Monday 31 December 2007

ကြေကွဲခြင်းများစွာဖြင့် ကြိုလိုက်ရသော နှစ်သစ်

ကျနော်
ရဲဘော်တွေ အသက်သွေးနဲ့
ရေးခဲ့တဲ့ အလုပ်စားပွဲပေါ်
File (ဖိုင်) အဟောင်းတွေရှာဖတ်ခဲ့
တချို့ တောက်ပ
တချို့ မှေးမှိန်ပျောက်ကွယ်
တချို့ကတော့ ပုဂ္ဂလ ဓနပင်လယ်မှာ
နေသားတကျ ယစ်မူးပျော်ဝင်။
ကျနော် မရေးဖြစ်ခဲ့
ရေးရမှာကြောက်နေတဲ့
Diary (မှတ်တမ်း) စာအုပ်ကလေးကို
အမှုမဲ့ အမှတ်မဲ့ ပြန်ဖတ်ခဲ့
စကားလုံးတွေက အဖြစ်အပျက်တွေကို
သွေးစိမ်းရှင်ရှင် မှတ်တမ်းတင်နေ
မှတ်တမ်းတွေက သမိုင်းဖြစ်
သမိုင်းတွေက
မျိုးဆက်မကွာဟသွားတဲ့
အမေ့ဘ၀ အကြောင်း
ပြန်ပြောင်း ပြောပြ နေကြတယ်။

ကျနော်တို့ မမှားခဲ့ဘူး
ကျနော်တို့ ဘ၀နဲ့ ရွေးခဲ့ရတဲ့ လမ်းဟာ မမှားဘူး
အဲဒါ သေချာတယ်
ရတနာ သုံးပါးထဲက
သံဃာတွေ အသက်သေပြခဲ့တဲ့
နှစ်ထောင့်ခုနှစ်(၂၀၀၇) ခုနှစ်
တော်လှန်ရေး သမိုင်းမှတ်ကျောက်
တွင်ရစ်စေ ။ ။
ကမာပုလဲ (ကျောင်းသားတပ်မတော်)

အပြည့်အစုံသို့...

အနှစ် ၆၀လွန်တဲ့အခါမှာ

လွတ်လပ်ရေးရတာအနှစ် ၆၀ရှိသွားပြီ။
ဒုတိယကမ္ဘာစစ်ကြီးပြီးတဲ့နောက် ကမ္ဘာမှာ၊ အထူးသဖြင့်အာရှတိုက်မှာ လွတ်လပ်ရေးရတဲ့ နိုင်ငံတွေအလျှိုလျှိုပေါ် လာကြတယ်။ ဒီအထဲမှာ အိန္ဒိယ၊ အင်ဒိုနီးရှားလို လူဦးရေအင်မတန်များတဲ့ နိုင်ငံကြီးတွေလည်းပါတယ်၊ လာအိုလို၊ ကမ္ဘောဒီး ယားလို နိုင်ငံငယ်တွေလည်းပါတယ်။ စထွက်တုန်းကတော့ အားလုံးအတူတူတာထွက်ခဲ့ကြတာပဲ။ ဒါပေမဲ့ ရာစုနှစ်တစ်ဝက် ကျော်လာလို့ ပြန်ကြည့်လိုက်တော့ ဗမာပြည်က နောက်ဆုံးမှာတရွတ်ဆွဲလိုက်နေတယ်ဆိုတာ တွေ့ကြရတယ်။ နအဖလက် ထက်ဗမာပြည်ရဲ့ ဒီနေ့ တဦးချင်းဂျီဒီပီနှုန်းက အာစီယံနိုင်ငံ တွေထဲမှာတောင် အနိမ့်ဆုံး။
အာရှတိုက်မှာ ဒုတိယကမ္ဘာစစ်အပြီး လွတ်လပ်လာတဲ့နိုင်ငံတွေရဲ့ လွတ်လပ်ပြီးကာလ သမိုင်းတွေကို သုတေသန ပြုပြီးယှဉ်လိုက်ရင် ဗမာပြည်လောက် နိုင်ငံရေးအရ ဖိနှိပ်မှုပြင်းထန်တာ၊ ရှည်ကြာတာ၊ နိုင်ငံရေးအကျဉ်းသမားတွေ များပြား တာမရှိဘူးလို့ တွေ့ရမယ်ထင်တယ်။ အထူးသဖြင့် ကိုယ့်နိုင်ငံသားချင်းအပေါ် ဖိနှိပ်ရာမှာကမ္ဘာရှားဖြစ်တယ်။ အမေရိကန်နဲ့ တောင်တိုက်ခဲ့ကြရတဲ့ ကိုရီးယား၊ ဗီယက်နမ်စတဲ့ စစ်ပွဲကြီးတွေ ပြီးပြတ်ကုန်ပြီ။ ပြည်တွင်းစစ်ဆိုတာတွေလည်း အာရှအရှေ့ ပိုင်းမှာ မကျန်တော့သလောက်ပဲ။ ဗမာပြည်မှာသာ - စစ်အုပ်စုတွေဟာ (လူဦးရေနဲ့ အချိုးအစားတွက်လိုက်ရင်) ကမ္ဘာ့အကြီး ဆုံး စစ်တပ်ကြီးတည်ဆောက်၊ ပြည်တွင်းစစ်ကိုတမင်မွေးပြီး ပျော်ပျော်ကြီးစစ်တိုက်စားနေတယ်။
လွတ်လပ်ရေးနဲ့ပြည်တွင်းစစ်၊ အမွှာလိုမွေးဖွားခဲ့တဲ့ ဗမာပြည်ကြီးဟာ ဒီစစ်ကြောင့်အမျိုးသားစည်းလုံးညီညွှတ်ရေး မတည်ဆောက်နိုင်ပဲ အမျိုးသားစီးပွားရေးဟာ အဘက်ဘက်ကခြွတ်ခြုံကျလာခဲ့တယ်။ ဒါနဲ့ပြောင်းပြန် ဒီစစ်ကြောင့်ပဲ စစ်အုပ်စု ခါးပိုက်ဆောင်စစ်တပ်ကြီးဟာ ကြီးထွားသထက်ကြီးထွားလာ၊ စစ်အုပ်စုနဲ့အပေါင်းပါတွေ ချမ်းသာသတက်ချမ်းသာလာတယ်။ အရှေ့တောင်နဲ့ တောင်အာရှမှာ အစောဆုံးလွတ်လပ်ရေးရအောင် တိုက်ပွဲဝင်ခဲ့တဲ့ ဗမာပြည်ဟာ နိုင်ငံတကာအစည်းအဝေး တွေမှာ ခေါင်းမမော်နိုင်ယုံမက ဟိုလူကဝေဖန်၊ ဒီလူကဆုံးမနဲ့မို့ ခေါင်းပုနေရတဲ့ဘ၀ ရောက်နေရတယ်။
နအဖဟာ ဗမာပြည်ကို ကမ္ဘာ့အလယ်မှာဂုဏ်ယူနိုင်အောင် ဘာတွေများစွမ်းဆောင်ပေးနိုင်ခဲ့သလဲ။ စီးပွားရေး- တတိယနိုင်ငံအဆင့်ကနေ စတုတ္ထနိုင်ငံအဆင့်လျှောကျပြီး အကြွေးတွေလည်ပင်းရောက်နေတယ် (ဒါတောင်သူများတွေက ချေးမပေးကြလို့၊ နအဖကတော့ အကြွေးသာရရင် ဆင်တောင်အလကားယူမယ်ဆိုတဲ့ဟာမျိုး)။ လူမှုရေး- လူမှုဖူလုံရေးခံစား ခွင့်၊ အမတော်ကြေး စတာတွေဟာ သဏ္ဌာန်သာသာတောင်မှမရှိတော့။ ရှိသူနဲ့မရှိသူ၊ လူတန်းစားကွဲပြားမှုသိသာခြားနားလွန်း လို့ တရားရုံး၊ ဖြန်ဖြေရေးရုံး စတာတွေအားလုံးဟာ တံဆိပ်တုံးနှိပ်ရာသက်သက်ဖြစ်ကုန်တယ်။ ကျန်းမာရေး- စစ်အုပ်စုထိပ်သီး ပိုင်းသာမက ငွေးကြေး တတ်နိုင်သူမှန်သမျှ ပြည်ပထွက်ဆေးကုနေကြတယ်။ အာဟာရမပြည့်စုံသူတွေ၊ ဆေးဝါးမတတ်နိုင်သူ တွေ အများဆုံးရှိနေတဲ့ ဒီနိုင်ငံမှာမှ အေအိုင်ဒီအက်စ်ရောဂါက အဆိုးဝါးဆုံးနှိပ်စက်နေတယ်။ ပညာရေး- ကိုလိုနီခေတ်တုန်း က အိမ်နီးနားချင်းနိုင်ငံတွေကလူတွေ ဒီမှာလာပြီးပညာမျိုးစုံသင်ယူကြတာတွေရှိတယ်။ အခုတော့ သားသမီးကို ပြည်ပပို့ပညာ သင်ကြားစေရေး၊ ပြည်ပမှာပဲအလုပ် အကိုင် ရရှိစေရေးဟာ မိဘတွေရဲ့မျှော်လင့်ချက်တခုဖြစ်နေပြီ။ နိုင်ငံရေး- လက်ရှိကမ္ဘာမှာ နိုင်ငံရေးအကျဉ်းသမား အရေအတွက် အများဆုံးနဲ့ သက်တမ်းအရှည်ဆုံးစံချိန်တင်ထားတယ်။
လွတ်လပ်ရေးဟာ ဘာအဓိပ္ပာယ်များရှိသေးသလဲမေးစရာဖြစ်နေတယ်။ အာဇာနည်အဆက်ဆက်တို့ အသက်ပေး တိုက်ပွဲ ၀င်ခဲ့တာဟာ ဒီစစ်ဗိုလ်ချုပ်တွေ ကောင်းစားဖို့လားလို့လည်း မေးစရာဖြစ်နေတယ်။
လွတ်လပ်ရေးကို လွယ်လွယ်ကူကူရခဲ့တာမဟုတ်ဘူးဆိုတာ ဗမာနိုင်ငံသားတွေအသိဆုံးပဲ။ နယ်ချဲ့နိုင်ငံကြီးတွေချင်း စစ်ပွဲတွေ အသွင်နဲ့ ထိပ်တိုက်ဆောင့်နေကြတဲ့အကြားက ကိုလိုနီအမျိုးသားတရပ်က လွတ်လပ်ရေးရဖို့လုံးပမ်းရတယ်ဆိုတာ စွန့်လွှတ်ပိုင်း ဖြတ်မှုတွေလိုသလို နည်းပရိယာယ်တွေလိုလှတယ်။ အင်္ဂလိပ်ကိုလိုနီသခင်တွေရဲ့ ၉၁ ဌာန၊ ဒိုင်အာခီစတဲ့ မျက် စေ့လည်စရာ ချော့မြှူမှုအမျိုးမျိုးကိုဖယ်ရှားပြီး ဓနသဟာယနိုင်ငံစာရင်းထဲတောင်မ၀င်တဲ့ လုံးဝလွတ်လပ်ရေးကို ရအောင် တိုက်ပွဲဝင်ခဲ့ရတာ ဗမာပြည်က အမျိုးသားခေါင်းဆောင် အဆက်ဆက်နဲ့ ပြည်သူတွေရဲ့ ထူးခြားချက်ဖြစ်တယ်။ ဒီကြားထဲမှာ ဂျပန်ပေးတဲ့လွတ်လပ်ရေးကို ပါးနပ်စွာအသုံးပြုပြီး ဂျပန်ကိုပြန်တော်လှန်ခဲ့တယ်ဆိုတဲ့ ဂုဏ်ယူစရာအချက်လည်းရှိသေးတယ်။
အရှေ့တောင်အာရှနဲ့ တောင်အာရှမှာအစောဆုံးလွတ်လပ်ခဲ့တဲ့ နိုင်ငံဟာအခုအခါမှာ အဘက်ဘက်နောက်အကျ ဆုံးဖြစ်နေရတယ်။ စစ်အာဏာရှင်စနစ်ကြောင့်မို့ ဒီအဖြစ်ရောက်ရတယ်ဆိုတာ ဘာမှအငြင်းပွားစရာမရှိတဲ့အချက်ဖြစ်တယ်။ မိမိတို့ရဲ့ ဗမာနိုင်ငံကိုကမ္ဘာ့အလယ်မှာ ဂုဏ်နဲ့ဒြပ်နဲ့ ရပ်တည်နိုင်စေဖို့၊ ခေတ်မီစက်မှု၊ သိပ္ပံနည်းပညာများထွန်းကားတဲ့၊ ဖွံ့ဖြိုးတဲ့ နိုင်ငံဖြစ်စေဖို့ဆိုရင် စစ်အာဏာရှင်စနစ်ကို ဖယ်ရှားရမယ်ဆိတာလည်း ရှင်းနေတယ်။
ဗမာပြည်သားများအနေနဲ့ လွတ်လပ်ရေးအတွက် တိုက်ပွဲဝင်ခဲ့ကြသလိုပဲ စည်းလုံးညီညွှတ်မှု၊ စွန့်လွှတ်မှု၊ အနစ်နာခံ မှု၊ နည်းပရိယာယ်ကြွယ်ဝမှုတွေ ဖော်ပြကြရအုန်းမယ်။
ဒီနေ့အခါမှာ နိုင်ငံတကာ့အခြေအနေက ဗမာပြည်သူပြည်သားတွေ ကိုယ့်ဖာသာလုံးပမ်းတိုက်ခိုက်မှရမယ်ဆိုတာကို ပြဌာန်းနေတယ်။ ကယ်တင်ရှင်မျှော်ကိုးမှု၊ စိတ်ကူးယဉ်မှုတွေကို ဖယ်ရှားပြီး ‘ငါသာလျှင်အရှင်သခင်၊ ငါသာလျှင် ငါ့သမိုင်း ဖန် တီးသူ’ ပီသစွာ တိုက်ပွဲဝင်ကြရမှာပဲ။ စစ်အုပ်စုကို ထိထိရောက်ရောက်ထိုးနှက်နိုင်ခဲ့တဲ့ ရှစ်လေးလုံးအရေးတော်ပုံနဲ့ စက် တင်ဘာအရေးအခင်း စိတ်ဓာတ်တွေကိုကိုင်စွဲ၊ အဲဒီက သင်ခန်းစာတွေထုတ်၊ အတုယူစရာတွေယူပြီး အောင်ပွဲအလံကိုလွှင့် ထူကြပါစို့။
၂၀၀၈ခုနှစ်ကို တိုက်ပွဲဝင်စိတ်ဓာတ်၊ အောင်ပွဲခံသန္နိဌာန်နဲ့ လှမ်းဝင်ကြပါစို့။

ဗသြ

အပြည့်အစုံသို့...

Tuesday 18 December 2007

ကဗျာကိုရှာတွေ့ခြင်း

(အောင်ပင်လယ်)

(က)
ပင်မှည့်သီးလိုချိုလိုက်တာကဗျာ
ခေါင်ရည်စူးစူးနဲ့တူလိုက်တာကဗျာ
ကဗျာဟာငါ့ပင်လယ် ငါ့သွေးသောက်
ကဗျာဟာငါ့ပင်နီတိုက်ပုံ ငါ့ရှူရှိုက်တဲ့လေ
ပြီးတော့ငါ့ရဲ့ အမ် ၂၂ ။
(ခ)
ကဗျာ
ငါနဲ့အတူ ပျဉ်းမနား တောင်ညိုကိုရောက်ဖူးတယ်။
ကဗျာ
ငါနဲ့အတူ အမေ့ထောင်ဝင်စာကိုလိုက်ဖူးတယ်။
ကဗျာ
ငါနဲ့အတူ နေပူလက်ကြမ်း ၃၃ လမ်း ကိုလွမ်းဖူးတယ်။
ငါနဲ့အတူ
ဗံဒါပင်ရိပ်ကီလီဆိပ်မှာ စာရွက်စာတမ်းတွေ ဝေဖူးတယ်။
မကြာမကြာ နောင်တော်မောင်လေးအောင်အတွက်
အရက်ဖိုးငါးကျပ် တဆယ်ပေးဖူးတယ်။
ငါနဲ့ အတူ
ရှမ်း ၀ လားဟူ ဓနု အင်းသား ပအို့ဝ် တို့ကြား
စားသောက် ပုန်းခို ခဲ့ဖူးတယ်။
ရှမ်းရိုးမရဲ့
တောထဲ တောင်ထဲ မိုးရေ ထဲ
တတွဲတွဲ လှည့်ပတ်ပျောက်ကြားတိုက်ဖူးတယ်။
ငါနဲ့အတူ
နယ်စပ်မျဉ်းကိုဖြတ်ဖူးတယ်
သူပုန်နီတွေနေတဲ့ “ယင်အန်း ” ကိုလဲ ရောက်ဖူးတယ်
ငါနဲ့အတူ
နမ့်ခချောင်း ရဲ့ တိုက်မောင်းသံကိုကြားဖူးတယ်။
အစာရေစာအပြည့်နဲ့
ရွှေအိမ်လှောင်ချိုင့် တွင်းကငှက် တကောင်လို
အသက်ရှင်ဖို့ကိုလဲခေါင်းခါခေါင်းရမ်းခဲ့ဖူးတယ်။

(ဂ)
ကဗျာ
ငါ့ကိုမင်း အသိဆုံးပါ
ဒို့ ဟာအမွှာ
ဒါပေမဲ့ ဒီတလော ငါ့ကို မဆိုမပြော
ရုတ်တရက်လက်မတို့ ပဲထွက်ခွာ
ဘယ်ပျောက်ဘယ်လျှောက်သွား တာလဲကဗျာ ။

မင်း ကိုဟိုမှာဒီမှာ ငါလိုက်ရှာတယ်
သွားတတ်ရာရာငါလိုက်ရှာတယ်
တောလမ်းမြို့လမ်းမှာ ငါလိုက်ရှာတယ်
ကားလမ်းရထားလမ်းမှာငါလိုက်ရှာတယ်။

ရွှေဒဂုန် မှာငါလိုက်ရှာတယ်
လေထန်ကုန်းမှာ ငါလိုက်ရှာတယ်
နေပြည်တော်မှာငါလိုက်ရှာတယ်
ရတနာပုံမှာ ငါလိုက်ရှာတယ်
စာအုပ်တန်းမှာငါရှာတယ်
ငါ့ခေါင်းအုံးအောက်မှာငါလိုက်ရှာတယ်။

ကဗျာရယ်
ရှာမတွေ့ပါလားကွယ်။
ကဗျာရယ်
ဘယ်သွားနေတာလဲကွယ်။

(ဃ)
ဟော
တွေ့ပြီတွေ့ပြီ
လောင်စာဆီဈေးနှုန်း တိုးမြှင့်တဲ့ကန့်ကွက်ဆန္ဒပြပွဲမှာ
ကျောင်းသူကျောင်းသားတွေရဲ့ စီတန်းလမ်းလျှောက်ပွဲမှာ
ရဟန်းသံဃာတော်တို့ရဲ့ ကံဆောင်သပိတ်မှောက်ပွဲမှာ
မိဘပြည်သူတို့ရဲ့ တရားတဲ့တိုက်ပွဲထဲမှာ။ မီးလျှံထဲမှာ
ကဗျာ ကဗျာ
ပါဝင်ဆင်နွဲနေတာပဲ
ကဗျာရဲရဲချွေးစိုရွှဲ။

ကဗျာ ရယ်
သွားကွယ် ပါကွယ်ထွက်ကွယ်ဆက်ကွယ်
ငါလဲလိုက်မယ် ဒို့အတူတူ ရယ်
“မနက်ဖြန်”အတွက်တေးဆိုမယ်။

အပြည့်အစုံသို့...

Sunday 16 December 2007

ကြိုးစင်ပေါ်မှ မှတ်တမ်းများ (ဂျူးလိယက်ဖူးချစ်)

အခဏ်း (၂)

အသက်ငင်ခြင်း
`နေမင်း၏ရောင်ခြည်များနှင့်
ကြယ်ပွင့်တို့၏အလင်းရောင်များသာ
ငါတို့အတွက်ကွယ်ပျောက်ခဲ့သော်
ငါတို့အတွက်ကွယ်ပျောက်ခဲ့သော်´
လူနှစ်ယေက်သည် စိတ်မချမ်းမြေ့စရာ ဓမ္မသီချင်းတပုဒ်ကို အတိုင်အဖောက်လည်းမညီဘဲ လေးတွဲ့သော အသံများဖြင့် သီဆိုနေကြသည်။ သူတို့သည် အောက်ဘက်သို့ ဆန့်တန့်ထား သောလက် များကို ကိုယ်အရှေ့တွင် ယှက်ထား၍၊ ဖြူဖွေးသော လိုဏ်ဂူအတွင်း လေးဆေး သောခြေလှမ်းများဖြင့် ၀ိုင်းကြီးပတ်လည် လှည့်နေကြသည်။

