ၀ ၀ ၈။
Saturday 23 August 2008
သနပ်ခါး
Subscribe to:
Post Comments (Atom)
1 comment:
ကိုပေါက်ရေ
ခင်ဗျားကဗျာဖတ်ပြီး ဟိုးတုန်းက ဖတ်ခဲ့ဘူးတဲ့ သုံးကြောင်းကဗျာလေးတပုဒ် သွားသတိရတယ်။ စာပေးစာယူနှစ်လည်မဂ္ဂဇင်းထဲကပါ။ ချစ်စရာကောင်းလို့ မှတ်မိနေတာဖြစ်မယ်။
မောင့်ထက်အရင်
သူသိပ်လျင်တယ်
မေ့ပါးပြင်မှာဖွေးကနဲ.. တဲ့။
ခေါင်းစဉ်က သနပ်ခါး ပါ။
ပျော်ရွှင်ပါစေဗျာ။
Post a Comment