`... ၀ိဥာဉ်များလည်း နှစ်သိမ့်စဘွယ်
ဆောင်ကျဉ်း၍ သွားတော့မည်
ကောင်းကင်ဘုံ ထိုအဝေးသို့လည်း
ကောင်းကင်ဘုံ ထိုအဝေးသို့လည်း ... ´
တစုံတယောက်ကား အနိစ္စရောက်ခဲ့ပြီ။ ဘယ်သူများပါလိမ့်။ ကျွန်တော်သည် ဦးခေါင်းကိုလှည့် ရန် ကြိုးစားသည်။ အလောင်းထည့်ထားသော ခေါင်းနှင့်၊ ခေါင်းရင်းတွင် ထောင်နေသော ဖယောင်းနှစ် တိုင်ကို တစေ့တစောင်းဖြင့် မြင်ကောင်းရာသည်။
`... ထိုဌာနီတွင် ည၏မှောင်မိုက်မှုလည်းကင်း
ထာဝရရောင်ခြည်လည်း
ထွန်းလင်းနေလေသည် ...´
မျက်လုံးများကိုကား ဖွင့်၍ရခဲ့ပြီ။ အခြားမည်သူ့ကိုမျှ မတွေ့။ ဤနေရာတွင် ဤလူနှစ်ယေက်နှင့် ကျွန်တော်မှလွဲ၍၊ အခြားမည်သူ တဦးတယောက်မျှမရှိ။ သို့ဖြစ်လျှင် အသုဘတွေးချင်းကို မည်သူ့ အတွက် ဆိုနေကြသနည်း။
`... ထာဝစဉ်လက်နေသော ထိုကြယ်ပွင့်ကား
ယေရှုသခင်ကိုယ်တော်တိုင်တည်း
ယေရှုသခင်ကိုယ်တော်တိုင်တည်း။´
ဤသည်ကား အသုဘ၊ ဟုတ်သည်။ အကယ်ပင် အသုဘဖြစ်လေသည်။ မည်သူ့အား မြှုပ်နှံ နေကြသနည်း။ ဤနေရာတွင် မည်သူရှိသနည်း။ သူတို့နှစ်ယောက်နှင့် ကျွန်တော်သာရှိသည်။ ဟုတ် သည် - ကျွန်တော်သာ ရှိသည်။ ဤသည်ကား ကျွန်တော်၏ အသုဘပင်ဖြစ်ပေသလော။ ဒီမှာ ... မိတ်ဆွေတို့ ... နားထောင်ကြစမ်းပါ။ မှားနေပြီထင်တယ်။ ကျွန်တော်မသေသေးပါဘူး။ အသက်ရှင်နေ တာ မတွေ့ဘူးလား။ ခင်ဗျားတို့ကိုကြည့်ပြီး ခင်ဗျားတို့ကို စကားပြောနေတာ မြင်တယ်မဟုတ်လား။ တော်ကြပါတော့ဗျာ၊ ကျွန်တော့်ကို မြေမမြှုပ်ကြပါနဲ့အုံး။
`ကျွန်ုပ်တို့အား တစုံတဦးက
နောက်ဆုံးနှုတ်ဆက်ခြင်းဖြင့်
နှုတ်ဆက်နေသည့်အခါ
နှုတ်ဆက်နေသည့်အခါ ...´
မကြားကြ၊ နားပင်းနေကြသလော။ ကျွန်တော်ကပင် အသံခပ်ကျယ်ကျယ်မပြော၍လော။ သို့မ ဟုတ် ကျွန်တော်သည် အကယ်ပင် သေဆုံးခဲ့ပြီဖြစ်၍၊ ရုပ်မရှိတော့သော အသံကို မကြားနိုင်ကြခြင်း လော။ ကျွန်တော်၏ ကိုယ်လုံးကြီးကား မှောက်လျက်သားငြိမ်နေသည်။ ကျွန်တော်ကလည်း မိမိ၏ အသုဘကို မိမိပြန်ကြည့်နေရသည်။ ရယ်ဘွယ်ကောင်းလေစွ။
`... လျှမ်းလျှမ်းတောက် မျက်လုံးများဖြင့်
မော်၍ကြည့်သည်မှာ
ကောင်းကင်ဘုံ ထိုအဝေးသို့
ကောင်းကင်ဘုံ ထိုအဝေးသို့တည်း ...´
မှတ်မိပါပြီ။ တစုံတဦးက ကျွန်တော့်အား ခဲခဲယဉ်းယဉ်းပင့်မ၍ အ၀တ်များ ၀တ်ပေးခဲ့သည်။ နောက် လူနာတင်ထမ်းစင်ဖြင့် ကျွန်တော့အား သယ်ဆောင်သွားကြသည်။ စင်္ကြန်တလျှောက်တွင် သံခွာသံများ ဟိန်းနေခဲ့သည်။ ထို့နောက် ... ထို့ထက်လွန်၍ကား ဘာမျှမသိတော့၊ ထို့ထက်လွန်၍ကား ဘာမျှမသိ၊ ဤသည်ကား ကျွန်တော်၏ အစွမ်းကုန်ပစ်ဖြစ်သည်။
`... ထိုဌာနိအား ထာဝရအလင်းရောင်
အမြဲတစေ ၀င်းနေသည်လည်း ... ´
သို့သော် ဤကိစ္စကား အဓိပ္ပာယ်လုံးဝမရှိ။ ကျွန်တော်ကား အသက်ရှင်နေသည်။ ဝေးလံသော နာကျင်မှုတရပ်ကိုခံစားနေရသည်။ ရေလည်း ငတ်သေးသည်။ လူသေကောင်ဟူသည်ကား ရေမဆာတတ်။ ရှိသမျှအားတို့ကို အစွမ်းကုန်ညှစ်ထုတ်လျက်၊ လက်ကိုလည်း လှုပ်ရှားရန် ကြိုးစားလိုက်သည်တွင်၊ သဘာဝမကျသော အသုံးစိမ်းကြီးတသံသည် ကျွန်တော့်ကိုယ်တွင်းမှ ပွင့်ထွက်သွားသည်။
- ရေ
အခုမှပဲလေ၊ လူနှစ်ယောက်လည်း ၀ိုင်းကြီးပတ်လည်လျှောက်နေရာမှ ရပ်သွားသည်။ ယခု ကျွန်တော့်ကိုယ်ပေါ်သို့ ငုံ့မိုးလျက်ကြည့်နေကြသည်။ တယောက်က ကျွန်တော့်ခေါင်းကို ပင့်လျက် ရေခရားကို ပါးစပ်သို့ တေ့ပေးသည်။
- မောင်ရင်၊ တခုခုဖြင့် စားအုံးမှပေါ့။ နှစ်ရက်ပြီ၊ ရေချည့်ပဲ သောက် ... သောက်နေတာ။
ဘာတွေပါလိမ့်၊ နှစ်ရက်ရှိပြီတဲ့လား။ ဒီနေ့ ဘာနေ့လဲ။
တနင်္လာနေ့။
တနင်းင်္လာနေ့။ ကျွန်တော်အဖမ်းခံရသည်မှာ သောကြာနေ့ဖြစ်သည်။ ခေါင်းကလည်း လေးလှ ချည့်။ ရေကဖြင့် ရင်ကိုအေးစေလိုက်တာ။ အိပ် ... အိပ်ပါရစေ။ ရေတွင်း၏ မှန်သာရင်ပြင်ကို ရေတ ပေါက်က ဆင်းသက်လှုပ်ရှားလိုက်သည်။ ဤသည်ကား တောင်ပေါ်ရှိ မြက်ခင်းစိမ်းစိမ်းကလေးမှ စမ်း ရေဦး။ ကျွန်တော်သိပါသည်၊ ရောကလန်တောင်ခြေရှိ တောစောင့်၏ တဲနံဘေး၌ဖြစ်ပါသည်။ ထင်းရှူး တောထဲတွင်ကား မိုးတစိမ့်စိမ့် တဖျောက်ဖျောက်ရွာနေသည် ... အိပ်ရတာ အရသာရှိလိုက်တာလေ ...
... နောက်တကြိမ် ပြန်၍နိုးလာသောအခါတွင်ကား အင်္ဂါနေ့ညနေသို့ ရောက်နေလေပြီ။ ခွေး ကြီးတကောင်သည် ကျွန်တော့်ကိုယ်ပေါ်သို့ မိုး၍ရပ်နေသည်။ ခွေးဝံပုလွေမျိုးဖြစ်သည်။ လှပနက်နဲ သော မျက်လုံးများဖြင့် ကျွန်တော့အား စူးစမ်းကြည့်ရှုနေသည်။
- မင်း ဘယ်အိမ်မှာနေခဲ့သလဲ။
အို ဟုတ်သေးပါဘူးလေ။ ခွေးကမေးနေတာ မဟုတ်ပါဘူး။ အသံကား တစုံတယောက်၏ အ သံဖြစ်သည်။ မှန်သည် ဤနေရာတွင်အခြားသူတယောက် ရပ်နေသည်။ ဘွတ်ဖိနပ်ှရှည်ကြီးတရံကို မြင် ရသည်။ နောက်ထပ် ဖိနပ်ရှည်တရံနှင့် စစ်သားဘောင်းဘီများ သို့သော် ... အထက်သို့ကား မကြည့် နိုင်တော့။ မော့်ကြည့်ရန် ကြိုးစားသည့်အခါဝယ် ခေါင်းဆီက ယစ်၍ယစ်၍မူးလာသည်။ အမယ်လေး ... ဂရုစိုက်နေရမှာလား။ အေးအေးဆေးဆေး အိပ်စမ်းပါရစေအုံး ...
ဗုဒ္ဓဟူးနေ့။
ဓမ္မသီချင်းများကို သီဆိုခဲ့ကြသည့် လူနှစ်ယောက်ကား ယခုအခါတွင် စားပွဲ၌ထိုင်ကာ မြေပန်း ကန်များထဲမှ တစုံတရာကို နှိုက်၍နှိုက်၍စားနေကြသည်။ ယခုတော့ သူတို့အား ခွဲခွဲခြားခြားမှတ်မိပါပြီ။ တယောက်ကား ခပ်ငယ်ငယ်၊ ဒုတိယတယောက်ကား အရွယ်ပို၍ရင့်သည်။ ယခုမူ ဘုန်းကြီးများနှင့် လည်း မတူကြတော့။ လိုဏ်ဂူသည်လည်း လိုဏ်ဂူမဟုတ်တော့၊ သာမန် အကျဉ်းခန်းတခန်းသာဖြစ် သည်။ ကြမ်းပြင်မှ ပျဉ်ချပ်များကား ကျွန်တော်မျက်စေ့အောက်မှ တပြေးတည်းပြေး၍ စုသွားကာ၊ ၎င်း တို့၏အဆုံးတွင်မူ လေးလံနက်မှိုင်းသော တံခါးကြီး .....
သော့ခလောက်အတွင်းသို့ သော့သွင်းသံကြားရသည်။ လူနှစ်ယောက်လည်း ထိုင်နေရာမှ ခုန် ၍ထကြကာ၊ သတိအနေအထားနှင့် ရပ်လိုက်သည်။ အက်ဆက်စ်ယူနီဖောင်းဝတ် နှစ်ယောက် ၀င်လာ ၍ ကျွန်တော့်ကိုအ၀တ်အစားများဝတ်ပေးရန် အမိန့်ပေးကြသည်။ ထိုအချိန်အထိ - ဘောင်းဘီခြေအိုး တဘက်တဘက်၊ ရှပ်အင်္ကျီလက်အိုး တဘက်တဘက်တွင် နာကျင်မှုများ မည်မျှခိုအောင်းနေသည်ကို ကျွန်တော်မသိခဲ့ဘူး - သူတို့သည် ကျွန်တော့်အား လူနာထမ်းစင်ပေါ်သို့ တင်ကာ၊ လှေခါးတလျှောက်မှ နေ၍ အောက်ဘက်သို့ ခေါ်ဆောင်သွားကြသည်။ စင်္ကြန်တလျှောက်လုံး သံခွာသံများ ဟိန်းနေခဲ့သည် … တခါ ကျွန်တော့်ကို သယ်ဆောင်သွားတုန်း သတိလစ်သွားတာတောင် ဆက်ပြီးသယ်သွားကြတဲ့ လမ်းဒီလမ်းကိုး။ ဘယ်ကိုခေါ်သွားကြမလို့လဲ၊ ဘယ်ငရဲမှာ အဆုံးသတ်မှာလဲ။
ပန်းကရာ့စ် ပေါလိစိုင်း၊ ဂဲဖဲန်းဂနစ္စ ရှိ သုန်သုန်မှုန်မှုန်နှင့် ဘော်ရွှေခြင်းကင်းမဲ့လှသော ဧည့်ခံရုံး ခန်း။ သူတို့လည်း ကျွန်တော့်အား ကြမ်းပြင်ပေါ်သို့ ချလိုက်ကြသည်။ ဒေါသဖြင့် မှုတ်ထုတ်လိုက်သော ဂျာမန်အသံ၏ မေးခွန်းကိုချက်အသံက စိတ်ရင်းကောင်းသကဲ့သို့ ဟန်ဆောင်ယင်း ဘာသာပြန်ပေး သည်။
- မင်း သူ့ကို သိသလား။
ကျွန်တော်သည် ကျွန်တော်၏မေးကို လက်ဖြင့်ထိန်း၍ ကြည့်လိုက်သည်။ လူနာတင်ထမ်းစင် ရှေ့တွင် ပါးမို့ကလေးများနှင့် မိန်းကလေးခပ်ရွယ်ရွယ်တယောက် ရပ်နေသည်။ ၀င့်ဝင့်ကြွားကြွား၊ မား မားမတ်မတ်ကလေး ရပ်နေသည်။ အာခံသည့်အနေဖြင့် မဟုတ်ပဲမွန်မြတ်သော အမူအရာဖြင့်ခေါင်းကို ခပ်မော့မော့ ပင့်ထားရာမှ၊ ကျွန်တော့်အား မြင်သာရုံနှုတ်ဆက်သည့် အမူအရာပြနိုင်ရုံသာ မျက်လွှာများ ကို နှိမ့်ချထားသည်။
- မသိဘူး။
ထိုရုန့်ရင်း ကြမ်းတမ်းသော ညတုန်းက၊ သူ့အား ပက်ချက်နန်းတော်ထဲတွင် ရိပ်ကနဲတွေ့မိ ကောင်း တွေ့မိခဲ့မည်ဟု အမှတ်ရသည်။ ယခု ဒုတိယအကြိမ် တွေ့ဆုံခြင်းဖြစ်သည်။ တတိယအကြိမ် အဖြစ်နှင့်ကား မတွေ့ရတော့။ တွေ့များသာ တွေ့ရလျှင်၊ ဤနေရာ၌ ကျက်သရေရှိစွာ ရပ်တည်နေခဲ့ပုံအ တွက် သူ၏လက်ကိုညှစ်၍ နှုတ်ဆက်လိုလှပေသည်။ ထိုအမျိုးသမီးကား အာရ်နော့ရှိ၊ လောရဲန့်ဇ်၏ ဇနီးဖြစ်၍၊ ၁၉၄၂ ခုနှစ် မာရှယ်လောကျေညာပြီး ရက်အနည်းငယ်အတွင်း ကွပ်မျက်ခြင်းခံရသည်။
ပေါလိစိုင်း၊ ဂဲဖဲန်းဂနစ္စ - (ဂျာမန်စကား - ပုလိပ်အချုပ်ထောင်ကြီး)
- ဒါပေမယ့်သူ့ကိုတော့ မင်းမုချသိရမယ်။
အာညိခ်ျကာ၊ ယီရာစကောဗား။ ဘုရားရေ၊ အာညိခ်ျကာ … ခင်ဗျား ဘယ့်နဲ့ ဒီကိုရောက်လာရ တာလဲ။ ခင်ဗျားနာမည်ကို ကျွန်တော်ဖွင့်မပြောခဲ့ပါဘူး။ ခင်ဗျားနဲ့ကျွန်တော် ဘယ်လိုမှ မပတ်သက်ဘူး နော်၊ ခင်ဗျားကို ကျွန်တော်မသိဘူး။ နားလည်လား။ မသိဘူးနော်။
- မသိဘူး။
- လိမ္မာစမ်းပါ၊ ကိုယ့်လူရာ။
- မသိဘူး။
- ယူးလာ၊ ဖုံးနေလို့လဲမထူးတော့ပါဘူးရှင် - အာညိခ်ျကာက ၀င်၍ပြောလိုက်သည်။ လက်ကိုင်ပုဝါကို ဆုတ်ကိုင်ထားသော လက်ချောင်းများ၏ မသိမသာတုန်ဆက်မှုကလေးကသာ သူ၏စိတ်လှုပ်ရှားမှုကို မလုံမလဲဖြစ်စေသည် - မထူးတော့ပါဘူး၊ ကျွန်မကိုဖော်တဲ့ ဖော်ကောင်က ရှိနေပြီပဲ။
- ဘယ်သူလဲ။
- တိတ် - ပေါ်လာမည့်အဖြေကို တစုံတယောက်က ၀င်၍တားလိုက်သည်။ ထို့နောက် သူကကျွန်တော့် အားနှုတ်ဆက်ရန် ငုံ့၍လက်လှမ်းပေးသည့်အခါတွင်၊ သူ့အားကြမ်းတမ်းစွာ တွန်းထုတ်ပစ်လိုက်ကြ သည်။
- အာညိခ်ျကာရယ်။
ကျွန်တော်သည် နောက်ပေါ်လာသည့် မေးခွန်းများကိုမကြားတော့။ အက်ဆက်စမန်းနှစ် ယောက်က ကျွန်တော့်အား အကျဉ်းခန်းသို့ သယ်ယူသွားပုံ။ ထမ်းစင်ကို ရုန့်ရင်းစွာ ခါယင်းတော့ယင်း၊ ထိုသို့အနာမည့်အစား လည်ပင်းကြိုးတန်းလန်းနှင့် ယီးလေးမခိုချင်သလောဟု မေးပုံတို့ကိုပင် အဝေးမှ မနာမကျင်နိုင်သော ပွဲကြည့်သမားကဲ့သို့သာ ထိတွေ့ပါတော့သည်။
ယူးလာ - ဗမာအမည်များကို အဖျားဆွတ်ခေါ်ကြသကဲ့သို့ ချက်ကိုယ်ပိုင်အမည်မျာကို ရင်းနှီးသည့်သ ဘော၊ ချစ်စနိုးသဘောဖြင့် တမျိုးပြင်၍ခေါ်လေ့ရှိကြသည်။ သို့ဖြင့် ယူးလိယုစ်အစား ယူးလာ သို့မဟုတ် ယူးလက်။ ဂုစတာအစား ဂုစတီနာ။ စသည်ဖြင့် ခေါ်ဝေါ်ကြသည်။
ကြာသာပတေးနေ့။
ကျွန်တော်သည် ပတ်ဝန်းကျင်ကို သိတတ်စပြုပါပြီ။ ကျွန်တော်နှင့်ထောင်ကျဘက် တဦးဖြစ် သော သူငယ်မှာ ကားရလစ် ဟုခေါ်သည်။ အရွယ်ပို၍ရင့်သော အခြားသူကား `အဘ´ ဟုအမည်တွင် သည်။ သူတို့က မိမိတို့၏ ဇာတ်လမ်းအဖြစ်အပျက်များကို ကျွန်တော့အား ပြောပြကြသည်။ သို့သော် အစစအရာရာတို့သည် ကျွန်တော်၏ခေါင်းတွင်း၌ ရှုပ်ထွေးကုန်လေသည်။ မိုင်းတွင်းတတွင်း။ ခုံတန်း လျားပေါ်တွင် ထိုင်နေကြသော ကလေးများ။ ခေါင်းလောင်းထိုးသံကို ကြားရသည်။ တနေရာ၌ မီး လောင်နေသည် ထင်သည်။ ဆရာဝန်တယောက်နှင့် အက်ဆက်စ် သူနာပြုတယောက် ကျွန်တော့်ထံ လာကြသည်ဟု ဆိုသည်။ ကျွန်တော်၏ အခြေအနေမှာ ထင်သလောက်မဆိုး၊ ပစ်တိုင်းထောင် ပြန်၍ ဖြစ်လိမ့်မည်ဟု ဆိုသွားကြသည်ဟူ၍ပြောသည်။ ယင်းသို့လျှင် `အဘ´ ကပြောသည်။ သူကလည်း အရေးတယူပြန်ပြော၊ ကားရလစ်ကလည်း အားတက်သရောကြီး ထောက်ခံပြန်သောကြောင့်၊ ဝေဒနာ ကို ကိုယ်တိုင်ခံစားနေရသော ကျွန်တော့်မှာ စေတနာနှင့်လည်ဆယ်ကြရှာသည်တကား ဟူ၍သာ သဘောပိုက်ရပါတော့သည်။ ကောင်းမွန်လှသော အသိုင်းအ၀ိုင်းပါပေ။ သူတို့ပြောသမျှ မယုံကြည်နိုင် သည့်အတွက်ပင် စိတ်မကောင်းဖြစ်ရပါသေးသည်။
နေ့လည်ပိုင်း
အကျဉ်းခန်းတံခါးပွင့်သွားကာ ခွေးတကောင်သည် အသံမမြည်ဘဲ ခြေဖျားထောက်၍ ပြေးဝင် လာသည်။ ကျွန်တော်၏ခေါင်းနားတွင်ရပ်တန့်ကာ စူးစူးစမ်းစမ်းကြည့်ရှုပြန်ပါသည်။ တဖန်ဖိနပ်ရှည်ကြီး နှစ်ရံ၊ ယခုတော့သိပါပြီ။ ဖိနပ်တရံကား ခွေးပိုင်ရှင်၊ ပန်းကရာ့စ် ထောင်မှူး၏ ဖိနပ်များဖြစ်လျက် အခြား ဖိနပ်တရံကိုပိုင်သူကား ထိုတညကျွန်တော့်ကို စစ်ဆေးမေးမြန်းကြစဉ် ကြီးမှူးခေါင်းဆောင်ခဲ့သော ကွန်မြူနစ်ဆန့်ကျင်ရေး ဌာနမှူးပင်ဖြစ်သည်။ ထို့ပြင် အရပ်ဝတ် အရပ်စားဘောင်းဘီ။ ကျွန်တော်၏ မျက်လုံးများသည် ထိုဘောင်းဘီတလျှောက် မော့၍ကြည့်လိုက်သည် ဟုတ်သည်၊ သူ့ကို ကျနော်သိ သည်။ ထိုသူကား ဖမ်းဆီးသည့်တပ်စိတ်ကို ခေါင်းဆောင်ခဲ့သည့် ပုလိပ်အရာရှိ ပိန်ပိန်ရှည်ရှည်ဖြစ် သည်။ သူသည် ကုလားထိုင်တလုံး၌ ၀င်၍ထိုင်ကာ ကျနော့်အား စစ်ဆေးမေးမြန်းပြန်ပါသည်။
- မင်းရဲ့ဇာတ်ကတော့ ပျက်ပါပြီကွာ။ ကိုယ့်ကိုယ်ကိုယ် ကာကွယ်လို့တော့ ရအုံးမယ်၊ ဖွင့်သာပြော ပေတော့။
သူက စီကရက်တလိပ်ထုတ်ပေးသည်။ ကျွန်တော်က လက်မခံ။ ထိုစီးကရက်ကို နိုင်အောင် ကိုင်နိုင်မည်လည်းမဟုတ်။
- မင်း ဘာ့က်စ် တို့အိမ်မှာ ဘယ်လောက်ကြာကြာနေခဲ့သလဲ။
ဘာ့က်စ်တို့အိမ် … ဒါကိုလဲ သိသကိုး … သူတို့ကို ဘယ်သူကများ ဖွင့်ပြောလိုက်ပါလိမ့်။
- ကဲ၊ မြင်တယ်မဟုတ်လား၊ ဒို့ အားလုံးသိတယ်ကွ။ အကုန်သာ ဖွင့်ပြောပေတော့။
ခင်ဗျားတို့ အကုန်လုံးသိတယ်ဆိုယင်၊ ကျုပ်က ဘာများထပ်ပြီးပြောနေရအုံးမှာလဲ။ ကျုပ်ဟာ ကျုပ်ရဲ့ဘ၀ကို အလဟဿဖြုန်းတီးခဲ့တဲ့ လူစားးမဟုတ်ဘူး၊ ဒီဘ၀ရဲ့ အဆုံးသတ်ကိုလဲ အပျက်ဆီးခံ မှာမဟုတ်ဘူး။
စစ်ဆေးခြင်းကား တနာရီကြာသည်။ မငေါက်မငန်း။ မေးခွန်းကို စိတ်ရှည်လက်ရှည် ထပ်၍ ထပ်၍ ကြော့သည်။ အဖြေမရလျှင် ဒုတိယမေးခွန်း၊ တတိယမေးခွန်း၊ ဒဿမ။ ဆင့်၍ဆင့်၍လာသည်။
- ဒါလောက်တောင် ထိုင်းရသလားကွ။ ဒါအဆုံးသတ်ပဲဟာ။ နားလည်လား။ မင်းတို့ လုံးလုံးကြီးရှုံးပြီပဲ။
- ရှုံးတာက ကျုပ်တယောက်တည်း ရှုံးတာပါ။
- ကွန်မြူးန်တွေ နိုင်လိမ့်မယ်လို့ ယုံတုန်းပဲလား။
- ဒါပေါ့။
- ခုထက်ထိ ယုံတုန်းပဲတဲ့လား - တာဝန်ခံက ဂျာမန်ဘာသာဖြင့် မေးသည်ကို၊ အရာရှိ အရပ်ရှည်ရှည် က ဘာသာပြန်ပေးသည် - ရုရှတွေ အနိုင်ရလိမ့်မယ်လို့ ယုံတုန်းပဲတဲ့လား။
- ဒါပေါ့၊ အဆုံးသတ်ဟာ ဒီတလမ်းပဲရှိတာ။
ကျွန်တော်ကား နွမ်းနယ်လျက်ရှိပြီ။ အငိုက်မိမသွားစေရန် ရှိသမျှအင်အားများဖြင့် တောင့်ထား ခဲ့သည်။ ယခုမူ ဒဏ်ရာနက်နက်မှ သွေးဒလဟောထွက်သကဲ့သို့ သတိလည်း ကျွန်တော့်ထံမှ လွတ်စ ပြုလေပြီ။ ကျွန်တော်အား လက်လှမ်းပေး၍ နှုတ်ဆက်သွားကြသည်ကို တွေ့ထိလိုက်သေးသည် - ပုံ ပန်းအားဖြင့် ကျွန်တော်၏ နဖူးပြင်ပေါ်တွင် သေမင်း၏အမှတ်အသားကို ဘတ်ကြားမိကြဟန်တူသည်။ မှန်ပေသည်။ အချို့သော် တိုင်းပြည်များမှ အာဏာပါးကွက်သားတို့သည်၊ အမိန့်အတိုင်း မကွပ်မျက်မီ၊ သေဒဏ်သင့်သူ၏နဖူးကို နမ်းရှုံ့သောဓလေ့မျိုးပင် ထားခဲ့ဘူးကြသည် မဟုတ်လော။
ညနေပိုင်း။
လက်ယှက်ထားသည့် လူနှစ်ယောက်သည်၊ တယောက်နောက်မှ တယောက် ၀ိုင်းကြီးပတ် လည် လျှောက်နေကြသည်။ စိတ်မချမ်းမြေ့စရာ ဓမ္မသီချင်းတပုဒ်ကို အတိုင်အဖောက်လည်း မညီဘဲ လေးတွဲ့သော အသံများဖြင့် သီဆိုနေကြသည်။
“နေမင်း၏ ရောင်ခြည်များနှင့်
ကြယ်ပွင့်တို့၏ အလင်းရောင်များသာ
ကျွန်ုပ်တို့အတွက် ကွယ်ပျောက်ခဲ့သော် ...”
အမလေး ... ကိုယ့်လူတို့ ... ကိုယ့်လူတို့ကလဲဗျာ။ တော်ကြစမ်းပါတော့။ ခင်ဗျားတို့သီချင်းက ကောင်းယင်တော့ ကောင်းမှာပါ၊ ဒါပေမယ့် ဒီနေ့ဟာ မေဒေးအကြိုနေ့ခင်ဗျ။ မေဒေးဆိုတာ လူ့လောက တ၀ှမ်းလုံးမှာ အလှပဆုံး၊ အရွင်ပြဆုံးပွဲတော်မဟုတ်လား။ ကျွန်တော်သည် လန်းဆန်းသော သီချင်း တပုဒ်ကို ဆိုကြည့်သည်။ သို့သော် ကားရလစ်က တဘက်သို့လှည့်သွား၍ အဘခမြာ မျက်ရည်သုတ်ရ သည့်အထိ၊ ပို၍စိတ်မချမ်းမြေ့စရာဖြစ်သွားပုံရသည်။ သို့သော် ကျွန်တော်က အညံ့မခံဘဲ ဆက်၍ဆို သွားသည်တွင်၊ သူတို့လည်း ရော၍၀င်လာကြသည်။ ကျွန်တော်လည်း စိတ်ကျေနပ်စွာ အိပ်ပျော်သွားပါ တော့သည်။
မေဒေးနေ့၏၏ နံနက်စောစောပိုင်း။
ထောင်မြှော်စင်မှ နာရီသည် သုံးချက်တိတိ ရိုက်ခတ်လိုက်လေသည်။ ထိုအသံကို ပဌမဦးဆုံး အကြိမ် ကြည်ကြည်လင်လင်ကြီးကြားရသည်။ အဖမ်းခံရသည့် အချိန်မှစ၍တွက်လျှင် ပြည့်ပြည့်၀၀ သတိပြန်လည်သည်မှာ ယခအခါ ပဌမဆုံးအကြိမ်ဖြစ်လေသည်။ သန့်ရှင်းသောလေပြေသည် ပြူတင်း ပေါက်မှလျှံဆင်းလာလျက်၊ ကြမ်းပေါ်ရှိကျွန်တော်၏ ကောက်ရိုးမွေ့ရာကို ဆွ၍နေသည်။ တမဟုတ်ချင်း ပင်၊ ကောက်ရိုးစများသည် ကျွန်တော်၏ ရင်ပတ်နှင့်ဝမ်းဗိုက်အား တင်းတင်းကြပ်ကြပ်ကြီး တွန်းထိုးနေ ကြသည်ကို ခံစားရသည်။ တကိုယ်လုံးတွင်လည်း တကွက်မျှမလပ်အောင် အကိုက်အခဲပေါင်း တ ထောင်ဖြင့် ကိုက်ခဲနာကျင်နေကာ၊ အသက်ရှူရလည်း ကြပ်တည်းလာသည်။ ထိုအခိုက်၊ ပြူတင်းပေါက် ကိုဖွင့်လိုက်သကဲ့သို့ ရှင်းလင်းပြတ်သားသော အသိဓာတ်လည်းပေါ်လာသည်။ ကျွန်တော်ကား အသက်ငင်နေလေပြီ။
သေမင်းကြီး ခင်ဗျားကို စောင့်နေလိုက်ရတာဗျာ၊ ကြာလှပါပြီကော။ ဒါနဲ့များတောင် ဟိုတ လောတုန်းကဆိုရင် ခင်ဗျားနဲ့တွေ့ဘို့နှစ်တွေ အမြောက်အများလိုသေးတယ်လို့ ထင်နေသေးတယ်။ လွတ်လပ်တဲ့လူ့ရဲ့ဘ၀ကို ပြန်ရောက်လိမ့်အုံးမယ်၊ အလုပ်တွေအများကြီး လုပ်နိုင်အုံးမယ်၊ အချစ်စိတ် တွေအများကြီးမွေး၊ သီချင်းတွေအများကြီးဆို၊ ကမ္ဘာတ၀ှမ်းလုံးကိုလဲ လျှောက်ပြီးလေလွင့်လိုက်အုံးမယ် လို့တောင် မျှော်လင့်နေခဲ့သေးတယ်၊ အမှန်က ကျွန်တော်ဟာ အခုမှ အတောင်အလက်စုံစပြုရတာပါ။ အားတွေလဲ အများကြီး ... အများကြီးရှိနေခဲ့သေးတယ်။ အခုတော့ ဒီအားတွေ ဘာမှမရှိတော့ဘူး။ ကုန်လုပါပြီ။
ကျွန်တော်ဟာ ဘ၀ကိုချစ်ခဲ့တယ်။ ဘ၀ရဲ့အလှအတွက် စစ်မြေပေါ်ကို ကျွန်တော်ထွက်ခဲ့တယ်။ လူအပေါင်းတို့၊ ခင်ဗျားတို့ကို ကျွန်တော်ချစ်ခဲ့တယ်။ ဒီအချစ်ကို ခင်ဗျားတို့က တုံ့ပြန်ကြတဲ့အခါမှာ ကျွန် တော်ဟာ ပျော်ရွှင်နေခဲ့တယ်။ ကျွန်တော့်ကို ခင်ဗျားတို့နားမလည်ကြတဲ့အခါမှာတော့၊ စိတ်မကောင်း ဖြစ်ခဲ့ရပါတယ်။ ကျွန်တော်ဟာ တစုံတယောက်ကို ထိခိုက်စရာလုပ်မိခဲ့မယ်ဆိုရင် ကျွန်တော့်ကိုခွင့် လွှတ်ကြပါ။ ကျွန်တော်က တစုံတဦးကို စိတ်ချမ်းမြေ့စရာပြုလုပ်ခဲ့တယ်ဆိုရင် အဲဒီကိစ္စကို မေ့သာပစ် လိုက်ပါတော့။ ၀မ်းနည်းမှုဆိုတာဟာ ကျွန်တော့်န်ာမည်နဲ့ ဘယ်တော့မှ တွဲမနေပါစေနဲ့။ အဲဒါပဲ ကျွန်တော့်ရဲ့ သေတမ်းစာ။ ဒီသေတန်းစာဟာ ဖေဖေ၊ မေမေ၊ ကိုကို့ညီမလေးတို့ဘို့။ ပြီးတော့ မင်းဘို့ကွဲ့ မောင့်ဂုစတီနာ။ ရဲဘော်တို့၊ ဒီသေတန်းစာဟာ ခင်ဗျားတို့ဘို့၊ ကျွန်တော်ခင်မင်ခဲ့တဲ့ လူတွေအားလုံး အတွက်ပါပဲ။ ပူဆွေးမှုဆိုတဲ့ သဲမှုန့်တွေ မျက်လုံးထဲဝင်နေတာကို၊ မျက်ရည်က ဆေးကျောပစ်နိုင် တယ်ဆိုယင်တော့၊ ခဏတဖြုတ်လောက်ငိုကြပေါ့။ ဒါပေမယ့် ယူကြုံးမရဖြစ်မနေကြပါနဲ့။ ကျွန်တော် လောကကြီးမှာ နေခဲ့တာဟာ ပျော်ရွှင်မှုအတွက်ပါ။ အခုလဲ ပျော်ရွှင်မှုအတွက် အသက်ကိုပေးတော့ မယ်။ ကျွန်တော့်ဂူပေါ်မှာ ၀မ်းနည်းမှုနတ်သ္မီးရဲ့ရုပ်တုကို တင်ထားကြမယ်ဆိုရင်တော့ ကျွန်တော့်အပေါ် မတရားရာကျနေလိမ့်မယ်။
မေဒေးနေ့။ ဤအချိန်များဝယ်၊ ကျွန်တော်တို့သည် မြို့ဆင်ခြေဖုံးများ၌ အိပ်ရာမှထ၊ အလံများ ကို ပြင်ဆင်ခဲ့ကြသည်။ ဤအချိန်များတွင် မေဒေးနေ့ စီတန်းလမ်းလျှောက်ပွဲအတွက်၊ မော်စကိုမြို့တော် လမ်းမများပေါ်၌ ပဌမလူစုလူဝေးများ ပေါ်လာစမြဲဖြစ်သည်။ ယခုအချိန်တွင်ကား သန်းပေါင်းများစွာ သောလူတို့သည် မနုဿလူသား၏ လွတ်မြောက်ရေးအတွက် နောက်ဆုံးတိုက်ပွဲကြီး ဆင်နွှဲနေကြ လေပြီ။ ယင်းတိုက်ပွဲတွင် လူပေါင်း ထောင်ပေါင်းများစွာလည်း ကျဆုံးနေကြသည်။ ထိုကျဆုံးသူတို့တွင် ကျွန်တော်လည်း တယောက်အပါအ၀င်ဖြစ်သည်။ ဤစာရင်းထဲတွင် ပါဝင်ရခြင်း၊ နောက်ဆုံးတိုက်ပွဲ ၀င်နွှဲသူတို့၏ စာရင်းတွင် ပါဝင်ရခြင်းကား ကောင်းမွန်လှပေစွ။
သို့သော် သေဇောင်နေခြင်းကား မကောင်း။ မွန်း၍နေသည်။ အသက်မရှူနိုင်။ လည်ချောင်းထဲ တွင်လည်း ဂလိုင်ခြစ်သံကို ကြားရသည်။ ဒီအသံကြောင့် ထောင်ကျဘော် ထောင်ကျဘက်များ နိုးသွား မည်ကို စိုးရသေးသည်။ အကယ်၍ ရေအနည်းငယ်နှင့် ဆွတ်လိုက်ရမည်ဆိုလျှင် ... သို့သော် ခရား တွင်းမှရေကား ကုန်နေလေပြီ။ ကျွန်တော်နှင့် ခြေလှမ်းခြောက်လှမ်းမျှအကွာ၊ အကျဉ်းခန်းထောင့်ရှိ ကမုတ်ထဲတွင်ကား ရေလိုချင်သလောက်ရနိုင်မည်။ သို့သော် ထိုနေရာသို့ အရောက်သွားရန် အားရှိမှ ရှိပါမည်လော။
သေခြင်း၏ဂုဏ်ရည်သည် မည်သူတဦးတယောက်ကိုမျှ မနှိုးမိခြင်းအပေါ်တွင်တည်နေဘိသည့် အလား၊ ကျွန်တော်သည် တိတ်ဆိတ်ငြိမ်သက်စွာ တွား၍တွား၍သွားသည်။ သို့နှင့် လိုရာသို့ရောက် သွားကာ၊ ရေဆွဲအိမ်သာ ကမုတ်တွင်းမှရေကို တကျိုက်ပြီးတကျိုက် သောက်နေခဲ့ပါသည်။ ထိုသို့ရေ သောက်နေသည်မှာ မည်မျှကြာသွားသည်မသိ၊ ပြန်၍တွားသွားသည်မှာလည်း မည်မျှကြာသည်မသိ။ သတိဟူသ၍ကား ကျွန်တော့်ထံမှ ဖယ်ခွာစပြုနေပြန်သည်။ ကျွန်တော်သည် လက်မောင်းမှ သွေးကျော ကို စမ်းကြည့်မိသည်။ အထိအတွေ့ဟူ၍ လုံးဝမခံစားရ။ ကျွန်တော်၏နှလုံးသည် လည်ချောင်းအထိ ထိုး တက်သွား၍ ယခုပြင်းထန်သော အဟုန်ဖြင့် အောက်သို့ကျလာသည်။ ကျွန်တော်သည် ထိုနှလုံးသား နှင့်အတူ ကျဆင်းလာသည်။ အကြာကြီးပင် ကျဆင်းနေခဲ့သည်။ လမ်းခုလတ်တွင် ကားရလစ်၏အသံ ကို ကြားလိုက်ရသေးသည်။
- အဘ၊ အဘ၊ ကြားလားဗျို့၊ ဒီလူ့ခမျာ တည်းတည်းကလေးပဲ ကျန်တော့တယ်။
... ... ... ... ... ... ... ... ... ... ...
နံနက်ပိုင်းတွင် ဆရာဝန်ရောက်လာသည်။
သို့သော် ထိုအဖြစ်အပျက်များကား နောက်အတော်ကြီးကြာမှ ပြန်လည်ကြားသိရခြင်းဖြစ် သည်။
ဆရာဝန်ရောက်လာ၍ ကျွန်တော့်အား စမ်းသပ်ကြည့်ကာ၊ ခေါင်းကိုခါလေသည်။ နောက်ဆေး ခန်းသို့ပြန်သွား၍၊ ယမန်နေ့ညက ကျွန်တော့်အမည်တပ်ကာ၊ အသင့်ပြင်ထားခဲ့သော သေစာရင်းလက် မှတ်ကို ဆုတ်ပစ်လိုက်သည်။ ၎င်းနောက် ကျွမ်းကျင်သော ပညာရှိ၏၀န်ခံချက်အနေဖြင့် ကျေညာသမှု ပြုလိုက်လေသည်။
- သန်လိုက်တဲ့ ဖြစ်ခြင်း၊ မြင်းနဲ့တောင် နင်လားငါလားပဲ။

အပြည့်အစုံသို့...

Saturday 15 December 2007

မောင်မောင် ဆိုရင် တော်ပါပြီ ။ သံဃာ နဲ့ ကျောင်းသားလှုပ်ရှားမူကြီးကို သူလုပ်တာ ဆို ပါလား


Rest of your postFriday, 14 December 2
Activists Leaders Say Maung Maung Not 'Mastermind' of Uprising
By Wai Moe
December 13, 2007

Leading Burmese activists this week disputed claims by exiled politician and labor activist Maung Maung that he trained people to participate in the September uprising.Maung Maung, a controversial politician in exile, was quoted in The Washington Post, on December 4, "We had about 200 people inside the country trained to take pictures with digital and video cameras. We also trained them to transmit using satellite phones and Internet cafes. They were on the front lines when the demonstrations started.”



"We want money for Sat phones, for digital cameras, for typewriters for the monks, for bicycles. We need it now"—Maung Maung

"We want money for Sat phones, for digital cameras, for typewriters for the monks, for bicycles। We need it now," he told the Post.However, many pro-democracy opposition groups inside and outside Burma strongly disputed Maung Maung's claims and are critical of his unsubstantiated comments.U Sila Nanda, a leading monk during the September uprising who arrived on the Thai-Burmese border recently, said independent monks led the mass protests and no exiled politicians were behind the uprising.

On December 3 in press conference in Naypyidaw, the Burmese junta's Police Director Brig-Gen Khin Yi alleged that exiled Burmese opposition groups and politicians were the masterminds behind the planning and organizing of the pro-democracy uprising.

U Sila Nanda said the junta’s claim in the press conference that Maung Maung, also known as Pyi Thit Nyunt Wai, played a leadership role in the uprising was U Sila Nanda said the junta’s claim in the press conference that Maung Maung, also known as Pyi Thit Nyunt Wai, played a leadership role in the uprising was false।Maung Maung is also secretary of The Federation of Trade Unions—Burma (FTUB). On Thursday, he was in Washington, DC, with a Burmese delegation lobbying for funds to aid opposition groups.


“The exiled politician [Maung Maung] was not related to the monks in Burma during the uprising,” said U Sila Nanda.

“The monks in Burma are clearly free from any exiled organization. If any politicians tried to control the monks, we [monks] would not accept it.

"If they want credit for the monk-led demonstrations, then they should cooperate with the monks,” he said.

Tun Myint Aung, a leader of the 88 Generation Students group who is in hiding, told The Irrawaddy this week that exiled politicians and activists should speak carefully about the causes behind the demonstrations.

“This kind of talk can split the pro-democracy movement," he said. "It can also make more risky situations for activists inside Burma. It is counterproductive.

"Nobody, including the 88 group, systematically prepare for the movement. It happened naturally through the people’s momentum.

“On August 19, we marched in Rangoon. But we did not prepare for that march. We immediately decided to march because of the Burmese people’s poor situation after the fuel price hike by the junta.”

Bo Kyi, the joint secretary of the Assistance Association for Political Prisoners (Burma), said all anti-junta protests were originated by people inside Burma who suffer under the military rules.

“Exiled politicians should not say that it was their work," he said.

All the junta's accusations were false, he said.

"No one gave money to people to join the protests. Hundreds of thousands of people decided to join the protests for democracy and their future,” he said.

Naing Aung, the secretary-general of the Forum for Democracy in Burma, said most protesters were independent monks, young people and students who were not connected to exiled groups such as the FDB or FTUB.

He was critical of exiled leaders who claim ties to groups inside Burma, also saying it could make trouble for pro-democracy activists.

Both Bo Kyi and Naing Aung were named by Brig-Gen Khin Yi as masterminds behind the scene of the September uprising.

A former political prisoner in Mae Sot also disputed statements made by Maung Maung, who, during a meeting on the border during the uprising, said members of his trade union organization would join the uprising.

"But none of his men joined the September movement,” the activist said.

In the press conference in Naypyidaw, Police Director Brig-Gen Khin Yi alleged that systematic planning designed to topple the junta was done months before the uprising.

He claimed the main group behind the opposition was the FDB, which is based on the Thai-Burmese border.

အပြည့်အစုံသို့...

ကြိုးစင်ပေါ်မှ မှတ်တမ်းများ (ဂျူးလီယက်ဖူးချစ်) အခဏ်း (၁)

အမှာ

ချက်အမျိုးသား အာဇာနည်သူရဲကောင်း ဖူးချစ်ရေးသားသော “ကြိုးစင်ပေါ်မှ မှတ်တမ်းများ” စာအုပ်ကား ယုံကြည်ချက်ကြောင့် သေမင်းကိုပြုံးပြုံးကလေး ရင်ဆိုင်သွားခဲ့သော နာဇီဆန့် ကျင်ရေးသူရဲကောင်း မှတ်တမ်းအဖြစ်၎င်း၊ ဂန္တ၀င်မြောက်သောစာပေအဖြစ်၎င်း ကမ္ဘာတွင် မော်ကွန်းတင် ကျန်ရစ်လောက်အောင် အစွမ်းထက်လှသော စာအုပ်ဖြစ်ပေသည်၊ ကမ္ဘာ အရပ်ရပ်မှ ပြည်သူများသည် ထွန်းပြောင်သော သတင်းစာဆရာတစ်ဦး၏ စာဖတ်သူအသဲ နှလုံးကို ဆွဲကိုင်နိုင်သော ပြောင်မြောက်သည့် အရေးအသားများကို၎င်း၊ သူမတူအောင် ရက်စက်ကြမ်းကြုတ်လှသော ရန်သူများကိုရင်ဆိုင်ရသည့် အချိန်အခါမျိုးတွင် အင်အားတက် ကြွကြံ့ခိုင်စေပြီး တော်လှန်ရေးစိတ်ဓာတ် မြင်မားလာအောင် ဖန်တီးပေးနိုင်စွမ်းရှိသော ထက် မြက်သည့် တော်လှန်ရေးစွမ်းရည်များကို၎င်း၊ တခဲနက်အသိ အမှတ်ပြုကြပေသည်။
“ကြိုးစင် ပေါ်မှ မှတ်တမ်းများ” သည် ဤမျှအစွမ်းထက်လှပေသည်။ နာဇီဆန့်ကျင်ရေး ကာလ၏ “ကြိုးစင်ပေါ်မှ မှတ်တမ်းများ”ကို ပြည်ထောင်စုမြန်မာနိုင်ငံတွင် အလုပ်သမား လယ်သမား အာဏာပိုင်နိုင်ငံတည်ဆောက်နေသော ယခုလိုအချိန်အခါမျိုး၌ ဘာကြောင့်ထုတ်ဝေရသ နည်းဟု စာဖတ်သူများစိတ်တွင် မေးခွန်းထုတ်ကောင်း ထုတ်လိုကြပေလိမ့်မည်။ အားလုံးသိ ရှိကြပြီးဖြစ်သည့်အတိုင်း ချက်အာဇာနည်သူရဲကောင်းဖူးချစ်သည် “ကြိုးစင်ပေါ်မှမှတ်တမ်း များ” ကို ရေးသားခဲ့သည်မှာ နှစ်ပေါင်း (၂၀) ကျော်ပြီဖြစ်သည်။ ထိုအနှစ် (၂၀) အတောအ တွင်း၌ ကမ္ဘာ့အခြေအနေ အရပ်ရပ်သည် အခြေအမြစ်မှ ပြောင်းလဲခဲ့ပြီဖြစ်သည်။ ဆိုရှယ် လစ်စနစ်သည် လွန်ခဲ့သောနှစ်ပေါင်း(၂၀)တုံးကလို နယ်ချဲ့နာဇီအရင်းရှင်များ၏ တိုက်ခိုက်မှု ကိုအလူးအလဲခံနေရသည့် အနေအထားမျိုးမဟုတ်တော့ဘဲ၊ ကမ္ဘာ့နိုင်ငံရေးလမ်းကြောင်းကြီး ၏ ကံကြမ္မာကိုဆုံးဖြတ် ဖန်တီးနိုင်စွမ်းရှိလာပြီဖြစ်သည်။ ဤသို့ချီတက်လာသော ခရီး ကြမ်းကို ပြန်လှန်သုံးသပ်ရှုမြင်ခြင်းအားဖြင့် အခြေအနေအသစ်များ ပေါ်ထွန်းပြောင်းလဲနေသည့် ရုပ် ၀တ္ထုအခြေအနေများကို တအံ့တသြမြင်နိုင်စွမ်းရှိပြီး၊ ထိုအခြေသစ်အနေသစ်များ၊ ကမ္ဘာ့လုပ် သားပြည်သူတရပ်လုံး၏ အောင်မြင်မှု အသီးအပွင့်များကို ခိုင်မာအောင်ထိန်းသိမ်းပြီး ဆက် လက်ကြီးထွားတိုးပွားအောင် ပြုလုပ်ရမည်ဖြစ်သော လုပ်ငန်းတာဝန်များကို ကြည်ကြည်လင် လင် သိမြင်နိုင်ကြမည်သာဖြစ်သည်။ အခြေသစ်အနေသစ်များ၊ ကမ္ဘာ့လုပ်သား ပြည်သူများ၏ အောင်မြင်မှုအသီးအပွင့်များ၏ အရှိန်သြဇာနှင့် မြန်မာပြည်သူများ၏ ရုန်းကန်တိုက်ပွဲဝင်မှုများ ကြောင့် ပြည်ထောင်စုမြန်မာနိုင်ငံဆိုလျှင် အရင်းရှင်မြေရှင်နိုင်ငံရေးဖြစ် ပေါ်တိုးတက်မှု လမ်း ကြောင်းကို မပြန်လမ်းသို့ပို့ဆောင်ပြီး မြန်မာ့ဆှိုရှယ်လစ်လမ်းစဉ်ဖြင့် အလုပ်သမားလယ် သမား အာဏာပိုင်နိုင်ငံ ထူထောင်ရေးအတွက် အရှိန်အဟုန်ပြင်းစွာ လုပ်ဆောင်နိုင်နေလေပြီ။ ဤသို့သော ကမ္ဘာ့အခြေအနေနှင့် မြန်မာ့အခြေအနေ တိုးတက်ပြောင်းလဲမှုများကို မြင်နိုင်စွမ်း မရှိသူများအား ချက်အမျိုးသား အာဇာနည်ဖူးချစ်တို့ ကမ္ဘာ့လက်ဝါးကြီးအုပ် အရင်းရှင်စနစ်ကို မည်သို့မည်ပုံ ရင်ဆိုင်ခဲ့ကြသည်ဟူသော ဆိုးဝါး ပြင်းထန်သည့် အလွန်တရာခက်ခဲလှသော အခြေအနေများကို “ကြိုးစင်ပေါ်မှ မှတ်တမ်းများ” တွင် ပြန်လည်တွေ့ မြင်နိုင်ကြပြီး ယနေ့ အခြေအနေသစ်များနှင့် အခြေခံကျသော အပြောင်းအလဲများကိုလည်း ချိန်ထိုးအကဲဖြတ်နိုင် ကြရန် ဤစာအုပ်အား ထုတ်ဝေလိုက်ရခြင်းဖြစ်ပေသည်။ ဖူးချစ်ကို သူရဲကောင်းများ ထွန်းညှိညွှန်ပြရာ မီးရှူးတန်ဆောင်အတိုင်း နိုင်ငံအားလုံးမှ လုပ်သားပြည်သူအင်အား စုများ လိုက်ပါချီတက် တိုက်ခိုက်ခဲ့ကြခြင်း၏ရလဒ်အဖြစ် ကမ္ဘာကြီးပြောင်းလဲကာ အခြေသစ်အနေ သစ်များ ပေါ် ပေါက်လာရခြင်းဖြစ်သည်ကို နှလုံးသွင်းမိကြဖို့လိုအပ်သည်။ ဖက်ဆစ်နာဇီများကို ချေမှုန်းတိုက်ခိုက်ရာတွင် အမာခံဖြစ်သော ဆိုဗီယက်ပြည်သူများနှင့် နိုင်ငံတကာရှိ ဖူးချစ်လို နာဇီဖက်ဆစ် ဆန့်ကျင်ရေးသူရဲကောင်းများ၏ အနိုင်မခံအရှုံးမပေးသော တိုက်ပွဲဝင်စိတ်ဓာတ် များ၊ နယ်ချဲ့ အရင်းရှင်များနှင့် ရင်ဆိုင်တိုက်ခိုက်ခဲ့ကြသည့်တိုက်ပွဲတွင် အသဲနှင့်ယှဉ်ပြီး အသက်နှင့်ကိုယ်ခန္ဓာကို စတေးခဲ့ကြသော ဆိုရှယ်လစ်ဘက်တော်များ၏ ကျေးဇူး တရားကို လည်း သိတတ်ကြဘို့လိုအပ်ပေသည်။ ဤကျေးဇူးတရားများကို ရင်ဝယ်ပိုက်ထွေးရင်း ချက်အာဇာနည်သူရဲကောင်းဖူးချစ်ကို မွေးထုတ်ခဲ့သော ချက်ကို စလိုဗက်ပြည်သူများနှင့် ဖက်ဆစ်ဂျပန်များကို တော်လှန်တိုက်ခိုက်ခဲ့ကြသည့် မြန်မာပြည်သူများသည် အခြေသစ် အနေသစ်များပေါ်တွင် မိတ်ဆွေဖြစ်ရေး၊ ငြိမ်းချမ်းရေးနှင့် နှစ်ပြည်ထောင်ပူးပေါင်းဆောင် ရွက် ရေး၏ အမှတ် အသားအဖြစ်လည်းရည်စူးပြီး ဤစာအုပ်ကိုထုတ်ဝေခဲ့ခြင်းလည်း ဖြစ်ပါသည်။ ၎င်းရည်စူးချက်နှင့်တပါတည်း မြန်မာ့အာဇာနည်သူရဲကောင်းကြီး ဗိုလ်ချုပ်အောင်ဆန်းအား ချက်ပြည်သူများက ကြည်ညိုချစ်ခင်လေးစားကြသလို ချက်သူရဲကောင်းဖူးချစ်အား မြန်မာ ပြည်သူများက ပိုမိုသိနားလည်ပြီး ပိုမိုကြည်ညိုလေးစားကြစေရန် ရည်သန် ချက် အောင်မြင်ပြည့်မြောက်မည်ဆိုလျှင် ဤ “ကြိုးစင်ပေါ်မှ မှတ်တမ်းများ” စာအုပ်ထုတ်ဝေရကျိုး ပိုနပ်လိမ့်မည်သာဖြစ်သည်။
(အားသစ်စာပေကော်မတီ)

ကြိုးစင်ပေါ်မှမှတ်တမ်းများ

ပန်းကရာ့စ်၊ ဂတ်စတာပို အကျဉ်းထောင်၌ ၁၉၄၃ ခုနှစ်၊ နွေဦးရာသီတွင် ရေးသားသည်။

သတိအနေအထားနှင့်ထိုင်၊ ကိုယ်ကိုမတ်မတ်တောင့်၊ ဒူးများပေါ်တွင် လက်များကပ်ထား၊ မျက် လုံးများကလည်း ပက်ချက် နန်းတော်ရှိ “အိမ်တွင်းထောင်” မှ ၀ါကျင့်ကျင့်ထရံကို စူးစူးစိုက် စိုက်ကြည့် နေရမည်ဆိုလျှင် ဤသည်ကား အမှန်အားဖြင့်၊ အတွေးနယ်ချဲ့ရန် သက်တောင့် သက်သာရှိလှသော အနေအထားမျိုးမဟုတ်ပါပေ။ ဒါပေမယ့် စိတ်ဆိုတာမျိုးကိုတော့ သတိ အနေအထားနဲ့ ထိုင်နေလို့ဘယ်သူက အာဏာပြနိုင်မှာလဲ။ တစုံတယောက်ကမည်သူမည် ၀ါက မည်သည့်အခါတွင် ပြောခဲ့သည်ကိုကား အသေအချာစုံစမ်း၍ ရကောင်းမှ ရတော့မည် ဤပက်ချက်နန်းတော်တွင်းမှ “အိမ်တွင်းထောင်” ကို “ဘိုင်စကုတ်ရုံ” ဟု အမည်ပေးခဲ့လေ သည်။ ထက်သန်သော ပကတိဥာဏ်ပါပေ။ ကျယ်ပြန့်လှသော အခန်းကြီးအတွင်းဝယ် ခုံတန်း ရှည်ကြီးခြောက်လုံးကို တလုံးနောက်တလုံးစီချထားသည်။ ၎င်းခုံများပေါ်၌ကား အစစ်ဆေးခံ အကျဉ်းသမားများသည် ကျောများတောင့်၍ ထိုင်နေကြရသည်။ ရှေ့တည့်တည့်မှ ဗလာဟင်း လင်းဖြစ်နေသော ထရံကြီးသည်ကား ရုပ်ရှင်ရုံထဲမှ ပိတ်ကားသဘွယ် ဖြစ်နေလေသည်။ တခါ ထပ်၍ အစစ်ဆေးခံရလျက်၊ အညှင်းခံလိုခံ၊ သေလိုသေကြရမည့် အကျဥ်းသမားတို့၏ မျက်စိ များက ဤထရံပေါ်တွင် ပြသခဲ့သော ရုပ်ရှင်ဇာတ်ကားတို့ကား များပြားလှချေသည်။ တကမ္ဘာ လုံးရှိ ရုပ်ရှင်စတူဒီယိုများသည်ပင် ထိုမျှလောက်များမြောင်သော ဇာတ်လမ်းများကို မရိုက်ကူး ခဲ့ကြရသေးပေ။ မိမိတို့၏ တသက်ပတ်လုံး ဖြစ်စေ၊ ထိုတသက်တာမှ အသေးစိတ်တကဏ္ဍ ကလေးများကိုဖြစ်စေ ဖော်ပြသည့် ရုပ်ရှင်ကားများ။ မိခင်၏အကြောင်း၊ ဇနီးအကြောင်း၊ ကလေးများအကြောင်း၊ အဖျက်ဆီးခံရသော အိမ်၏အကြောင်း၊ ဆုံးရှုံးရသောအလုပ်အကိုင် အကြောင်း စသည်တို့ကိုပြသည့် ရုပ်ရှင်ကားများ။ ရဲရင့်သော ရဲဘော်တယောက်အကြောင်းနှင့် သစ္စာဖောက်မှုတမှုအကြာင်း၊ ထိုစာတမ်းတစောင်ကို ကျွန်တော်ကပေးခဲ့သော လူတယောက် ၏အကြောင်း၊ ထပ်လောင်း၍ စီးဆင်းဦးမည့် ရစ်ပတ်မိလောက်အောင် တင်းတင်းကြပ်ကြပ် လက်ချင်းညှစ်၍ နှုတ်ဆက်ပုံအကြောင်း စသည်တို့ကို ဖော်ပြသည့် ရုပ်ရှင်ကားများ။ တုန်လှုပ် ခြင်းနှင့်သန္နိဋ္ဌာန်၊ အမုန်းနှင့်အချစ်၊ သောကနှင့်မျှော်ကိုးချက်၊ ဤသည်တို့ဖြင့် ပြည့်ဝနေသော ရုပ်ရှင် ကားများပါပေ။ ဘ၀ကိုကျောခိုင်းထားကြပြီဖြစ်၍ ဤနေရာဤဌာန၀ယ် လူတိုင်းလူ တိုင်းသည် မိမိတို့၏မျက်စေ့အောက်၌ပင် နေ့စဉ်နှင့်အမျှ အသက်ပျောက်ကြသည်။ သို့သော် လူတိုင်း ကား အသစ်တဖန် မွေးဖွားလာပြန်သည်မဟုတ်။ ဤအခန်းအတွင်း၌ ကျွန်တော်သည် ကိုယ်ရေးရုပ်ရှင်ကားကို အကြိမ်ပေါင်းရာပေါင်းများစွာကြည့်ခဲ့သည်။ အသေးစိတ်များကိုလည်း အကြိမ်ပေါင်းထောင်ပေါင်းများစွာ မြင်ခဲ့သည်။ ယခုထိုရုပ်ရှင်ကားကို တကြိမ်မျှပြန်လည်ပြော စမ်းကြည့်လိုပါသည်။ အဆုံးမသတ်နိုင်မီ၊ ကြိုးကွင်းကို ဆွဲတင်းလိုက်ပြီဆိုလျှင်လည်း၊ ဤ ရုပ်ရှင်၏ “ဟက်ပီ အဲန်းဒ်” ကို ဆက်လက်ရေးသားကြမည့် လူပေါင်းကား သန်းပေါင်းအလီလီ ကျန်ရစ်ဦးမည်ဖြစ်ပေသတည်း။

“ဟက်ပီအဲန်းဒ်” – (အင်္ဂလိပ်စကား) ပျော်ရွှင်သော ဇာတ်သိမ်းခဏ်း။

အခဏ်း-၁

နှစ်ဆယ့်လေးနာရီ

နောက်ငါးမိနစ်အကြာတွင် နာရီကားဆယ်ချက်တိတိရိုက်ဆော်လေတော့မည်။ ၁၉၄၂ ခု၊ ဧပြီ လ၂၄ ရက်၊ နွေဦးရာသီ၏ လှလှပပနှင့် မပူမအေးသော ညဥ့်ဦးအခါ ဖြစ်ပေသည်ကို။
ကျွန်တော်သည် ခြေလှမ်းသွက်သွက်လေး လှမ်းနေခဲ့သည် - ရုပ်ဖျက်ထားသည့်အတိုင်း၊ ခြေ ထော့နင်းနှင့် အရွယ်ရင့်ရင့်လူကြီးတယောက်၏ ဟန်အမူအရာမပျက်စေရုံမျှ သတိထားကာ ယဲလီနက်တို့ထံ တိုက်တံခါးမပိတ်မီအရောက်၊ သွက်သွက်ကလေး လျှောက်နေခဲ့ပါသည်။ ထိုအိမ်တွင် ကျွန်တော်၏ “လက်ထောက်” မီးရက်တယောက် ဖြင့် စောင့်နေပေလိမ့်မည်။ ဤတခေါက်တွင် သူ့အနေနှင့် ပြောစရာအကြာင်းထူးမရှိမှန်း ကျွန်တော်သိသည်။ ကျွန်တော့ ဘက်ကလည်း သူ့အားမှာကြားစရာဘာမျှမရှိ။ သို့သော် ချိန်းထားလျက်နှင့် ပျက်ကွက်ခဲ့လျှင်၊ အခြားသူများစိုးရိမ်မကင်း ဖြစ်သွားနိုင်သည် - အထူးသဖြင့် အိမ့်ရှင်သူတော်ကောင်းနှစ် ယောက် အပေါ် အပို စိတ်သောက မရောက်စေလိုပါ။သူတို့က လဘက်ရည် တခွက်နှင့် ဆီးကြိုကြပါသည်။ မီးရက်ကားရောက်နှင့်နေပြီ - သူသာမက ဖရီးဒ်တို့ လင်မယားလည်း စောင့်နေကြသည်။
- ရဲဘော်တို့၊ ခင်ဗျားတို့ကိုတွေရတာတော့ ကောင်းပါရဲ့။ ဒါပေမယ့် အခုလို တပြုံကြီးစု ပြီးတော့ဖြင့် မတွေ့ချင်ဘူး။ ဒါမျိုးဆိုတာဟာ ထောင်နဲ့သေလမ်းကို တန်းနေတာပဲ။ လျှို့ဝှက် ရေးစည်းကမ်းတွေကို စောင့်ထိန်းယင်ထိန်းကြ၊ မထိန်းနိုင်ဘူးဆိုယင်တော့ အလုပ်မလုပ်ဘဲ နေကြတာကကောင်းလိမ့်မယ်။ ဘာ့ကြောင့်လဲဆိုတော့ ဒီလိုလုပ်ပုံမျိုး ဟာ ကိုယ့်ကိုယ်ကိုယ် ရော၊သူများတွေကိုရောအန္တရာယ်ဖြစ်စေတယ်။နားလည်လား။
-နားလည်ပါတယ်။
-ကဲကျွန်တော်တို့ဘာများယူလာခဲ့ကြသလဲ။
-မေဒေးနေ့ထုတ်ရူဒဲပရားဗောသတင်းစာ။
ရူဒဲပရားဗော - ချက်ကိုစလိုဗားကီးယားပြည် ကွန်မြူနစ်ပါတီ ဗဟိုကော်မတီ၏ သတင်းစာ။ စစ်အတွင်းကစာကူးစက်ဖြင့် လျှို့ဝှက်စွာရိုက်နှိပ်ဖြန့်ချိရသည်။(ရူဒဲပရားဗော - အခွင့် အရေး နီ)
-ကောင်းပါ့ဗျား။အဲ...မင်းကော...မီးရက်။
- ဒီလို ဒီလိုပါပဲ၊ ထွေထွေထူးထူးတော့ ဘာမှ မရှိပါဘူး။ အလုပ်ကတော့ ချောချောမောမောပဲ ...
- ကဲ၊ ဒါဖြင့်ပြီးရော။ မေဒေးလွန်မှတွေ့ကြသေးတာပေါ့။ ကျွန်တော်အကြောင်းကြား လိုက်ပါ့မယ်။ကိုင်း...သွားတော့မယ်။
-လဘက်ရည်တခွက်လောက်ထပ်သောက်သွားပါအုံး၊ဆရာကြီး။
- ဟာ၊ မဖြစ်သေးဘူး၊ မစ္စစ် ယဲလီနကောဗား။ ဒီမှာ ကျွန်တော်တို့သိပ်စုနေကြလို့။
ယဲလီနကောဗား - ချက်လူမျိုးတို့၏ အမည်များတွင်၊ ကိုယ်ပိုင်အမည်၊ မျိုးရိုးအမည်ဟု တွဲ၍သုံးကြသည်။ ချက် အမျိုးသမီးများ၏ မျိုးရိုးအမည်များမှာ (ေ -ာဗား) သို့မဟုတ် (-ား) တွင် အဆုံးသတ်သည်။ သို့ဖြင့် ယောက်ျား အမည်များက ဖူးချစ်။ ယလီနက်။ ပလာခီ။ ဟုဆိုလျှင် မိန်းမအမည်များကို ဖူးချစ်ကောဗား၊ ယဲလီနကောဗား၊ ပလာခါ ဟူ၍ ခေါ်ကြသည်။
- တခွက်ထဲပါလေ။ သောက်သွားပါအုံး။ငှဲ့ချလိုက်သော လဘက်ရည်မှအငွေ့တထောင်း ထောင်းထလာသည်။ တစုံတယောက်က တံခါးခေါင်းလောင်းကို နှိပ်သည်။ ညကြီးမင်းကြီး အချိန်မတော် ... ဘယ်သူများပါလိမ့်။ ဧည့်သည်တော်များကား စိတ်မရှည်ကြ။ တံခါးကို တ၀ုန်းဝုန်းနှင့်ထုကြလေသည်။
-ဖွင့်ပါတော့လား။ဒီမှာပုလိပ်တွေကွ။
- ပြူတင်းပေါက်ဆီကို မြန်မြန် ... ပြေးကြ။ ကျွန်တော့မှာ ပစ္စတိုတလက်ပါလာတယ်။ ခင်ဗျား တို့ လွတ်အောင် သူတို့ကိုဟန့်ထားမယ်။နောက်ကျသွားခဲ့ပြီ။ ပြူတင်းပေါက်အောက်တွင် ဂက်စတာပိုများရောက်နေကြကာ အခန်းတွင်းသို့ ပစ္စတိုများဖြင့် ချိန်ထားကြသည်။ အရပ် ၀တ်အရပ်စားနှင့် စုံထောက်များသည်လည်း အပြင်စင်္ကြန်မှတံခါးကို ချိုးဖွင့်ဝင်ရောက် လျက်၊ မီးဖိုဆောင်ငယ်ကိုကျော်ကာ အခန်းတွင်းသို့ ရောက်လာကြသည်။ တယောက်၊ နှစ်ယောက်၊ သုံးယောက် ... အားလုံးလူကိုးယောက်။ ကျွန်တော်ကား သူတို့ဖွင့်ဝင်လာသော တံခါး၏ အကွယ်သူတို့၏ နောက်တည့်တည့် သို့ ရောက်နေသည်။ ထို့ကြောင့် ကျွန်တော့်ကိုမမြင်ကြ။ ပစ်မည်ဆိုလျှင် သူတို့အား အေးအေးဆေးဆေး ပစ်ချနိုင် သည်။ သို့သော် ပစ္စတိုကိုးလက်က မိန်းမသားနှစ်ယောက်နှင့် လက်နက်မဲ့ယောက်ျားသုံးယောက်ကို ချိန်ထား သည်။ အကယ်၍ ကျွန်တော်က စတင်ပစ်ခတ်လိုက်လျှင်၊ ကျွန်တော်မကျခင် ကျွန်တော့်ရဲဘော်များ ကျဆုံးကြရ တော့မည်။ ကျွန်တော့ကိုသာ ပြန်၍ပစ်ပြီထားဦးတော့ ကျည်ဆံများက ပလူပျံလျက်၊ ကျွန်တော့်ရဲဘော်များသာလျှင် ဓားစာခံကြရပေလိမ့်မည်။ အကယ်၍ကျွန်တော်က မပစ်ဘဲနေ ခဲ့လျှင် သူတို့အနေနှင့် နှစ်ဝက်ဖြစ်စေ၊ တနှစ်ဖြစ်စေ ၀င်ထိုင်နေကြရမည်။ နောက် တော်လှန် ရေးက ၎င်းတို့အားအရှင်လတ်လတ် ကယ်တင်လွတ်မြောက်စေလိမ့်မည်။ မီးရက်နှင့် ကျွန်တော်သာ ဤတောင်ကို ကျော်နိုင်ကြမည်မဟုတ်။ ကျွန်တော်တို့အား ညှဉ်းပန်းကြလိမ့် မည်၊ ကျွန်တော့ထံမှကား ဘာတခုမျှရကြလိမ့်မည်မဟုတ်။ မီးရက်ထံမှကော။ မီးရက်သည် စပိန်ပြည်၌ တိုက်ပွဲ ၀င်ခဲ့သောလူတယောက်၊ ပြင်သစ်အကျဉ်းစခန်းတွင် နှစ်နှစ်တာမျှနေခဲ့ရ သောသူ၊ စစ်ကာလကြီးအတွင်း၊ ပြင်သစ် ပြည်မှ ပရာဟာမြို့အရောက် လျှို့ဝှက်စွာပြန်လာခဲ့ သော သူတယောက်။ ဤသို့သောသူမျိုးကား ဘာတခုမျှဖော် လိမ့်မည်မဟုတ်။ ကျွန်တော့် အနေနှင့် ဆုံးဖြတ်ချက်ချရန် နှစ်စက္ကန့်မျှသာရှိသည်။ ဒါမှမဟုတ် သုံးစက္ကန့်ပဲလား။ ပစ်ခတ် လိုက်လျှင် ဘာတခုကိုမျှကာကွယ်နိုင်မည်မဟုတ်။ ကျွန်တော့တယောက်အနေနှင့်သာ အညှဉ်းပန်းခံရခြင်းမှ လွတ်မြောက်မည်။ သို့သော် ထိုသက်သာမှုအတွက် အကြောင်းမဲ့ သက်သက် ရဲဘော်ငါးယောက်အသက်တို့ကို ယဇ်ပူဇော်လိုက်ရမည်။ ဒီလိုတွက်တာ မှန် သလား၊ မှန်တယ်။ ဆုံးဖြတ်ချက်ချလိုက်ပြီ။ ပုန်းနေရာမှ အပြင် သို့ထွက်လိုက်သည်။
ဂက်စတာပို - နာဇီများ၏ လျှို့ဝှက်သော ပုလိပ်အဖွဲ့။ ဤဘာသာပြန်စာအုပ်ထဲတွင် အဆိုပါပုလိပ်အဖွဲ့ဝင်များကိုလည်းဂက်စတာပိုဟူ၍ပင်ခေါ်ထားသည်။
-ဟား၊နောက်တယောက်။
မျက်နှာပေါ်သို့ ပဋ္ဌမဆုံးတချက် အထိုးခံလိုက်ရသည်။ ကျွန်တော့်အား နော့ကောက် ချိန်ဟန်တူသည်။
-ဟဲန်းဒ်အောက်ဖ်။ဟဲန်းဒ်အောက်ဖ် - (ဂျာမန်စကား = လက်မြှောက်) ဒုတိယတချက်၊ တတိယအချက်။ ဤသို့လျှင် ထင်မိသည်။ တသသနှင့် လှလှပပထားခဲ့သော အိမ်ခန်းကား၊ အိမ်ထောင်ပရိဘောဂများနှင့် ဖရိုဖရဲ၊ မှန်ကွဲများအမွမွဖြစ်ခဲ့ပြီ။ လက်နှင့်အထိုးအကြိတ်၊ ခြေနှင့် အကန်အကျောက်။
-မာ့ရ်ရှ်။
မာ့ရ်ရှ် - (ဂျာမန်စကား = ရှေ့ကိုသွား)ကျွန်တော့်အား မော်တော်ကား တစင်းထဲသို့ သွတ်သွင်းလိုက်ကြသည်။ ပစ္စတိုများကား ကျွန်တော့်ကို အမြဲမပြတ် ချိန်နေကြသည်။ လမ်း တွင်ပင်ကျွန်တော့်အားစစ်လားမေးလားပြုကြပါတော့သည်။
-မင်းဘယ်သူလဲ။
-ကျောင်းဆရာဟောရတ်။
-မင်းလိမ်တာ။
ကျွန်တောကပခုံးကိုတွန့်ပြလိုက်သည်။
-ငြိမ်ငြိမ်ထိုင်နေဆို...နို့မို့ပစ်လိုက်မယ်။
-ပစ်ချင်ပစ်ပေါ့။
ပစ်မည့်အစား လက်သီးမိုးသာ ရွာလာသည်။ ကျွန်တော်တို့သည် ဓာတ်ရထားတစီးကိုကျော် တက်မိကြသည်။ အဖြူရောင်ဖြင့် မွမ်းမံထားသည်ဟု ထင်မိသည်။ ဘဲ့နဲ့ ... မင်္ဂလာဆောင် ဓာတ်ရထား အခုလို ညကြီးမင်းကြီးမှာရယ်။ အဖျားတက်စပြုပြီထင်သည်။ပက်ချက် နန်းတော်။ ဤအဆောက်အဦအတွင်းသို့ အသက်နှင့်ခန္ဓာတွဲလျက်သား ၀င်ရလိမ့်မည်ဟု ဘယ်သော အခါကမျှ မထင်မိခဲ့။ ယခုလေးထပ်အပေါ်ထိ ပုံစံအတိုင်း ပြေး၍တက်ရသည်။ သြော် ဒါကနာမည်ကျော် ဒုတိယ (က) - ၁ ဆိုတဲ့ ကွန်မြူနစ်ဆန့်ကျင်ရေးဌာနကိုး။ ကျွန်တော့အနေ နှင့် စပ်စပ်စုစုသိလိုစိတ်များပင် ပေါ်လာသည် ဟု ထင်ရသည်။ ပက်ချက် - စစ်မဖြစ်မီက အရင်းရှင်ကြီး ပက်ချက်၏ ဘဏ်တိုက်အဆောက်အဦ။ စစ်အတွင်းက ဤဂေဟာတွင် ပရာဟောမြို့ ဂတ်စတာပိုက ဌာနချုပ်ဖွင့်ထားသည်။ ဘမ်းဆီးသောတပ်စိတ်ကို အုပ်ချုပ်သည့် ပုလိပ်အရာရှိ ပိန်ပိန်ရှည်ရှည်သည် ပစ္စတိုကို အိတ်တွင်းသို့ထည့် လိုက်ကာ၊ သူ၏ အခန်းတွင်းသို့ ကျွန်တော့အား ခေါ်သွားသည်။ ၎င်းနောက် စီးကရက်တလိပ်တည်၍ မီးညှိပေး သည်။
-မင်းဘယ်သူလဲ။
-ကျောင်းဆရာဟောရတ်။
-မင်းလိမ်တာ။
သူ၏လက်ကောက်ဝတ်မှနာရီသည်ဆယ့်တစ်နာရီသို့ညွှန်ပြနေလေသည်။
-သူ့ကိုရှာကြစမ်းဟေ့။အရှာအဖွေများ စပါတော့သည်။ ကျွန်တော့ အ၀တ်အစားများကို ချွတ်ကြသည်။
-မှတ်ပုံတင်လက်မှတ်ပါတယ်ဗျ။
-နာမည်က...
-ကျောင်းဆရာဟောရတ်တဲ့။
-မှန်ရဲ့လားဆိုတာလှမ်းမေးကြည့်စမ်း။
တယ်လီဖုန်းဆက်သည်။
-ထင်သားပဲ။စာရင်းမှသွင်းမထားပဲ။ဒီလက်မှတ်ကအတုကြီးရယ်။
-မင်းကိုဒီလက်မှတ်ဘယ်သူပေးသလဲ။
-ပုလိပ်မင်းကြီးရုံးက။ပဌမဆုံးအကြိမ် ဒုတ်နှင့်အရိုက်ခံရသည်။ ဒုတိယ၊ တတိယ၊ အချက်ပေါင်း ဘယ်နှစ်ချက်ဆိုတာကို ရေတွက်ပြီး ထားရမှာလည်း။ မောင်ရင် ... ဒီအခြေအနေ ရောက်မှ တော့၊ ဒီလိုအချက်အလက်တွေကို ဘယ်နေရာဘယ်အချိန်မှာ သတင်းပြန်ပေးနိုင် တော့မှာလဲ။
- မင်းနာမည် ဘယ်သူလဲ ... ပြော ... ဘယ်မှာနေသလဲ ... ပြောစမ်း ... ဘယ်သူတွေနဲ့ အဆက် အသွယ်လုပ် သလဲ။ ပြော ... ပြော ... ပြောဆို ... နို့မို့ မင်းအသက်ထွက်သွားမယ်။
ကျန်းမာတဲ့ လူတယောက်ဟာ အချက်ပေါင်း ဘယ်နှစ်ချက်အထိ ခံနိုင်ပါသလဲ။ ရေဒီယိုမှ သန်းခေါင်ယံရိုက်ဆော် လေပြီ။ ကာဖီဆိုင်များလည်း ပိတ်ကြပြီ။ နောက်ဆုံး ဧည့်သည်များလည်း ပြန်ကြပြီ။ ချစ်သူများကား မခွဲနိုင်မခွါရက် နှင့် တံခါးဝများတွင် ရစ်သီနေကြသည်။ အရာရှိပိန်ပိန်ရှည်ရှည်ကား အခန်းတွင်းသို့ ရွှင်ရွှင်ပြုံးပြုံးကြီး ရယ် မော၍ ပြန်ရောက်လာသည်။
- ဦးအယ်ဒီတာကြီးခင်ဗျား၊ နေသာထိုင်သာ ရှိ်ပါရဲ့နော်။ မည်သူကသူတို့အား ဖွင့်ပြောလိုက် ပြီနည်း။ ယဲလီနက်တို့လင်မယားလော။ ဖရီးဒ်တို့လော။ သူတို့ကား ကျွန်တော်၏ အမည် ကိုပင်မသိကြ။
- မြင်တဲ့အတိုင်းပဲလေ။ ကျုပ်တို့အားလုံး သိပါတယ်ဗျာ။ ကဲ ဖွင့်ပြောမလား၊ လိမ္မာစမ်း ပါကိုယ့် လူရာ။
ထူးဆန်းလှသော အဘိဓာန်ပါပေ။ လိမ္မာခြင်း = သစ္စာဖောက်ခြင်း။ ကျွန်တော်ကား မလိမ္မာပါ။
-ဒီကောင့်ကို ကြိုးနဲ့တုပ်ပြီး ထပ်အုပ်ကြစမ်းကွာ။ တနာရီ။ နောက်ဆုံး ဓာတ်ရထားများ ကားရုံများဆီသို့ ပြန်သိမ်းနေကြလေပြီ။ လမ်းများလည်း လူသွားလူလာပြတ် သလောက် ဖြစ်နေကြလေပြီ။ ရေဒီယိုကား သောတရှင်အပေါင်းကို မင်္ဂလာညပါရှင်ဟု နှုတ်ဆက်လေပြီ။
- ဗဟိုကော်မတီမှာ ဘယ်သူတွေ ပါသေးသလဲ။ အသံလွှင့်ဌာနတွေ ဘယ်မှာလဲ။ ပုံနှိပ်စက် တွေ ဘယ်မလဲ။ ပြော ... ပြော ... ပြောလေ။ ယခု ဒဏ်ရာဒဏ်ချက်များကို အေးဆေးစွာ ရေတွက်နိုင်ပြန်ပေပြီ။ ကျွန်တော်ကိုက်ထားမိရာ နှုတ်ခမ်းများတွင် သာ နာရမှန်း၊ ကျင်ရမှန်း သိတတ်ပါတော့သည်။
-ဘိနပ်တွေချွတ်လိုက်။ မှန်ပေသည်။ ခြေဖ၀ါးများကား ယခုထက်ထိ မထုံတတ်သေးပါ။ ခြေမ၀ါးများတွင်တော့ နာတတ်သေးသည်။ ငါး ချက်၊ ခြောက်ချက်၊ ခုနှစ်ချက်၊ယခုဒုတ်တို ကား ဦးနှောက်အထိ တိုးလျှိုပေါက်နေ သကဲ့သို့ခံရသည်။ နှစ်နာရီ။ ပရောဟာမြို့တော်ကား အိပ်ပျော်လေပြီ။ တနေရာတွင် ကလေးတယောက်သည် အိပ်ယင်းက အီကောင်း အီနေ ပေလိမ့်မည်။ ယောက်ျားတယောက်သည် ဇနီးသည်၏ တင်ပါးကိုပွတ်သပ်ကောင်းပွတ်သပ်နေ ပေလိမ့်မည်။
- ပြော၊ ပြောစမ်း။ပါးစပ်ထဲတွင် လျှာကိုလှည့်ယင်း၊ သွားဘယ်နှစ်ချောင်း ကျိုးခဲ့ပြီကို စမ်းသပ်ကြည့်နေမိပါသည်။ စေ့ငှအောင် မရေ တွက်နိုင်ပါ။ ဆယ့်နှစ်၊ ဆယ့်သုံး၊ ဆယ့်ခုနှစ်။ ဟုတ်သေးပါဘူးလေ၊ ဒါက ကျွန်တော့်ကို “စစ်ဆေးမေးမြန်း” နေကြ တဲ့ ပုလိပ်အရာတွေရဲ့ ဦးရေပဲ။ ထိုသူတို့အနက် အချို့ကား ယခုပင် သိသိသာသာကြီး လက်အံသေနေကြလေပြီ။ သေမင်းကလည်း ယခုထက်ထိ မလာနိုင်သေး။ သုံးနာရီ။ ရောင်နီဦးသည် မြို့ဆင်ခြေဖုန်း ဘက်မှ တွား၍တက်လာလေပြီ။ ဟင်းသီး ဟင်းရွက်သည်များကား ဈေး ဘက်သို့ ဦးတည်နေကြပြီ။ လမ်းတံမြက်လှဲသမားများလည်း လမ်းများပေါ်သို့ ထွက်လာကြပြီ။ ပုံပန်းအားဖြင့် ကျွန်တော်ကား နောက်ထပ် တမိုးသောက်ကို မြင်ရလိမ့်ဦးမည်ထင်သည်။
- ခင်ဗျား ဒီလူကိုသိသလား။ကျွန်တော်၏ ဇနီးကို ခေါ်လာကြသည်။ သူ မမြင်ပါစေရန် ကျွန်တော်သည် သွေးတို့ကို မြိုချခဲ့ သည်။ အမှန်အားဖြင့် ထိုသို့သော အားထုတ်မှုကား အလဿမျှသာဖြစ်သည်။ ကျွန်တော်၏ မျက်နှာပေါ်တွင် သွေးများတကွက်မလပ် ထွက် နေသည်သာမက၊လက်ဖျားများမှလည်းသွေးများယိုစီးနေသေးသည်။
-ခင်ဗျားဒီလူ့ကိုသိသလား။
- မသိဘူး။ဤသို့ပင် ပြောလိုက်သည်။ မျက်ရိပ်ကလေး တရိပ်မျှပင်မပျက်။ ဇမ္ဗူရာဇ် ရွှေစင် ကလေး။ ကျွန်တော့်အားသိသည်ဟူ၍ ဘယ်သောအခါမျှ မပြောပါဟူသော ကတိအတိုင်း တည်ကြည်ရှာပေသည်။ သို့သော် လက်ငင်းအခြေ အနေအရကား ထိုသို့ငြင်းရန်ပင် လုံးဝမလို အပ်တော့။ ကျွန်တော်၏ အမည်ကိုမည်သူက ဖော်ထုတ်ခဲ့လေသနည်း။ သူ့အားအပြင်သို့ခေါ် ထုတ်သွားကြသည်။ ကျွန်တော်လည်း အရွှင်လန်းနိုင်ဆုံးသော မျက်နှာထားဖြင့် သူ့အား နှုတ်ဆက်ခဲ့ပါသည်။ ထိုမျက်နှာထားကား ရွှင်လန်းကောင်းမှ လန်းပေတော့မည်။ ဒါကိုတော့ ကျွန်တော်မပြောတတ်။
လေးနာရီ။ မိုးလင်းပြီလား၊ ဒါမှမဟုတ် မှောင်နေတုန်းပဲလား။ လိုက်ကာများဆွဲချထားသော ပြူတင်းပေါက်က အဖြေမပေးကြ။ သေမင်းကလည်း လာနိုင်ခဲလှသည်။ သေမင်းကြီးခင်ဗျားဆီကို ကျွန်တော်လာခဲ့ရမလား။ ဘယ့်နဲ့ လာခဲ့ရမှာလဲ။ တစုံတယောက်အား ကျွန်တော်က လှမ်း၍ထိုးလိုက်သည်။ ထို့နောက် ကျွန်တော်လည်း ကြမ်းပေါ်သို့စိုက်၍ ကျ သွားသည်။ သူတို့က ကျွန်တော့်အား ကန်ကြသည်။ နင်းကြဆောင့်ကြသည်။ အဲ ... ဟုတ်ပြီ ... ဒါမှ ကိစ္စမြန်မြန် ချောမယ်။ ပုလိပ်အရာရှိ မဲတဲတဲသည် ကျွန်တော့်အား မုတ်ဆိတ်မွေးများမှ ကိုင်၍ဆွဲထူသည်။ ထို့နောက် ကျွတ်ထွက်သွားသော မုတ်ဆိတ်မွေးလက်တဆုပ်ကို ကျွန်တော့်အားပြန်၍ပြရင်း ဟက်ဟက်ပက်ပက်ကြီး ရယ်မော လေသည်။ တကယ်တော့လည်း ရယ်စရာပင် ဖြစ်လေသည်။ ကျွန်တော့်အနေနှင့်ကား နာရမှန်းလုံးဝမသိတော့။ ငါးနာရီ၊ ခြောက်နာရီ၊ ခုနှစ်နာရီ၊ ဆယ်နာရီ၊ တမွန်းတည့်လေပြီ။ အလုပ်သမားများလည်း အလုပ်သွား သူသွား၍ အလုပ်ပြန်သူပြန်ကြလေပြီ။ ကလေးများလည်း ကျောင်းတက်သူတက်၍ ကျောင်း ဆင်းသူဆင်းကြလေပြီ။ ဆိုင်များတွင် ရောင်းဝယ်နေကြသည်။ အိမ်များတွင်ချက်ပြုတ်နေကြ သည်။ ယခုအချိန်ဆိုလျှင် မေမေသည် ကျွန်တော့် အား သတိရကောင်းရနေပေလိမ့်မည်။ ရဲဘော်များလည်း ကျွန်တော်အဖမ်းခံရကြောင်း သိကုန်ကြပြီ ... မတော် တဆ ကျွန်တော်က များဖွင့်ပြောလိုက်လျှင် ... ဤသို့တွက်ကာ ဘေးအန္တရာယ်မှကာကွယ်ရန် အစီအစဉ်များ ပြုလုပ်ကောင်းပြုလုပ်နေကြပြီ။ မစိုးရိမ်ကြပါနဲ့၊ မပြောပါဘူး၊ ယုံကြပါ။ အမှန်ကိုဆိုရလျှင် အဆုံးသတ်ဟူသည်ကား ဝေးနိုင်တော့မည်မဟုတ်။ ခုအဖြစ်အပျက် အစစအရာရာတို့သည် အိပ်မက်၊ မကောင်းသော ချောက်အိပ်မက် ကြီးသာ ဖြစ်နေတော့ သည်။ အရိုက်အနှက် မိုးရွာ၊ နောက်ကျွန်တော့်အားရေနှင့်ဖြန်း၊ နောက်တဖန် အထိုးအကြိတ် များ ၀င်လာပြန်၍ ... ပြော ... ပြော ... ပြောဆို ... ကျွန်တော်ကဖြင့် သေပဲမသေနိုင်။ မေမေတို့ ဖေဖေတို့၊ ကျွန်တော့် ဒါလောက်အားကောင်းအောင် ဘာဖြစ်လို့ မွေးထားခဲ့ကြတာလဲ။နေ့လည်ခင်း၊ ညနေငါးနာရီ။ ယခု သူတိ်ု့အားလုံး နွမ်းနယ်နေကြပြီ။ အရိုက်အနှက်များကား ပြတ်တောင်း ပြတ် တောင်းနှင့် တချီနှင့်တချီအကြား အကြာကြီးနားနားနေတတ်သည်။ ယခုတော့ ၀တ်ကြေ၀တ်ကုန်မျှသာ ဖြစ်နေကြပြီ။ ထိုခဏတွင်၊ ခပ်ဝေးဝေးမှ အတော်မသတ်နိုင်သော အဝေးမှအေးဆေး ငြိမ်သက် သော အသံတသံပေါ်လာ သည်။ ထိုအသံကား ပွတ်သီးပွတ်သပ်လုပ်သလို နူးညံ့နေသည်။
- အဲရ် ဟတ် ရှုံဂဲနု။ နောက်တကြိမ် ပြန်၍ထိုင်၊ ရှေ့တည့်တည့်မှ စားပွဲကား ပြိုသွားလိုက်၊ ပေါ်လာလိုက်၊ နောက် တစုံတယောက်က ကျွန်တော့်အား သောက်ရေတခွက်လာပေး၊ အခြားတယောက်ကလည်း ကျွန်တော့အား ဘိနပ်များစီးပေးရန်ကြိုး စားယင်းကစွပ်မရတော့ ဟုပြော၊ နောက်သူတို့သည် ကျွန်တော့်အား ချီတခါဆွဲတလှည့်ဖြင့် လှေခါးထစ်တ လျှောက် ခေါ်ချသွား၊ ကားထဲထည့်၊ မောင်း၍သွား၊ တစုံတယောက်ကလည်း သေနတ်ဖြင့်ချိန်ထား၊ ရယ်စရာပင် ကောင်းသေးတော့၊ ပန်းဖြူဖြူများဖြင့် မွမ်းမံထားသောမင်္ဂလာဆောင်ဓာတ်ရထား ကိုကျော်တက်၊ သို့သော် ဤကိစ္စအလုံးစုံကား အိပ်မက်မျှသာ ဖြစ်ကောင်းသည်။ အဖျားတက် ခြင်း၊ ဖြစ်နေပေမည်။ သေဇော်ငင်ခြင်း၊ သို့မဟုတ် သေခြင်းစင်စစ်ပင် ဖြစ်ကောင်းဖြစ်နေ ပေမည်။ သေဇောငင်ခြင်းကား ခက်ခဲကြပ်တည်းလှသည် မဟုတ် ပါလော။ သို့ရာတွင် ဤအဖြစ်ကား ပေါ့ပေါ့ကလေးနှင့် သပွတ်အူလိမ်နေသည်။ နောက်တချက် အသာကလေး အသက်ရှူထုတ်လိုက်လျှင်ပင်၊ အစစအရာရာ အဆုံးသတ်သွားချေတော့မည်။
အဲရ် ဟတ် ရှုံဂဲနု - (ဂျာမန်စကား = ဒီလူ နောက်ထပ် ခံနိုင်တော့မှာ မဟုတ်ဘူး။)
အဆုံးသတ်သွားရောတဲ့လား။ မဟုတ်သေးဘူးလေ။ အခုတခါ ထပ်ပြီးမတ်တတ်ရပ် နေရပြန် ပြီကော။ တကယ့်ကို ပင် ရပ်နေရသည်။ တယောက်တည်း အဖေးအမမရှိဘဲ ရပ်နေသည်။ ကျွန်တော့်ရှေ့တွင်လည်း ညစ်ပတ်ဝါကျင့် သော ထရံကြီးကပ်၍နေကာ ... ထရံမှာ ဘာတွေ ပေနေပါလိမ့်။ သွေးတွေပေနေသည်ဟူ၍ကား စိတ်ကထင်မိ သည်။ ဟုတ်သည်။ သွေးတွေပင်ဖြစ်သည်။ လက်ညှိုးကို မြှောက်၍ တို့ကြည့် သုတ်ကြည့်သည်။ ဟုတ်တယ်လေ၊ လတ်လတ်ဆတ်ဆတ်ကြီးကျွန်တော့်သွေးတွေရယ်...။
တစုံတယောက်က နောက်မှနေ၍ ကျွန်တော်၏ခေါင်းကို ရိုက်လိုက်သည်။ လက်နှစ်ဖက်ကို မြှောက်၍ထိုင်ချေ၊ ထချေ လေ့ကျင့်ခဏ်းလုပ်ခိုင်းသည်။ တတိယအကြိမ်တွင် ကျွန်တော် လည်း ခွေကျသွားသည်။အရှည်ရှည်နှင့် အက်ဆက်စမန်း တယောက်သည် ကျွန်တော့် ကိုယ်ပေါ်မိုး၍ရပ်ကာ၊ ကန်လိုက်ကျောက်လိုက်နှင့် အထခိုင်းသည်။ မဖြစ်နိုင်သည်ကိုမှ ခိုင်း လေသည်တကား။ တဖန် တစုံတယောက်က ကျွန်တော့်အားဆေးကျောပေး၊ တဖန် ပြန်၍ ထိုင်မိ၊ မိန်းမတယောက်ကလည်း ကျွန်တော့်အားဆေးများ လှမ်းပေး၍၊ မည်သည့်နေရာ တွင် နာကျင်သနည်းဟု မေးမြန်းသည်။ ထိုခဏ၌ ကျွန်တော့်အနေနှင့် နာသမျှဟူသည်မှာ နှလုံးသားတွင်သာ စုပြုံနေသည်ဟု ထင်မိသည်။အက်ဆက်စမန်း - နာဇီတပ်များအနက် ရက်စက်ကြမ်းကြုတ်ရာတွင်နာမည်ကြီးလှသည့်အက်ဆက်စ်အဖွဲ့ဝင်။
- မင်းမှာနှလုံးသားဆိုတာမှ မရှိဘဲနဲ့ ဟု အက်ဆက်စမန်း အရပ်ရှည်ရှည်က ပြောလေသည်။
- အိုး ရှိတာပေါ့ကွ ဟု ကျွန်တော်က ပြန်ပြောလိုက်ကာ၊ မိမိ၏ နှလုံးသားဘက်က ခုခံပြောဆိုနိုင်လောက်အောင် အင်အားဖူဖူလုံလုံရှိသေးခြင်းအတွက် ကိုယ့်ကိုယ်ကိုယ်ဂုဏ် ယူမိသည်။ နောက် အစစအရာရာ မှုန်ပျောက်သွား ကြပြန်သည်။ ထရံ ... ဆေးနှင့် မိန်းမ ... အက်ဆက်စမန်း အရပ်ရှည်ရှည် ...ကျွန်တော့်ရှေ့တည့်တည့်တွင် အကျဉ်းခန်း၏ ပွင့်လျက် သားတံခါးပေါက်ကို တွေ့ရသည်။ အက်ဆက်စမန်း ၀၀ တုပ်တုပ်တယောက်က ကျွန်တော့်အား အကျဉ်းခန်းအတွင်းသို့ ဆွဲသွင်း၊ အစိပ်စိပ် အမွှာမွှာဖြစ်နေသော ရှပ်အင်္ကျီကိုချွတ်၊ ကောက်ရိုး မွေ့ရာပေါ်သို့ ဆွဲတင်၊ ဖောယောင်ဖုထစ်နေသော ကိုယ်ကိုစမ်းသပ်၍၊ ကျပ်ထုပ်များ ထိုးပေးရန်အမိန့်ပေးသည်။
- ကြည့်စမ်း သူက အခြားတယောက်အား ခေါင်းကိုအသာခါပြရင်း ပြောလေသည် - ကြည့် စမ်း၊ ဒီကောင်တွေ ဘယ်လောက်တတ်နိုင်တယ်ဆိုတာ ... တဖန် ခပ်ဝေးဝေးမှ အတော မသတ်နိုင်သော အဝေးမှ အေးဆေးငြိမ်သက်သော အသံတသံကို ကြားလိုက်ရပြန် သည်။ ထိုအသံကားပွတ်သီးပွတ်သပ်လုပ်သလိုနူးညံ့နေသည်။
- မနက်အထိတောင် မခံတော့ပါဘူး။နောက်ငါးမိအကြာတွင် ဆယ်နာရီထိုးပေတော့မည်။ ၁၉၄၂ ခု၊ ဧပြီလ ၂၅ ရက်၊ နွေဦးရာသီ၏ လှလှပပနှင့် မပူ မအေးသော ညဥ့်ဦးအခါ ဖြစ်ပေသည်ကို။

အိုးဝေထွန်းအောင်နှင့်ဦးစံရွှေ
ချက်ဘာသာမှ မြန်မာပြန်ဆိုသည်။t

အပြည့်အစုံသို့...

Wednesday 12 December 2007

စက်တင်ဘာ ၂၇၊ သံဃာအရေးတော်ပုံတွင် မန္တလေးရှိ စစ်တပ်က
အကြမ်းဖက် နှိမ်နင်းခဲ့သည့် သက်သေခံ ဓာတ်ပုံများ ထွက်ရှိလာပြီ

သတင်းဓာတ်ပုံ-မိုးမခ
လက်နက်မဲ့ ပြည်သူများကို လမ်းမများပေါ်တွင် ရိုက်နှက်ခြင်း နှင့် စီးနင်းလာသော ဆိုင်ကယ်အား သိမ်းဆည်းခြင်းများ ပြုလုပ်နေသည်ကို ဓာတ်ပုံရိုက် မှတ်တမ်းတင်ထားသည်ကို တွေ့ရပါသည်။ ပြည်တွင်းရှိ မန္တလေး လူကြုံများမှတဆင့် ရရှိပါသည်။ မြန်မာပြည်တ၀ှမ်းတွင် စစ်တပ်က အကြမ်းဖက်ခဲ့သမျှ သက်သေများ ပေါ်ထွက် လာနေဆဲ ဖြစ်ပါသည်။


Summary

Rest of your post

အပြည့်အစုံသို့...

Monday 10 December 2007






Summary

Rest of your post

အပြည့်အစုံသို့...

မြူးနစ်ရဲ့ထာဝရ နှင်းဆီဖြူများ

မနေ့ညနေခင်းနှောင်ပိုင်းတုံးက ကျနော်နှင်းဆီဖြူ တပွင့်ကိုတွေ့ခဲ့တယ်၊ လူတွေကပြော နေကြ တယ်၊ နှင်းဆီဖြူတွေဆိုတာ သေခြင်းတရားကို ကိုယ်စားပြုတဲ့အရာပါတဲ့၊ တကယ်တော့ဗျာ၊ သေခြင်းတရားရယ်၊ ချစ်ခြင်းမေတ္တာရယ်၊ နုပျိုမှုဆိုတာတွေရယ်ဟာ တခုတည်းပါ၊ သေခြင်း တရားဆိုတာက ငယ်ရွယ်နုပျိုမှုထက်၊ အမြဲတန်းရှင်းလင်းတောက်ပနေတဲ့သိသာ ထင်ရှားတဲ့ အရာမို့လား၊ ဆိုတော့ နှင်းဆီဖြူဆိုတာ သူရဲ့သင်းရနံ့တွေနဲ့၊ နူးညံ့အပြစ်ကင်း ဖြူစင်မှုတွေနဲ့ ထာဝရနုပျိုနေမှုကို ကိုယ်စားပြုနေတဲ့ အဓိပ္ပါယ်ကိုဆောင်နေတယ်၊

ဒုတိယကမ္ဘာစစ်အတွင်း၊ဂျာမဏီမှပေးစာများ မှ
လွန်ခဲ့တဲ့ အနှစ်နှစ်ဆယ်ကျော်လောက်က အက်စစ်မိုးမှုန်တွေကျနော်တို့ဘ၀တွေကို မတိုက် စားခင် ကိုခင်ဝမ်းရဲ့နှင်းဆီဖြူရဲ့ အဝေးကလူတယောက်သီချင်းကို ညလုံးပေါက်ဂစ်တာဝိုင်း တွေနဲ့ နိုးထနေတဲ့သမိုင်းဆောင်တွေမှာ၊ ကွဲရှခံစားခဲ့ဘူးကြပါတယ်၊ အနုပညာတွေနဲ့ ရှင်သန် ခဲ့ရတဲ့ရက်တွေဟာ အကုသိုလ်တွေနည်းသလို၊ မိတ်ဆွေစစ်စစ်တွေနဲ့ နေထိုင်ခဲ့ရတဲ့ရက်တွေ ကလည်း ဆွတ်ပျံ့ဘွယ်အောက်မေ့နေဆဲမို့ ပြည်ပမှာမြင်ကွင်းတွေကိုအာရုံနှောက်လာတဲ့အခါ၊ တခါတုံးက ဆိုဗီယက်အာဏာရှင်တွေလက်အောက်မှာ ပြိုကွဲသွားတဲ့ နိုင်ငံတွေဆီက ပြည်သူ တွေ ဖန်ဆင်းထားတဲ့အနုပညာသစ်တွေ၊ တေးဂီတသစ်တွေ၊ နိုင်ငံရေးနောက်ခံစာအုပ်တွေ၊ သူတို့ ဘ၀ရဲ့အပြောင်းအလဲတွေ၊ စစ်အတွင်းကဂျာမဏီမိန်းမတွေအပေါ် ရက်ရက်စက်စက် ပြုကျင့်ခဲ့ တဲ့ရုရှားလူမျိုးတွေရဲ့စရိုက်တွေအပေါ် တုံ့ပြန်ရေးသားခဲ့တဲ့ ပေးစာတွေ၊ စစ်ရှုံး ဂျာမဏီရဲ့ လှမ်းခဲ့ရတဲ့ခရီးတွေ၊ ဖတ်ကြည့်ခံစားလိုစိတ်တွေ ချဉ်ခြင်းတတ်နေခဲ့ပါတယ်၊ တိုက်တိုက်ဆိုင်ဆိုင်စာ အုပ်လေး(၂) အုပ်ကို သွားဖတ်ဖြစ်တယ်။ (The White Rose) ဆိုတဲ့ဂျာမန်ကျောင်းသားလှုပ်ရှားမှု သမိုင်းစာအုပ်လေး တအုပ်နဲ့နောက်တအုပ်က (The Stalingrad) ဆိုတဲ့ ရုရှားလူမျိုးတွေ ရက်ရက်စက်စက် တိုက်ပွဲဝင်ခဲ့တဲ့စစ်သမိုင်းစာအုပ်ပါ၊
ဟစ်တလာကိုဆန့်ကျင်ခဲ့တဲ့မောင်နှမ တတွေထဲကမသေပဲကျန်ရစ်ခဲ့တဲ့ နှင်းဆီဖြူအဖွဲ့ဝင် တ ယောက်ဖြစ်တဲ့ ရှိုး (Inge School) လို့ခေါ်တဲ့အမျိုးသမီးတယောက်က ပြန်ရေးထားတဲ့ (The White Rose) စာအုပ်လေးကိုမိတ်ဆက်ပေးချင်ပါတယ်၊ ခုရက်တွေမှာ ကိုယ်ယုံယုံကြည်ကြည် ကိုး ကွယ်လာတဲ့အစိုးရအဖွဲ့တွေ၊လူတွေကိုပုံကန်တဲ့ ဇာတ်လမ်းမျိုးတွေကိုစိတ်ဝင်တစား ရှာ ကြည့် နေခဲ့ရင်း တိုက်တိုက်ဆိုင်ဆိုင်သွားဖတ်ဖြစ်ခဲ့ပါတယ်၊ (စစ်တပ်က ပုန်ကန်မှုတွေကို ကျနော်တို့ ကြားချင်နေလို့ထင်ပါရဲ့) ဟစ်တလာကို အရူးအမူးကိုးကွယ်ခဲ့ပေမဲ့ ဟစ်တလာနဲ့ နာဇီပါတီရဲ့ ခြေလှမ်းတွေကိုသိလာပြီး၊ ပြတ်ပြတ်သားသားဆန်ကျင်ဖို့ ကြိုးစားခဲ့ကြတဲ့၊
ဟစ်တလာလူငယ်တပ်ဖွဲ့က ကျောင်းသား၊ သူတွေရဲ့လှုပ်ရှားမှုအကြောင်းပါ၊ သူတို့ကို “နှင်းဆီဖြူ” အုပ်စုလို့သိကြပါတယ်၊ သမိုင်းမှာ ဟစ်တလာကြောက်တဲ့၊ မကြည့်ချင်လောက် အောင်မုန်းတဲ့ ပန်းပွင့်တခုရှိတယ်ဆိုတာ အဲ့ဒီ လူငယ်တွေကြောင့်ပါလားလို့ သဘောပေါက် လိုက်မိတယ်၊ တကယ်လို့ ဖတ်ဘူးပြီးသားစာအုပ်တအုပ်ဆိုရင်လည်း ကျနော်တို့စာမျက်နှာ တွေကိုကျော်ချလိုက်ပါ၊ အကြောင်းအမျိုးမျိုးကြောင့် ဖတ်ခွင့်မကြုံတဲ့ လူတွေအားလုံးအတွက် အတွေးလေး တခုလောက်ကျနော်တို့မျှကြည့်ချင်ပါတယ်၊

အပိုင်း(၁)

“ကျုပ်တို့အသံတွေက ငြိမ်သက်နေမှာမဟုတ်ဘူး၊ ကျုပ်တို့က ခင်ဗျားတို့အတွက်တော့ မနားတမ်းပြန်ဝဲနေမဲ့လိပ်ပြာဆိုးတွေပါ၊ နှင်းဆီဖြူတွေက ခင်ဗျားတို့ကိုငြိမ်းချမ်းနေတဲ့ ဘ၀ တွေထဲမှာထားရစ်ခဲ့မှာမဟုတ်ဘူး” ဂျာမဏီနိုင်ငံမြူးနစ်တက္ကသိုလ်ရဲ့ပင်မ ခန်းမဆောင်ထဲက စတုရမ်းပုံစံဒီဇိုင်အဆောက်အဦတခုဟာဆေးတက္ကသိုလ်ကျောင်းသားတချို့နဲ့ဒဿနိကပါမောက္ခ တယောက်ကိုဂုဏ်ပြုထားတဲ့ သင်္ကေတတခုလို့လူတိုင်းလေးမြတ်စွာနားလည်ခဲ့ကြတယ်၊ သူတို့ခြောက်ယောက်ကို ဟစ်တလာရဲ့ဂက်စတာဘိုတွေက ဖမ်းဆီးပြီးခေါင်းဖြတ်သတ် ခဲ့ကြ တယ်၊ ဟစ်တလာမကြည့်ချင်လောက်အောင်မုန်းတဲ့ နှင်းဆီပန်းတွေကိုသူတို့ကဖန်ဆင်းခဲ့ တယ်၊ အမေရိကနဲ့တခြားနိုင်ငံက တက္ကသိုလ်တွေ၊ (အထူးသဖြင့် တက္ကဆပ်တက္ကသိုလ်)၊ တေးဂီတအဖွဲ့တွေမှာ “နှင်းဆီဖြူ လူ့အဖွဲ့အစည်း” ဆိုတဲ့ဝေါဟာရဟာ သူတို့ကိုဂုဏ်ပြုထားတဲ့ အဖွဲ့အစည်းတွေပါ၊ ဂျာမဏီရဲ့သူရဲကောင်းများလို့ လေးမြတ်ခံရတဲ့ သူတို့အတွက်တက္ကသိုလ် တွေမှာ ထောင်ချီပြီးဝေတဲ့နှင်းဆီဖြူ လှုပ်ရှားမှုတွေ၊ “ငါတို့ဟာငြိမ်သက်နေမှာမဟုတ်” စာ တန်းပါတဲ့တီရှပ်တွေကိုဝတ်ပြီးလှုပ်ရှား နေကြတဲ့ကျောင်းသားတွေဟာ ငြိမ်းချမ်းရေးလှုပ်ရှားမှု တွေဆီထိပါဝင်ပတ်သက်နေကြပါတယ်၊ နာဇီဂျာမဏီစစ်ရှုံးတာလူတိုင်းသိပေမဲ့ ဟစ်တလာကို ဂျာမန်လူထုကလည်းမထောက်ခံခဲ့ဘူး၊ ဟစ်တလာရဲ့လူငယ်တပ်တွေကအစ ပုန်ကန်ခဲ့ကြတယ်ဆိုတာကို ရှင်းရှင်းလင်းလင်းပြောခဲ့တဲ့ သမိုင်းတွေက နည်းပါးခဲ့တယ်၊ နိုင်ငံတနိုင်ငံကိုကျူးကျော်တိုင်း
“ကျနော်တို့မိတ်ဆွေအဖြစ် လာခဲ့တာပါ၊ ခင်ဗျားတို့ကို စော်ကားဖို့မဟုတ်ပါဘူး” ဆိုတဲ့ဟစ်တလာရဲ့စကားကို ဂျာမန်ပြည်သူတွေကိုယ်တိုင်ကအစ
မယုံကြတော့ဘူး၊ အထူးသဖြင့် ပညာတတ်အသိုင်းအ၀ိုင်းနဲ့၊ ဟစ်တလာလူငယ်တပ်က ကျောင်းသားတွေက သူတို့စဉ်းစားမိသလောက်
ဆန့်ကျင်အာခံဖို့ကြိုးစားခဲ့ကြတယ်၊ ဟစ်တလာသတ်ဖို့ကြိုးစားတဲ့ ပိုးလစ်ရှ် ဂျူးတွေ (Polish Jews) ကိုဖွက်ပေး၊ အန္တရာယ်ကလွတ်အောင်စောင့်ရှောက်ကြနဲ့၊ ၁၉၄၀ ကာလတွေဆီကိုပြန်သွားကြည့်မိတယ်၊

ခြေရာ(၁)

နှင်းတွေ အေးစက်သိပ်သည်းစွာ၊ ဖွေးဖွေးစွတ်ကျနေသည့် ဂျာမဏီနိုင်ငံ၊ မြူးနစ် . ၁၉၄၀ ကာလများ၊ ဆိုရှယ်လစ်စစ်ချီကြွေးကြော်သံတွေ၊ မာကြောပြတ်သားမှုတွေနှင့် စူးရှပြောင်လက်နေသော မျက်လုံးများထဲမှာ ဂျာမဏီပြည်ကိုမိုးကောင်းကင်ထိ
ဆွဲတင်ပစ်ရမယ်ဆိုသော မျှော်လင့်ချက်အပြည့်ပါသည့်ရင်ခုန်သံတွေ၊ လူတိုင်းအလုပ်အကိုင်ရှိနေစေရမယ်၊ အစာရေဆာပြည့်စုံနေစေရမယ်၊ အဆင့်အတန်းမြင့်တဲ့လူအဖွဲ့အစည်းကိုကမ္ဘာလောကကြီးကမြင်ကြရမှာဖြစ်တယ် ဆိုသည့် ဟစ်တလာ. မိန့်ခွန်းတွေကြားမှာ လူတွေတက်ကြွရဲရင့်နေကြသည်၊ အသက် (၁၀) နှစ်ကနေ (၁၄) နှစ်အထိတအုပ်စု၊ အသက် (၁၅) နှစ်ကနေ (၂၀) ကျော်သူတွေအတွက်တစု၊ ဟစ်တလာလူငယ်တပ်ဖွဲ့တွေ၊ အမျိုးသမီးအဖွဲ့ချုပ်တွေဆီမှာ ဆယ်ကျော်သက်အရွယ်တွေ၊ စာရင်းပေးပြီးလမ်းမတွေပေါ်မှာ အေးခဲနေသည့်လေထုကို မှုတ်ထုတ်ရင်းသိချင်းဆိုနေကြ သည်၊ နှလုံးသားကကောင်းကင်ဆီမှာ၊ စိတ်ကူးဆံနွယ်စတွေက သုခဘုံဆီမှာချည်နှောင်ထား ကြသည်ဟုထင်မှတ်မှားနေကြသည်၊-- ကမ္ဘာမှာဘယ်လူမျိုးမှ ဂျာမန်ပြည်သူတွေလောက် မမြင့်မြတ်ဆိုသည့် ဆိုရှယ်လစ်အစွန်းရောက် ခေါင်းဆောင်တယောက်က သူတို့နိုင်ငံကိုကြေကွဲမှု.အစွန်းဆီတွန်းချပစ်တော့မည်ဆိုတာကိုသူတို့သဘောမပေါက်ခဲ့ကြ၊
“ကျနော်ကတော့သံသယတွေကြီးလာတာအမှန်ပဲ၊ ဒီ--ဟစ်တလာဆိုတဲ့ခေါင်းဆောင်သစ်က အာဘောင်အာရင်းသန်သန်နဲ့ပြောသာနေတာ၊ သူလုပ်နေတာတွေက စစ်လက်နက်ထုတ်လုပ် မှုတွေကို တစထက်တစတိုးမြင့်လာတာရယ်၊ စစ်တန်းလျားတွေသာဆောက်နေတာပဲတွေ့ နေရတယ်၊ တိုင်းပြည်စည်းပွားရေးကိုဘယ်လိုစီမံခန့်ခွဲမယ်ဆိုတဲ့စိတ်ကူးတွေ တခုမှမတွေ့ရ ဘူး”ကျနော်တို့ရင်ဆိုင်ခဲ့ရတာဘယ်လောက်ခက်ခဲမလဲဆိုတာခင်ဗျားတို့စဉ်းစားကြည့်ပေါ့၊
တခါမှအာဏာရှင်စနစ်ကိုမကြုံခဲ့ဘူးတဲ့ပြည်သူတွေ နာဇီပါတီအာဏာရလာမှပဲ တသွေးတ သံတမိန့်ကိုကြုံခဲ့ရတော့တယ်၊
ဟစ်တလာရဲ့(Third Reich) ဥပဒေအရ၊ သူ့ကိုဟာသလုပ်ပျက်လုံးထုတ်တဲ့ ကောင်တွေကို သုတ်သင်ပစ်ဖို့အမိန့်ပေးထားတာဆိုတော့ ဂျာမန်ပညာတတ် ၅၀၀၀ ကျော်လောက်သတ်ဖြတ် ခံခဲ့ရတယ်၊ တိုင်းပြည်အာဏာကို ဟစ်တလာရဲ့လက်ထဲအပ်လိုက်ပြီးကတည်းက တိတ်တခိုး ဝေဖန်သံတွေ၊ မနှစ်မြို့သံတွေ၊ စစ်ပွဲတွေကြားမှာအတွေ့အကြုံများစွာဖြတ်သန်းခဲ့တဲ့ပညာတတ် တွေကြားမှာဇောကြောမေးခွန်းထုတ်စရာအဖြစ်အပျက်တွေရှိနေခဲ့ပါတယ်၊ဒါပေမဲ့သူတို့ရင် ဆိုင်နေရတဲ့အကြီးမားဆုံးပြဿနာက သူတို့ရဲ့ဆယ်ကျော်သက်ကလေးတွေကအစ ဟစ်တလာက ဖမ်းစားသိမ်းသွင်းနိုင်စွမ်းရှိခဲ့ပါတယ်၊ ဟစ်တလာက သူတို့ရဲ့သူရဲကောင်း၊ ဂျာမဏီပြည်သူတွေအတွက်အနာဂတ်မှာ အလုပ်တွေကိုဖန်တီးပေးဖို့ အတွက်စက်ရုံတွေကို
ဆောက်လုပ်ပေးနေတာလို့ယုံကြည်နေခဲ့ကြပါတယ်၊ ဒါကြောင့်လည်း ဟန်ရှိုးလ်နဲ့မောင်နှမ (၃) ယောက်လုံးက သူတို့အဖေ ရောဘတ်ရှိုးလ်ရဲ့ဝေဖန်မှုတွေကို “ဟာ အဖေကလည်း မဟုတ်ပါဘူး၊ ကျနော်တို့ရဲ့မြင့်မြတ် တဲ့ခေါင်းဆောင်ကြီးက ကျနော်တို့ကိုရဲရင့်လှပတဲ့ အနာ ဂတ်ဆီ ကိုခေါ်ဆောင်ဖို့ကြိုးစားနေတာပါ၊ ဒီစက်ရုံတွေဆောက်လိုက်တော့ လူတွေအ လုပ်ပိုရတာပေါ့”လို့ပြန်တုန့်ပြန်ခဲ့ကြပါတယ်၊ သူတို့ကိုယ်တိုင်သွားပြီးဟစ်တလာရဲ့လူငယ်အဖွဲ့ တွေ၊ အမျိုးသမီးအဖွဲ့ချုပ်တွေဆီတက်တက်ကြွကြွဝင်ရောက်လုပ်ကိုင်ခဲ့ကြပါတယ်၊ လူငယ် အဖွဲ့တွေဆီက လက်ရွေးစဉ်ကျောင်းသားတွေကို နာဇီပါတီ ကေဒါတွေအဖြစ် ဟစ်တလာက ချီးမြောက်လေ့ရှိတော့၊ ထောက်လှမ်းရေး၊ ဂက်စတာဘိုအုပ်စုတွေရဲ့ ယုံကြည်ကိုးစားမဲ့နေ့ရက် တွေကိုစောင့်စားခဲ့ကြပါတယ်၊

အပိုင်း (၂)
၁၉၄၂ ဂျွန်လ (၂၂) ရက်မှာ ဟစ်တလာနဲ့ သူ့ရဲ့ဖက်စစ်တပ်တွေကဆိုဗီယက် ပြည်ထောင်စု ကိုဝင် ရောက်ကျူးကျော်တိုက် ခိုက်တယ်၊ (၁) စတာလင်ဂရက်ဆိုတာ အဲ့ဒီတုံးကစက်မှု မြို့တော်တခုဆီကို အလုံးအရင်းနဲ့ချီတက်နေတဲ့ကာလ၊ ကက်စပီယံပင်လယ်နဲ့ ရုရှားတွေ အတွက်အရေးကြီးတဲ့လမ်းပမ်းဆက်သွယ်ရေးလမ်းကြောင်း၊ ရေနံတွင်းတွေကြွယ်ဝ တဲ့နေရာ၊ (၂) တပြိုင်တည်းမှာပဲ အဲ့ဒီဒေသကလူတွေစတာလင်အပေါ်မှာ ပျင်းရိစိတ်ပျက်နေတယ်ဆိုတဲ့ကောလဟာလလိုသတင်းကိုဟစ်တလာကကြားနေခဲ့တယ်၊ (၃) ဂျာမဏီ နယ်ချဲ့မှုနယ်နမိတ်မျဉ်းတွေလုံခြုံမှုအတွက် ရုရှားရဲ့နယ်မြေတချို့ကိုသိမ်းပိုက်မှဖြစ်မယ်၊ ဆိုတော့—ဒီအချက် (၃) ချက်ကို ကိုင်ပြီး ဂျာမဏီ က စတာလင်ဂရက်ကို သိမ်းဖို့ကြိုးစားတယ်၊ ပြဿနာက ဆိုဗီယက်ခေါင်းဆောင်“စတာလင်” ဆိုတဲ့နာမည်ဘာကြောင့် ပေါ်လာတယ်ဆိုတာ ဟစ်တလာအပါအ၀င်၊ ဂျာမဏီက ဗိုလ်ချုပ်တွေ
သိပုံမရဘူး၊ တကယ်တမ်း စတာလင် ရဲ့နာမည်အရင်းက Iosif Vissarionovich Dzhugashvili သူ့ရဲ့သံမဏီလိုမာကျောတဲ့ ဆုံးဖြတ်ချက်တွေ၊ မြို့သိမ်းတိုက်ပွဲတွေကြောင့်၊ သံမဏိ (စတာလင်) လို့ဆိုဗီယက်တွေက ဂုဏ်ပြုပြီးခေါ်ခဲ့ကြသလို စတာလင်ကိုယ်တိုင်ကလည်း နှစ်နှစ်ကြိုက်ကြိုက်သုံးစွဲခဲ့တယ်၊ စတာလင်က၊ ဟစ်တလာ ရဲ့တချက်ခုတ်၊ (၃) ချက်ပြတ်အကြံကိုသိတယ်၊
ဒါကြောင့်လည်း စစ်ပွဲမစခင်ကတည်းက ဂျာမန်တွေကြိုက်မဲ့အားနည်းချက်တွေကိုအကုန်ဟာကွက်မရှိအောင်ပြင်ဆင်တယ်၊ သူကလည်း စစ်ပွဲကိုနိုင်အောင်ခုခံနိုင်ခဲ့ရင် သူ့ကိုပျင်းနေတဲ့သူတွေကို သူဘာလည်းဆိုတာ တုန်လှုပ်သွားအောင် ပြသချင်ပုံရတယ်၊
စတာလင်ဂရက်မှာနေတဲ့ကလေးတွေ၊ မိန်းမတွေကအစ၊ မြို့ကိုထွက်ပြေးသွားခွင့်မပေးခဲ့ဘူး၊
အားလုံးအနည်းဆုံးရိုင်ဖယ်သေနတ်နဲ့ပြန်ပစ်ဖို့ပြင်ဆင်ခိုင်းထားတယ်၊ မြို့ကိုမကျဆုံးဖို့အတွက် အသေခံကာကွယ်ရမယ်လို့အမိန့်ပေးထားခဲ့တယ်၊မြို့ကိုစွန့်ခွာထွက်ပြေးဖို့ကြိုးစားသူတွေကို သစ္စာဖောက်ဆိုပြီးပစ်သတ်ခိုင်းတယ်၊
ဒါကြောင့်လည်း သမိုင်းမှာ ခြောက်လအတွင်းလူပေါင်း တသန်းခွဲသေကြေခဲ့တဲ့ အကြမ်းတမ်းဆုံးစစ်ပွဲတခုကိုကြုံတွေ့ခဲ့ရတာပေါ့၊ (စတာလင်ဂရက်တိုက်ပွဲက ၁၉၄၂ သြဂတ်လကနေ ၁၉၄၃ ဖေဖေါ်ဝါရီလအထိဖြစ်ခဲ့တယ်)
ဂျာမန်တွေ၊ ဆိုဗီယက်တွေရဲ့ ထောင်ခြောက်အောက်မှာ အလူးအလဲခံလိုက်ရတော့တယ်၊ မြို့တခုလုံးရဲ့၈၀ ရာခိုင်နှုန်းကျော်က ဂျာမန်တွေပက်ပက်စက်စက်ဗုံးကြဲတာကြောင့် ရစရာမရှိတော့လောက်အောင် ပျက်စီးသွားပေမဲ့၊ စတာလင်က ရုရှားရဲ့အအေးစက်ဆုံး
ဆောင်းရက်တွေကိုစောင့်တယ်၊ မြို့ထဲမှာ ဂျာမန်တပ်တွေကျွံဝင်လာအောင်မျှားခေါ်တယ်၊ နောက်တော့—ဆောင်းမုန်တိုင်းစစ်ဆင်ရေး၊
(Operation Winter Strom)၊ ယူရေးနတ်(စ်)စစ်ဆင်ရေးနဲ့ မာန်နတ်စစ်ဆင်ရေး (Operation Satan) တွေကို ပြန်ထိုးစစ်ဆင်တယ်၊ အစာရေဆာဖြတ်တောက်ခံရမှု၊ ရာသီဥတုပြင်းထန်မှုတွေနဲ့အတူ ကျနော်တို့ဂျာမန်တွေ ရောဂါတွေရ၊ ရက်စက်တဲ့ခံစစ်တွေ
အောက်မှာတဖြုတ်ဖြုတ်ကြွကုန်ကြတယ်၊ ဆိုဗီယက်တပ်တွေနဲ့ဂျာမန်တွေကွာခြားမှုက၊ စတာလင်ဟာသူရဲ့စစ်တပ်ကို မျှော်လင့်ချက်နဲ့ရှင်သန်နေစေမဲ့ ၀ါဒ ဖြန့်စာတွေကိုဆက်တိုက်ဖန်တီးခဲ့တယ်၊
သူရဲကောင်းတွေအကြောင်းကို နောက်လူတွေလေးစားပြီး သူတို့လိုလမ်းကြောင်းမှာ လျောက်လှမ်းနိုင်ဖို့အတွက်၊ အားပေးမြောက်စားတဲ့ အစီအစဉ်အရပ်ကို နီကီတာခရူးရှက်ကိုယ်တိုင် ကြီးကြပ်ခဲ့တယ်၊
အဲ့ဒီတုံးက နှင်းဆီဖြူအဖွဲ့ဝင်ဖြစ်တဲ့ ဂျာမန်ဆေးတက္ကသိုလ်ကျောင်းသားတွေက၊ ရုရှားနဲ့တိုက်နေတဲ့ ရှေ့တန်းစစ်မျက်နှာတွေဆီကို ဆေးမှူးတွေအဖြစ်
၃ လသွားပြီးတာဝန်ထမ်းရတယ်၊ သူတို့တတွေစစ်ရဲ့အနိဌာရုံတွေကို သဘောပေါက်သွားသလို၊ ဂျာမဏိဟာစစ်ရှုံးတော့မယ်ဆိုတာသိနေတယ်၊ တပြိုင်နက်ဟစ်တလာဟာသူ့ရဲ့ပါဝါအတွက်လူတွေအားလုံးကိုရင်းပစ်ဖို့ဝန်မလေးဘူးဆိုတာကိုသဘောပေါက်သွားတယ်၊ အပြန်မှာသူတို့ရေးသားဖြန့်ဝေတဲ့လက်ကမ်းစာစောင်တွေက သိတ်အားပါပြီးလူထုကိုရှင်းရှင်းလင်းလင်းဖွင့်ချတိုက်ပွဲဝင်ဖို့နိုးဆော်ခဲ့ကြတယ်၊

ခြေရာ(၂)

“အဆိုးဆုံးကတော့ ကျနော်တို့ကို နိုင်ငံခြားကလာတဲ့တေးဂီတတွေ နားမထောင်ရဘူး၊ ဂျာမန် တွေရဲ့အနုပညာဖန်တီးမှုလောက်ဘယ်အရာမှ မမြင့်ဘူးလို့ပြောနေတဲ့ အရာရှိတွေပဲ၊ ရုရှား သီချင်းတွေဆိုပိုလို့ဝေးရော့ပေါ့၊ ဟစ်တလာအမုန်းဆုံး လူမျိုးက ဂျူးတွေနဲ့ကွန်မြူနစ်တွေ ဖြစ်ပြီး၊ အမုန်းဆုံးဘာသာဗေကိုပြပါဆိုရင်ရုရှားဘာသာစကား ကထိပ်ကပါတာပေါ့၊ ပိုထူးဆန်းတာက ကျနော်တို့အရင်ကတည်းက နှစ်နှစ်သက်သက်ကိုင်ဆွဲနေတဲ့ လူငယ်တွေရဲ့အလံ တွေကိုကိုင်ဆောင်ခွင့်မပေးတော့တာပဲ၊ သူတို့ဝါဒဖြန့်မှုတွေသာနားထောင်ရမယ်၊ သူတို့ခိုင်းတဲ့ အရာ ကလွဲလို့အရာအားလုံးကိုဖျက်ဆီးပစ်ရမယ်ဆိုတဲ့သဘောပေါ့၊ တရက်ဗျာ(၁၂)နှစ်အရွယ် ကောင်လေးတယောက်ကသူနှစ်သက်တဲ့အလံလေး၊ ကိုင်ပြီးသီချင်းဆိုနေတာကို ဂျာမန်စစ် ဗိုလ်တယောက်က အတင်းလွှင့်ပစ်ခိုင်းတယ်၊ သီချင်းဆိုတာကိုလည်းရပ်ခိုင်းတယ်၊ ကောင် လေးက နားမထောင်တဲ့အခါ၊ စစ်ဗိုလ်က ရိုက်နှက်မလို့ လျောက်လာတာကို ကျနော်မြင်တော့ ပြေးသွားပြီး အဲ့ဒီဗိုလ်ကို ဖြတ်ထိုးပစ်လိုက်တယ်၊ အဲ့ဒီနေ့က ဟစ်တလာလူငယ်အဖွဲ့နဲ့ ကျနော် နောက်ဆုံးဇာတ်လမ်းပြတ်တဲ့နေ့ပဲ၊”
စစ်ရဲ့အနိဌာရုံကိုသိသွားတဲ့ ဆေးတက္ကသိုလ်ကျောင်းသားတွေ၊ ဟစ်တလာရဲ့ရူးသွပ်နေတဲ့ ဆန္ဒ ကိုသိသွားတဲ့ ဆေးမှူးတွေ၊
ရှေ့တန်းစစ်မျက်နှာတွေကပြန်လာလာချင်း ၁၉၄၂ အလည်လောက်ကတည်းက လက်ကမ်း စာစောင်တွေစတင်ရေးသားတော့တယ်၊ ဆေးတက္ကသိုလ်ကျောင်းသား ဟန်ရှိုးက ရေးသားပြီး၊ သူငယ်ချင်းတွေအတူ ညီမဖြစ်တဲ့ဇီဝဗေကျောင်းသူ ဆိုဖီရှိုးက လိုက်ပြီးဖြန့်ဝေတယ်၊ သူတို့ရဲ့ လက်ကမ်းစာစောင်တွေထဲမှာ စိတ်ဓာတ်ဝိညည်နဲ့ မျှော်လင့်ချက်ဆိုတဲ့ အားပြင်းထန်တဲ့အယူ အဆတွေကိုထည့်သွင်းရေးသားထားတယ်၊ သူတို့ရဲ့ပထမဆုံးထုတ်တဲ့လက်ကမ်းစာစောင် မှာ
“ အသူတရာနက်တဲ့ချောက်ထဲကနေ သူဟာထင်ထင်ရှားရှား မြင့်တက်လာပေမဲ့
သံမဏိစိတ်ဆန္ဒတွေ ကောက်ကျစ်မှုတွေ နဲ့ ကမ္ဘာကြီးရဲ့တခြမ်းလောက်ကိုသိမ်းပိုက် ထားနိုင် ခဲ့ပေမဲ့၊ သေချာတာတခုက အဲဒီ-ချောက်ထဲကိုပဲသူပြန်သွားရမှာပါ၊ ခက်ထန်ကြမ်းတမ်းတဲ့မာန တွေနဲ့ သူကခုခံနေပေမဲ့၊ ထိတ်လန့်စိတ်ပျက်ကြောက်မက်ဘွယ်တွေက သူ့ကိုဝါးမျိုသွားပြီးပပြီ၊ သူနဲ့အတူရပ်ခဲ့တဲ့သူတွေအားလုံးလည်းပျက်စီးကုန်ကြတော့မှာပါ။
မျှော်လင့်ချက် ဆိုတဲ့အဆုံးသတ်လက်ကမ်းစာစောင်ထဲမှာတော့ “ အမှောင်ထဲမှာ လူကောင်း တွေကိုငါတို့ရှာခဲ့တယ်၊ အိပ်ပျော်နေတာမဟုတ်တဲ့ ငြိမ်သက်မှုတွေထဲမှာလွတ်မြောက်မှု ရဲ့ တောက်ပ၀င်းလက်နေတဲ့စကားလုံးတွေကို ခပ်တိုးတိုးရေရွတ် စောင့်မျှော်နေမိတယ်။
မြူးနစ်မှာကျောင်းတက်နေတဲ့ ဆေးတက္ကသိုလ်ကျောင်းသားဟန်ရှိုးဟာ နာဇီပါတီနဲ့ ဟစ်တလာဆန့်ကျင်ရေးလှုပ်ရှားမှုရဲ့ဗဟိုဖြစ်လာတယ်၊ သူ့နောက်ကွယ်မှာ နိုင်ငံရေးအတွေး အခေါ်တွေအားဖြည့်ပေးတဲ့ပုဂ္ဂိုလ်က ဒဿနိကပါမောက္ခ (Kurt Kubre)

ခြေရာ (၃)
“မှတ်မှတ်ရရ၊၁၉၄၃ ရဲ့ဆောင်းရာသီမှာပေါ့၊ ဂျာမဏီအမျိုးသမီးအဖွဲ့ချုပ်မှာဝင်ရောက်လုပ်ကိုင် နေတဲ့ ကျောင်းသူတွေသူတို့အိပ်မက်တွေဆွဲဆုတ်ခံလိုက်ရပြီဆိုတာ သဘောပေါက်လိုက်ကြ တယ်၊ ဘဗီရီယာခရိုင်တာဝန်ခံဗိုလ်ချုပ်က မြူးနစ်တက္ကသိုလ်ကိုရောက်လာပြီး မိန့်ခွန်းပေး တယ် “မိန်းမတွေဟာ၊ စာသင်ကြားနေမှုအပေါ်မှာ အချိန်ဖြုန်းနေမဲ့အစား၊ ဂျာမဏီ တပ်မတော်အတွက် နောက်မျိုးဆက်ကလေးတွေကိုမွေးပေးသင့်တယ်၊ ဆန့်ကျင်ဘက်လိင် အပေါ်ဆွဲဆောင်မှုအားနည်းတဲ့အမျိုးသမီးတွေအတွက် သူ့နားမှာကိုယ်ရံတော်အဖြစ်နေဖို့ စီစဉ် ပေးမယ်” လို့တိတိလင်းလင်းပြောလာတယ်၊၊ ကျောင်းသူတွေက သူရဲ့မိန့်ခွန်းကိုဆက်နားမ ထောင် တော့ပဲအခန်းအပြင်ကိုထွက်ဖို့ကြိုးစားတဲ့အခါ ဂက်စတာဘိုထောက်လှမ်းရေးတွေက ၀ိုင်းဖမ်းလိုက်ကြတယ်၊ ဒါပေမဲ့ နှင်းဆီဖြူလူငယ်တွေရဲ့လှုပ်ရှားမှုဟာ ကျောင်းတွေထဲမှာ ကောင်းကောင်းအမြစ်တွယ်နေပြီဆိုတာကိုလည်းသူတို့သဘောပေါက်နေကြတယ်၊ကျောင်းသူ တွေအားလုံးနီးပါး အာဏာဖီဆန်ဖို့ကြိုးစားတော့ ဂက်စတာဘိုတွေနဲ့ ရုန်းရင်ဆန်ခတ်ထိပ် တိုက်တိုးမိကြတော့တယ်၊ ကျောင်းသူ (၈၀) နီးပါးအဖမ်းခံရတယ်၊ ဘာပဲဖြစ်ဖြစ် မြူးနစ် တက္ကသိုလ်ဟာ ဟစ်တလာကိုဆန့်ကျင်တဲ့ နေရာတခုဖြစ်တယ်ဆိုတာ သမိုင်းကသက်သေခံ လိမ့်မယ်၊

ဂျာမန်တွေဟစ်တလာ သဘောထားကိုရိပ်စားမိသွားပြီ၊ နာဇီဂျာမဏီကိုအဆုံးသတ်ဖို့ လှုပ်ရှား မှုတွေဆက်တိုက်ပြုလုပ်လာကြတော့သည်၊ နှင်းဆီဖြူကျောင်းသားတွေ သမိုင်းမှာနာမည်ကြီး ကျန်ရစ်စေမည့် စာစောင်တွေပလူပျံလာသည်၊ စာစောင်နံပါတ်နှစ်မှာ ဟစ်တလာရဲ့ယုတ်မာ ရက်စက်မှုတွေကို ပျင်းရိဘွယ်မသိကျိုးကျွံ ပြုနေတဲ့ပြည်သူတွေကို နှိုးဆော်လိုက်သလို၊ အတွေးအခေါ်ပညာရှင် လာအိုဇူ (Lao_Tzu) ၏ “နိုင်ငံတော်ကိုလက်ဝါးကြီးအုပ်ဖို့ကြိုးစား နေသူဟာ နိုင်ငံတော်ကိုပျက်စီးအောင်လုပ်မဲ့သူဖြစ်တယ်၊ တိုင်းပြည်ကိုသူရဲ့အာဏာအောက် မှာ သွပ်သွင်းဖို့ကြိုးစားနေပေမဲ့၊ သူဟာဆုံးရှုံးလိမ့်မယ်”ဆိုသောအဆိုအမိန့်များကိုထည့်ထား တတ်သည်၊ မြူးနစ်တက္ကသိုလ်ပေါ်တံခါးပေါက်ဝတွေဆီက စာရွက်တွေကိုကြဲချလိုက်ပြီး မကြာ ခင်မှာ ကျောင်းသားယောင်ဆောင်ထားသော ဂျာမန်စစ်ထောက်လှမ်းရေးတွေနဲ့အရာရှိတွေ ရောက်လာပြီး၊ ဆိုဖီရှိုးအပါအ၀င် နှင်းဆီဖြူကျောင်းသားအဖွဲ့ဝင်တွေ ဖမ်းဆီးခံလိုက်ရတော့ သည်၊
၁၉၄၃ ဖေဖေါ်ဝါရီ (၂၂) ရက်မှာတော့ဂက်စတာဘိုတွေ ရက်ရက်စက်စက်နှိပ် စက်စစ်ကြောမှု ကိုခံလိုက်ရပြီးတဲ့နောက် နှင်းဆီဖြူလူငယ်တွေကို ပြည်သူ့တရားရုံးမှာ ခုံရုံးတင်ပြီး ခေါင်းဖြတ် စက်ဖြင့်သတ်ဖြတ်ပစ်ရန် စီရင်ချက်ချခဲ့သည်၊ ဆိုဖီရှိုးကဒဏ်ရာတွေ အပြည့်အသိပ်နှင့် အေး အေးဆေးဆေးပြုံးရင်း တရားသူကြီးအပါအ၀င်၊ ဂျာမန်စစ်ထောက်လှမ်းရေးတွေကို မေးခွန်း တခုမေးလိုက်သံကို တရားရုံးထဲကပြည်သူတွေရှင်းရှင်းလင်းလင်းကြားနေရသည်၊ “ နေပါအုံး၊ ရှင်တို့ကဘာလို့ ဒါ လောက်သူရဲဘောကြောင်နေရတာလဲ၊ ဂျာမဏီစစ်ရှုံးတော့မယ်ဆိုတာကို ပြည်သူကိုအသိပေးလိုက်တော့လေ” တဲ့ ….

နိဂုံး
နှင်းဆီဖြူကျောင်းသားတွေ တကယ်တမ်းထုတ်ခဲ့တာ လက်ကမ်းစာစောင်(၆) စောင်ပဲ ရှိပေမဲ့ အဲ့ဒီ စာစောင်တွေထဲက စာသားတွေ၊ ပြည်သူကိုတပ်လှန့်သံတွေဟာ အင်အားပြင်းထန်ခဲ့ပါ တယ်၊ သူတို့သတ်ဖြတ်ခံခဲ့ရပေမဲ့သူတို့ရဲ့စာတွေကိုဂျာမဏီကနေ အင်္ဂလန်ဆီခိုးထုတ်၊မဟာ မိတ်တပ်တွေကလေယာဉ်နဲ့ ဂျာမဏီပြည်ကမြို့တော်တွေဆီ “မြူးနစ်တက္ကသိုလ်ကျောင်းသား များ.ကြေငြာစာတန်း”အဖြစ်ကျဲချခဲ့ပါတယ်၊ ဟစ်တလာကို ဂျာမန်ပြည်သူတွေကအစလက်မခံ ဘူး ဆိုတာကမ္ဘာကိုပြချင်တဲ့ရည်ရွယ်ချက်တခုလည်းပါမယ်ထင်ပါတယ်၊ ဘာပဲဖြစ်ဖြစ် မြူးနစ်တက္ကသိုလ်ရဲ့ပင်မအဆောက်အဦကို ရောက်ရင်၊ သူတို့ကိုလေးစားဂုဏ်ပြုထားတဲ့ အရာ တွေ၊ “ ငါတို့ဟာငြိမ်သက်နေမှာမဟုတ်” ဆိုတဲ့ နိုင်ငံအသီးသီးဆီပြန့်နှံ့သွားတဲ့စာတန်းတွေ၊ ဂီတနဲ့အသက်ဝင်လိပ်ပြာတွေသယ်ဆောင်လာတဲ့ နှင်းဆီဖြူတွေက ကမ္ဘာကြီးကိုတိတိကျကျ သတင်းပို့နေခဲ့ပါတယ်၊ “သူရဲကောင်းတွေဆိုတာအမြဲနုပျိုနေတဲ့ နှင်းဆီဖြူတွေပါဗျာ”တဲ့

အောင်မိုးဝင်း
စာအုပ်ကိုဖတ်မယ်ဆိုရင် ……. Inge School ရေးတဲ့ The White Rose ကိုဖတ်ပါ
၂၀၀၆ ခုနှစ် နိုင်ငံခြားဘာသာရုပ်ရှင်ကားဆုရတဲ့ Sophie School The Final Days နဲ့ပေါင်းပြီးခံစားလိုက်ရင်တော့ ပိုအရသာရှိမယ်လို့အကြံပေးချင်ပါတယ်။

အပြည့်အစုံသို့...

အမျိုးသားနေ့

အင်္ဂလိပ်လိုနေရှင်နယ်ဒေး ဗမာလိုအမျိုးသားနေ့ဆိုတာ နိုင်ငံတနိုင်ငံရဲ့ အမျိုးသားရေး လက္ခဏာ ကိုဖော်ကြူးတယ်လို့ယူဆကြတဲ့နေ့ရက်ကို သတ်မှတ်ကြတတ်တယ်။ တရုတ်အမျိုးသားနေ့ဆို တာ ပီအာစီလို့ အင်္ဂလိပ်လိုသိကြတဲ့ တရုတ်ပြည်သူ့သမ္မတနိုင်ငံ တည်ထောင်တဲ့နေ့၊ အမေရိ ကန်တွေအတွက်ကျတော့ သူတို့ရဲ့လွတ်လပ်ရေးနေ့ဟာ အမျိုးသားနေ့ဖြစ်ပြန်ရော။ နောက် တခါ ပြင်သစ်တွေအတွက်ကျတော့ ပြင်သစ်တွေရဲ့ သုံးရောင်ခြယ်အလံမှာ ဖော်ကြူးနေတဲ့ liberty/ equality၊ နောက် fraternity ဆိုတဲ့လွတ်လပ်မှု၊ တန်းတူညီမျှမှု၊ ညီရင်းအကိုစိတ် ဓာတ်ရှိမှုတွေက အကြွင်းမဲ့ဘုရင်စံနစ်ပေါ် အနိုင်ရလိုက်တဲ့နေ့။ ဘုရင်မနှစ်သက်တဲ့စာတွေရေး တဲ့ နိုင်ငံရေးအကျဉ်းသားတွေကို ဖမ်းထားလေ့ရှိတဲ့ ဘာစတီးအကျဉ်းထောင်ကို ၀င်စီးတဲ့နေ့။ တနည်းအားဖြင့်

အကြွင်းမဲ့စနစ်နဲ့အုပ်စိုးမှုကို မခံနိုင်လွန်းလို့သူပုန်ထတဲ့နေ့ပဲ။ အဲဒီနေ့ ကနေ့ ပြည်သူတွေရဲ့တောင့်တချက်တွေကို ဆောင်ကြဉ်းပေးမဲ့ ပြင်သစ်ပြည်ကြီးမွေးဖွားလာတယ်လို့ ပြင်သစ်တွေကယုံကြည်ကြတဲ့အတွက် ဘာစတီးနေ့ဟာပြင်သစ်တွေရဲ့ အမျိုးသားနေ့ဖြစ်လာ တယ်။ မြန်မာပြည်အတွက်တော့ ကောလိပ်ကျောင်းသားတွေ အင်္ဂလိပ်အစိုးရရဲ့ပညာရေးစနစ် ကိုစဘွိုင်းကောက်လုပ်တဲ့နေ့။ ပထမကျောင်းသားသပိတ်ရယ် ဆိုပြီးနောက်ပိုင်းမှာသတ်မှတ် လာကြတဲ့ တန်ဆောင်မုန်းလပြည့်ကျော် ဆယ်ရက်နေ့ပဲ။ ဆိုတော့ ဒီနေ့ဟာအမျိုးသားရေး လက္ခဏာ ဘယ်လိုဆောင်သလဲဆိုတာကိုကြည့်မယ်။ အမျိုးသားနေ့ကို ကောလိပ်ကျောင်း သားတွေ စသပိတ်မှောက်တဲ့နေ့အဖြစ်သတ်မှတ်ဘို့ စအဆိုပြုတာ နေရှင်နယ်ဦးမြင့် လို့သိကြ တဲ့ ကျောင်းသားသပိတ်ကိုယ်စားလှယ် ကိုမြင့်ပဲ၁။ အဲဒါပေမဲ့ တို့မြန်မာတွေမှာ နေရှင်နယ် ဒေး၊ အမျိုးသားနေ့ရယ်ဆိုပြီး ရှိသင့်တယ်လို့ အဆိုသွင်းတာကတော့ န၀မအကြိမ် ဂျီစီဘီအေ အစည်းအဝေးမှာ ကန်ကြီးထောင့်က ကိုယ်စားလှယ်တယောက်က အဆိုတင်သွင်းတာဖြစ် တယ်၊ အဲဒိမှာတချို့ကလဲ သီပေါဘုရင်နန်းကျတဲ့နေ့၊ တချို့ကလဲ ဦးဥတ္တမထောင်ကျတဲ့နေ့ကို သတ်မှတ်ရင်ကောင်းမယ် စသဖြင့်တင်ပြကြတယ်၊ အဲဒိမှာ ကျောင်းသားကိုယ်စားလှယ် ကိုမြင့် က ကောလိပ်ကျောင်းသားတွေ သပိတ်မှောက်တဲ့နေ့ဟာဖြင့် ပိုသင့်တော်တယ်ဆိုပြီး အကြံပြု တာဖြစ်တယ်။ သူရဲ့ ကြောင်းကျိုးပြဆိုချက်က မှတ်သားစရာကောင်းတယ်၊ ‘ယူနီဘာစတီ အက် ဥပဒေကို သပိတ်မှောက်တဲ့ကိစ္စဟာ အင်္ဂလိပ်ခေတ်တွင် အင်္ဂလိပ်သြဇာအာဏာဥပဒေ ကို ပဌမဆုံးတော်လှန်ပုန်ကန်တဲ့ ကိစ္စဖြစ်ပါတယ်၊ တနိုင်ငံလုံးကိုနိုးကြားထကြွသတိရပြီး ၀ံသာ နုရိက္ခိတတရားထွန်းကားလာပါတယ်’ တဲ့၊၂
အဝေးကနေလှမ်းကြည့်မယ်။ အပေါ်ယံရှပ်ကြည့်မယ်ဆိုရင်တော့ ဒါကောလိပ်ကျောင်းသား တွေရဲ့ ဟန်းတားပညာရေး၃ဥပဒေကို မကျေမနပ်ဘွိုင်းကော့ လုပ်တဲ့ကိစ္စဘဲ။ (တချို့ စက်တင် ဘာ လူထုအုံကြွမှုကို ဆီဈေးတက်တာမခံနိုင်လို့ ဆန္ဒပြတဲ့ပွဲသက်သက်လို့ ယောင်တီး ယောင် တောင်ပြောတာတွေနဲ့ခပ်ဆင်ဆင်လို့ပြောရမလားဘဲ၊ ကြားစကားချပ်၊) ဒါပေမဲ့ သတိပြုရမှာ က အဲဒိအချိန်ကာလမှာ မြန်မာတွေဟာ အင်္ဂလိပ်က အိန္ဒိယလောက်မသာဘူးဆိုတဲ့ ဆုံးဖြတ် ချက်ကြောင့် မခံချိမခံသာဖြစ်ပြီး အမျိုးသားရေးစိတ်ဓာတ်စနိုးကြားလာစချိန်၊ ဦးဥတ္တမကြီးက ‘ကရက်ဒေါက်ပြန်သွား’ဆိုပြီး ခပ်တည်တည်နဲ့ဟိန်းဟောက်တာကို သဘောခွေ့နေတဲ့အချိန်၊ မစ္စတာမောင်မှိုင်းအမည်ခံ ဆရာကြီးဦးလွန်းက နောင်သော် ဟုမ္မရူးဘက်တော်သားတွေ ကောင်းစားကြပါလိမ့်လို့ ၄ထုထိသြဘာပေးနေတဲ့အချိန်ဖြစ်တယ်။ အင်္ဂလန်မှာမွေးတဲ့ အင်္ဂလိပ် ထက်ပိုပြီးလူမျိုးကြီးစိတ်ဓာတ်ရှိတဲ့ ကုလားပြည်ပေါက် အိုင်စီအက်စ်ဗျူရိုကရက် ကရက်ဒေါက် နဲ့ အမျိုးသားစိတ်ပြင်းထန်တဲ့ မြန်မာ့အရေးလှုပ်ရှားသူတွေ၊ အဲ အဲဒိအချိန်ကတော့ ၀ံသာနုများ ပေါ့ဗျာ။ ၀ံသာနုအရေးလှုပ်ရှားသူတွေ တချိန်မဟုတ်တချိန် ငြိကြမှာဘဲ၊ ဆိုတော့နိုင်ငံရေး နောက်ခံကိုကြည့်ရင် ဂျီစီဘီအေ၀ံသာနုအသင်းကြီးရဲ့ ဟုမ္မရူးတောင်းဆိုချက်နဲ့ အိုင်စီအက်စ် ဗျူရိုကရက် ကရက်ဒေါက်အစိုးရရဲ့ အင်္ဂလိပ်သြဇာခံသက်သက် အုပ်ချုပ်ရေးတို့အားပြိုင်နေကြ တာတွေ့ရမယ်။ အဲ့ဒိအားပြိုင်မှုဟာ ကောလိပ်ပညာရေးမှာလာကူးစက်သွားပြီး ကောလိပ် ကျောင်းသားကြီးများက သူတို့နယ်ပယ်မှာ စတိုက်ပွဲဝင်ကြရာကနေ သမိုင်းဝင် တန်ဆောင်မုန်း လပြည့်ကျော်ဆယ်ရက်နေ့ဆိုတာ ပေါ်လာတာပဲ။ ဒါ့ကြောင့် ကျောင်းသားကိုယ်စားလှယ် ကိုမြင့်ပြောသလို ယူနီဘာစတီဘွိုင်းကော့ဟာ အင်္ဂလိပ်သြဇာအာဏာဥပဒေကို ပထမဆုံး တော်လှန်ပုန်ကန်မှုပဲ။ ဒီတော်လှန်ပုန်ကန်မှုမှာ ၀ံသာနုအရေးလှုပ်ရှားသူတွေက အင်္ဂလိပ် အစိုးရမင်းတွေကို ဘာကိုပြလိုက်သလဲဆိုတော့ ဟေ့ မင်းတို့သင်ပေးမှ တို့စာတတ်မှာ မဟုတ် ဘူး။ ဒို့လူမျိုးမှာ ကိုယ့်လူမျိုးကိုယ်သင်ပေးနိုင်တဲ့ စာတွေရှိတယ်။ မင်းတို့သင်မှ ဒို့စာတတ်မှာ မဟုတ်ဘူး ဆိုပြီးအားနဲ့မာန်နဲ့ကြွေးကြော်လိုက်တာဘဲဖြစ်တယ်၊ ပြောပြောဆိုဆိုပဲ အမျိုးသား ကောလိပ်နဲ့ အမျိုးသားကျောင်းတွေ နိုင်ငံအနှံ့ပေါ်လာတယ်။ ဒီချက်ချင်းဆိုသလို ပေါ်လာတဲ့ အမျိုးသားကောလိပ်နဲ့ အမျိုးသားကျောင်းတွေရဲ့ ရည်ရွယ်ချက်တွေ၊ အဲဒိကောလိပ်၊ ကျောင်း တွေမှာ သင်ကြားပေးတဲ့စာတွေကိုကြည့်ရင် တို့လူမျိုးဟာ သူများနှာခေါင်းပေါက်နဲ့မှ ရပ်တည် နိုင်မဲ့လူမျိုးမဟုတ်ဘူးဆိုတာကို ပြချင်တဲ့စေတနာက လွှမ်းမိုးနေတာကို ရှင်းရှင်းလင်းလင်းတွေ့ နိုင်တယ်။ ဗမာရာဇ၀င်၊ ဗမာစာပေကို ဗမာတွေ ဂုဏ်ယူတတ်အောင်ရည်ရွယ်ပြီး သင်ပေးတာ ဖြစ်တယ်။ သင်တဲ့အကြောင်းအရာတွေဟာ သမိုင်းဖြစ်ရပ်မှန်ဆိုတာထက် လူမျိုးခြားအောက် ရောက်နေတဲ့ ကိုယ့်လူမျိုးကိုယ် ဂုဏ်ယူစိတ်ရှိလာဘို့ဆိုတဲ့ ရည်ရွယ်ချက်နဲ့ ဒီကျောင်းတွေကို တည်ထောင်ကြတာဖြစ်တယ်။ ကိုယ့်လူမျိုးချင်းရိုင်းပင်ရမယ်၊ သူများအားမကိုးဘဲ ကိုယ့်အရေး ကို ကိုယ့်ဘာသာ ကိုယ်အားကိုးရမယ်ဆိုတဲ့ စိတ်ဓာတ်ကို ဒီနေရာမှာအထင်အရှားတွေ့ နိုင် တယ်။ ဝေးဝေးမကြည့်နဲ့ ဆရာကြီးမှိုင်းရဲ့ ဟောဒိစာချိုးလေးမှာ ဒီစိတ်ဓာတ်ဟာအထင်းသားပဲ။ ဘယ်လောက် အားမာန်ပြည့်သလဲဆိုတာ ရွတ်ကြည့်။
‘အနောက်ဂိုက်နဲ့ အတူတညီမကွာကြွားကြစေဘို့ 
(အို - ဘေဒါရီရဲ့) မြှောက်လိုက်မကွဲ့ မောက်လိုက်မဟဲ့လို့ 
ဆောက်လိုက်မဲ့ ယူနီဘာစတီတွေအများ’ ၅ တဲ့၊

အမျိုးသားကောလိပ်ထောင်ပြီ၊ အမျိုးသားကျောင်းတွေဖွင့်ပြီဆိုရင်ဘဲ ဆရာကြီးဦးလွန်းဟာ သူရိယသတင်းစာကနေထွက်ပြီး အခမဲ့စာလာသင်ပေးတယ်။ နောက်ဦးဘချို၊ ဦးဘလွင်တို့ ဟာလဲ အစိုးရကျောင်းအုပ်တွေအဖြစ်ကထွက်ပြီး အမျိုးသားကျောင်းတွေ မှာပညာဒါနလာဖြန့် ကြတယ်။ အလားတူပဲ၊ ဆရာကြီးဦးရာဇတ်၊ ဦးဖိုးကြားတို့ဟာလဲ တိုင်းချစ်ပြည်ချစ်စိတ်နဲ့ အမျိုးသားကျောင်းတွေမှာ လာဝိုင်းကြသူတွေဖြစ်တယ်။ ဟုမ္မရူးအရေးဆိုသူတွေ၊ အမျိုးသား ကျောင်းတည်ထောင်သူတွေဆီက ပေါ်ထွက်လာတဲ့ နောက်အချက်တချက်ကတော့ အင်္ဂလိပ် အစိုးရဟာ ဒို့ကိုအုပ်ချုပ်နေပင်နေသော်ငြားလဲ ဒို့တကယ်အလိုရှိတာက အင်္ဂလိပ်အုပ်ချုပ်မှု မ ဟုတ်ဘူး၊ အင်္ဂလိပ်မအုပ်ချုပ်တဲ့ အုပ်ချုပ်ရေးဆိုတာကိုဘဲ ဒို့အလိုရှိတယ်ဆိုတာဘဲ။ နောက် ပိုင်း အမျိုးသားကျောင်းတွေ ပျက်ရှာပေမဲ့ အမျိုးသားနေ့ကနေ အရင်းခံလိုက်တဲ့ စိတ်ဓာတ် ကတော့ အမျိုးသားကျောင်းတွေကနေ တိုင်းပြည်အတွက်အားထားရမဲ့ သခင်အောင်ဆန်းတို့ မျိုးဆက် သခင်လူငယ်ကျောင်းသားတွေကို မွေးထုတ်ပေးခဲ့တဲ့ထိရှင်သန်ခဲ့တယ်။ ဒါ့ကြောင့်လဲ တချို့ကပြောကြတယ်။ အမျိုးသားနေ့ဟာ ကိုယ့်တိုင်းကိုယ့်ပြည်ရယ်လို့ပေါ်လာဘို့ ကြိုးပမ်းမှုရဲ့ အစတဲ့။

သူရိန်ကျော်ဇော

၁ ။ တိုက်စိုး ဂျူဘလီဟော
၂ ။ ၎င်း
၃ ။ ပညာမင်းကြီး မက်သယူးဟန်းတားရဲ့ ရန်ကုန်ယူနီဘာစီတီအက်ဥပဒေ
၎ ။ သခင်ကိုယ်တော်မှိုင်း ဒေါင်းဋီကာ
၅ ။ သခင်ကိုယ်တော်မှိုင်း မျောက်ဋီကာ (၁၉၂၀ ပြည့်နှစ်၊ ယူနီဘာစီတီသပိတ်)

အပြည့်အစုံသို့...

Friday 7 December 2007

အဝေးကပေးစာတစောင်

၂၀၀၇ခုနှစ်။ နိုဝင်ဘာ ၂၆ရက်၊
ကိုဟိုဒင်းရေ-

“သီတင်းကျွတ်ပွဲတော်ကြီးပြီးလို့ တန်ဆောင်မုန်းတန်ဆောင်တိုင် ဆီမီးကမြိုင်။ မသိုး အလှ မြတ်သင်္ကန်းကပ်ဖို့။ ရွှေတိဂုံ ကုန်းတော်ပေါ်မှာပြိုင်”ဆိုတဲ့ ကျနော်တို့ငယ်ငယ်တုန်းက ဒီလိုအချိန်မှာကြားရလေ့ရှိတဲ့ ကိုမြကြီးရဲ့သီချင်းလေး ကိုမှတ်မိတယ် မဟုတ်လားဗျာ၊ ရန်ကုန် တန်ဆောင်တိုင်ပွဲတော်။ လေးဆူဓာတ်ပုံ ရွှေတိဂုံနဲ့ အလှူရေစက် လက်နဲ့မကွာ၊ ရက်ရောလှ တဲ့ ဗုဒ္ဓဘာသာ မြန်မာလူမျိုးတွေ၊ ခွဲလို့ရနိုင်ရိုးလားဗျာ၊ အခုတော့ ရွှေတိဂုံကုန်းတော်ပေါ်ကို သံဃာတော်တွေဟာ ခွင်ပြုချက်လက်မှတ်နဲ့ တက် ရသတဲ့။ ဘုရားဖူးကြည်ညိုသူတွေ လူစုလူ ဝေးနဲ့ မတက်ရဘူးတဲ့၊ ကိုလိုနီခေတ်၊ ဂျပန်ခေတ်ထက်ဆိုးတဲ့ ကာလတခုကို ရောက်နေပါပေါ့ လားဗျာ။
သံဃာတော်တွေကို ရိုက်နှက်သတ်ဖြတ်၊ ဘုန်းကြီးကျောင်းတွေကနေ မောင်းထုတ်။ ပြန်ခိုင်း။ သာသနာ့စောင်းထက် နအဖစောင်းက ပိုထက်တယ်လို့ ပြောဖို့လုပ်နေတဲ့ ကာလ ကြီးမှာ ကျနော်ဖြင့်ဗမာပြည်က ကထိန် အလှူပွဲတော်များအတွက် စိုးရိမ်ပူပန်မိတာ အမှန်ပါပဲ၊ ဒီကနေ ပြန်စဉ်းစားလိုက်တိုင်း ကထိန်ပွဲကြီးတွေ ခြိမ့်ခြိမ့်သဲကျင်းပပြီး လမ်းတကာ၊ ရပ်တကာ မှာ ကထိန်ညှပ်ကြီးတွေ အပြိုင်အဆိုင်ဆင်ယင်။ ခင်းကျင်းကြ။ ပွဲတွေလမ်းတွေ ကျင်းပကြ။ ရန်ကုန်မှာဆိုရင် (ကာတွန်း)ဦဘဂျမ်းလမ်းမှာ ကာတွန်းပြပွဲတွေလုပ်ကြ။ မန္တလေးဘက်မှာဆို ရင် စစ်ကိုင်းတောင် တောင်လုံးညွှတ်မျှကထိန်သွားခင်းကြ။ ဈေးချိုထဲက အေရုံ၊ ဘီရုံ စတာ ကြီးတွေက အငြိမ့်တွေပွဲတွေနဲ့ နေ့ခင်းကြီးဧည့်ခံကြ။ ဒီလိုချစ်စရာ။ ဂုဏ်ယူစရာအစဉ် အလာ လေးတွေဟာ နအဖစစ်အစိုးရရဲ့စစ်မိန့်တွေကြောင့် ပျောက်ကုန်တော့မှာပါလားဗျာ။
ကျနော်တို့ဗမာနိုင်ငံသားများဟာ ကိုယ့်မှာရှိရင် ကိုယ်ချည်းမစားသုံးပဲ သူများကိုလည်း ပေးကမ်းဝေမျှချင်တယ်ဆိုတဲ့စိတ် စေတသိက်လေးရှိနေတော့ စပါးသိမ်း။ ပဲသိမ်းပြီးရင် လှူကြ တန်းကြတာဟာ နှစ်ထောင်နဲ့တောင်ရှိပြီနဲ့ တူပါတယ်ဗျာ၊ ဘယ်သူကမှ ရိုက်ခိုင်းဖို့မလို။ အမိန့် ပေးခိုင်းဖို့မလိုတဲ့ အစဉ်အလာကောင်းပါ၊ မင်းမှ စိုးမှ လုပ်တာမဟုတ်ပါဘူး။ ဆင်းရဲသားလဲ တတ်နိုင်ရင် တတ် နိုင်သလောက်လှူကြတမ်းကြတဲ့ နိုင်ငံနဲ့ နိုင်ငံသားတွေပါဗျာ၊ အခုတော့ လှူချင်လို့မလှူရ။ လှူချင်သူကိုမလှူရ။ ၀ဋ်ဒုက္ခတမျိုးလိုပါပဲ။
ဒီကြားထဲမှာ နအဖအစိုးရရဲ့ဝါဒဖြန့်ယန္တရားများနဲ့ နောက်လိုက်ခွေး မီဒီယာများထဲမှာ သူတို့လက်ပါးစေ ကြံ့ဖွတ်တွေက ဘုန်းကြီးကျောင်းတွေကိုသွားပြီး ကထိန်ပစ္စည်းတွေအတင်း လက်ခံခိုင်း။ အတင်းရေစက်ချ။ အတင်းကထိန်လိုက်ခင်းနေကြတယ်လို့ ကြားရတော့ ပိုပြီးစိတ် မချမ်းမသာဖြစ်ရတယ်၊ အေးဓားပြတိုက်တယ်ဆိုတာနဲ့ ပြောင်းပြန် ကုသိုလ်ဓားပြတိုက်တယ် လို့ ဆိုရမလား မသိပါဘူး၊ တချို့သံဃာတော်များကတော့ ပတ္တနိက္ကုဇ္ဇနကံဆောင်ထား တာမို့ သူတို့ပေးတဲ့အခါ လက်ခံထားလိုက်ပေမဲ့ သူတို့သွားတဲ့နောက် ကိုယ်တိုင်မသုံးပဲ သူများကိုစွန့် ကြဲလိုက်ကြတယ်လို့လဲ ကြားရတယ်၊ နအဖကြောင့်မို့ သံဃာတော်များလုပ် နေရပုံအတွက် လည်း စိတ်မကောင်းဖြစ်ရတယ်။
ကျနော်တို့ ဗုဒ္ဓဘာသာမှာ အလှူဒါနဖြစ်မြောက်ဖို့အတွက် အချက်သုံးချက်လိုအပ် တယ်ဆိုတာ ခင်ဗျားမှတ်မိတယ်မဟုတ်လား၊ အဲဒါတွေက လှူတဲ့သူရယ်၊ လှူတဲ့ပစ္စည်းရယ်၊ အလှူခံတဲ့လူရယ်လို့ ဆိုသမို့လား၊ အခုတော့ သံဃာတော်များကလက်မခံချင်တာကို အာဏာ နဲ့ အတင်းယူခိုင်းနေတယ်ဆိုတော့ အလှူဒါနဖြစ်မြောက်ဖို့အတွက် လိုအပ်တာဟာ စစ်တပ် အာဏာအပါ အချက်လေးချက်ဖြစ်သွားပြီပေါ့ဗျာ၊ မူလသုံးချက်နဲ့တင် မရတော့တာလည်း အမှန်ပဲ၊ စစ်အာဏာပိုင်တွေကခွင့်မပြုလို့ မခင်းရတဲ့ ကထိန်တွေ၊ မကျင်းပရတဲ့အလှူပွဲတွေ နည်းမှမ နည်းတော့ပဲ၊ ဗုဒ္ဓဘာသာပြော ပြောရရင် ဒါနမမြောက်အောင် နှောင့်ယှက်ဖျက်ဆီး တယ်ဆိုတဲ့ အပြစ်ဟာ ဘယ်လောက်ကြီးသလဲ စစ်ဗိုလ်ချုပ်တွေ စဉ်းစားမိရဲ့လားမသိဘူး။
ဒီစာကိုရေးနေရင်းပဲ ကိုဟိုဒင်းရေ။ သတင်းတခုဝင်လာသဗျ၊ ကောင်းသတင်းပြော ရမ လား။ ဆိုးသတင်းပြောရမလားမသိဘူး၊ ခင်ဗျားမို့ မျှရအုန်းမယ်၊ အဲဒါ(ဦး)မြတ်ခိုင်ရဲ့ လျှပ်တစ် ပြက်ဂျာနယ်ပိတ်လိုက်ရပြီတဲ့ဗျ၊ ထုတ်ဝေခွင့်ပိတ်လိုက်တာလို့ ဆိုတာပဲ၊ ဘာကြောင့်လဲဆိုတာ တော့ မသိရသေးဘူး၊ ပြန်ကြားရေးဝန်ကြီး (ဗိုလ်ကျော်ဆန်း) ကို ပိုင်လှတယ်ဆိုတဲ့လူ။ သူ လည်းကမ်းနားသစ်ပင်ပဲကိုး၊ ကိုယ့်ကိုယ်အမှီကောင်းရှိ။ အကာအကွယ်ကောင်းရှိတယ်ဆိုပြီး သူတကာကိုတွယ်။ စာပေအနုပညာသည်တွေကို တပည့်မွေး။ ရန်သူထား လုပ်ချင်သလိုလုပ် နေတဲ့လူရယ်လေဗျာ၊ နအဖကိုယ်စား တရားမ၀င်ဝါဒဖြန့်တာ။ တိုက်ခိုက်တာတွေလည်း လုပ်မှ လုပ်၊ လျှပ်တစ်ပြက်ဆိုတာက ဗမာပြည်ရဲ့နံပတ်ဝမ်း အ၀ါရောင်စာနယ်ဇင်းရယ်လို့ ဆိုင်းဘုတ် ချိတ်ဆွဲမထားယုံတမယ် နာမည်ကြီးပုဂ္ဂိုလ်တွေရဲ့ “အတွင်းရေး” ဆိုတဲ့ ကောလာဟာလတွေ ကိုဘုံးဘောလအော။ ရက်ရက်ရောရာကြီးဖော်ပြနေတဲ့ ဂျာနယ်ပါကလားဗျာ၊ သူနဲ့မတည့် လို့ကတော့ ရုပ်ရှင်လောကသားတွေ။ ဂီတလောကသားတွေ သွားပေရော့ပဲ၊ တယ်လဲပြောင် မြောက်ဆိုကိုးဗျ။
အရင်လတုန်းက ကျနော့်စာထဲမှာ သူ့ဂျာနယ်ကနေ နိုင်ငံရေးကျားသေတွေကို နအဖရဲ့ စီမံကိန်းနဲ့ အသက်သွင်းလာတာကို ရေးလိုက်မိသေးတယ်မှတ်တယ်၊ ဦးအောင်ကြီး။ သခင် တင်မြ။ ဦးချစ်လှိုင်တို့သုံးဦးကို ခမ်းခမ်းနားနားကြီးပွဲထုတ်ပြီး အတိုက်အခံတွေကို တိုက်တာ လေဗျာ၊ ပြည်တွင်းက နိုင်ငံရေးလောကနဲ့ စာပေလောကမှာကို တော်တော်ပြောစရာဖြစ်ခဲ့ တာပေါ့၊ အခုတော့သူများပျက်စီးတဲ့အတွက် ၀မ်းသာတယ်လို့တော့ မပြောချင်ပါဘူးဗျာ၊ ဒါပေမဲ့ ‘လျှပ်တစ်ပြက်ဘာကြောင့် အပိတ်ခံ ရတာလဲ’ ဆိုတာလို ကျနော့်ခေါင်းထဲမှာ မရှင်း တာလေးတွေ ကျန်နေခဲ့တဲ့အတွက်ပဲ အစာမကြေသလိုဖြစ်နေတာပါ၊ သူကမင်းသမီး တယောက်အကြောင်း ပုတ်ခတ်ရေးသားလို့ အဲဒီမင်းသမီးက ကြပ်ပြေးအထိတက်တိုင်တာနဲ့ အပိတ်ခံရသလိုလိုတော့ ကြားတာပဲ၊ ကြပ်ပြေးက အာဏာပိုင်များက မင်းသမီးလေး ကိုပိုစာ နာသွားတာလည်း ဖြစ်ချင်ဖြစ်မှာပေါ့ဗျာ၊ အလွယ်သာမာန် အရပ်သားပြော ပြောရင်တော့ လည်လွန်းတဲ့ဘီး ချေးသင့်တာပါပဲ၊ အခုလိုအခါကြီးရက်ကြီးမှာ ဗမာပြည်သားတွေအဖို့ တရား သံဝေယူစရာ ဖြစ်တာပေါ့လေ။
ဒါလောက်ပဲဗျာ။
ဘယာဘေး ကွာဝေးကြပါစေ။

ယာတောကသာဗြော

အပြည့်အစုံသို့...

နအဖရဲ့ ရှေ့ခြေလှမ်းကို ရိုက်ချိုးဖို့ပြင်ကြစို့

ဒီတခါ အာစီယံမှာ နအဖတုံးကျော်သွားတာလား၊ သက်ပြင်းချနိုင်သွားသလား။
ဒါဆွေးနွေးစရာ၊ ငြင်းခုံစရာဖြစ်ကောင်းဖြစ်မယ်။ ဒါပေမဲ့တကယ်တော့ ဒီအစည်းအဝေး ကရလဒ်ဟာ ဘာကြီးပဲဖြစ်နေနေ ဗမာပြည်ပြည်သူတွေအတွက်၊ အထူးသဖြင့် စစ်အာဏာရှင် စနစ်ဖယ်ရှားရေးအတွက် သိပ်ပြီးအရေးမပါပါဘူး၊ နအဖကို နိုင်ငံတကာအသိုင်းအ၀ိုင်းအလယ် မှာ သိက္ခာချနိုင်တာကလွဲလို့ သိပ်အရေးပါ ထိရောက်တာမဟုတ်ဘူး၊ အဲဒီမှာ ဘာပဲဆုံးဖြတ်၊ ဆုံးဖြတ် နအဖက ဂရုမစိုက်တာသေချာတယ်၊ သံတမာန်ရေးရာနဲ့ နိုင်ငံတကာဆက်ဆံရေး အပိုင်းကို နအဖအစိုးရက နကမ္ပတိလုပ်ထားရတာကြာပြီ၊ ဂမ်ဘာရီနဲ့ပီညဲရိုးတို့အပေါ် ဆက်ဆံ ပြနေပုံတွေဟာ ကုလသမဂ္ဂနဲ့အိုင်အယ်လ်အိုကိုတောင် ဂရုမစိုက်ဘူးလို့ ပြောနေတာဖြစ်တယ်၊ နောက်ပြီး ဂမ်ဘာရီရဲ့လှုပ်ရှားမှုကို တရုတ်နဲ့အိန္ဒိယတို့က ထောက်ခံထားတယ်ဆိုတာလည်း သူတို့ မသိတာမဟုတ်ဘူး၊ နအဖဟာဒီနယ်ပယ်မှာ သန်းခေါင်ထက်ညဥ့် မနက်ဘူးလို့ တွက် ထားပြီးဖြစ်တယ်၊ သူတို့မှာ လိမ္မာထိရောက်တဲ့ သံတမာန်ရေးလှုပ်ရှားမှု ပြုလုပ်နိုင်စွမ်းမရှိတော့ တာကြာပြီပဲ၊ နပေနကတ်လို တုတ်တောင်းနေတာဖြစ်တယ်လို့ ပြောရင်ရမယ်၊ အဲဒီတုတ်ချက် လောက်ကိုတော့ စစ်ဗိုလ်ချုပ်တွေက မမှုဘူးလုပ်နေကြတယ်။
ပြီးခဲ့တဲ့စက်တင်ဘာ သံဃာ့အရေးအခင်းကြီးက ရှင်းရှင်းလင်းလင်းပြသလိုက်တဲ့ အ ချက်တချက်ကတော့ နအဖတကယ်ကြောက်တာ သူတို့ကိုတကယ်ကိုင်လှုပ်နိုင်တာဟာ ပြည် တွင်းက ပြည်သူတွေရဲ့အုံကြွမှုသာဖြစ်တယ်ဆိုတာပဲ၊ သူတို့တတွေ အခုထက်ထိ အရေးအ ခင်းရဲ့ကျိန်စာကတော့ မလွတ်နိုင်သေးဘူးဆိုတာအဘက်ဘက်မှာ အထင်အရှားတွေ့နေရ တယ်။ အခုထက်ထိ လူတွေကိုလိုက်ရှာဖမ်းဆီးနေတာဟာ၊ နယ်ပယ်ပေါင်းစုံမှာ ဆင်ဆာအ မျိုးမျိုးလုပ်နေတာ စတာတွေဟာ သူတို့စိုးရိမ်ထိတ်လန့်နေတုန်းပဲ ဆိုတာကိုပြတာဖြစ်တယ်၊ နအဖအဖို့ ငြိမ်းအဖွဲ့တွေအပေါ် မီးမသေလှဘူးဆိုတာလည်း သူခြေတလှမ်းလှမ်းတိုင်း တွေ့နေ ရတယ်၊ တချို့အဖွဲ့ဟာဆိုရင် စစ်အစိုးရကလုပ်ခိုင်းသမျှကို ဆန့်ကျင်နေတဲ့ သဘောမျိုးတောင် တွေ့လာနေရပြီ၊ သူတို့ချင်းထိပ်တိုက်တွေ့မှာကို ရှောင်ဖို့ကြိုးစားလို့ ရပါအုန်းမလားဆိုတာ တောင်မှ တွေးစရာဖြစ်လာနေတယ်၊ နိုဝင်ဘာလ ၂၂ရက်နေ့က ကေအိုင်အေစခန်းကိုသိမ်း တာကိုထောက်ရင် နအဖ က သူတို့အပေါ်မှာ စစ်ရေးအရကိုပဲ စပြီးဖိအားပေးလာနေပြီ ဆိုတာ သေချာတယ်။
ဒီလိုအနေအထားမှာ ပြည်တွင်းက ဆန့်ကျင်မှုကိုသာ တကယ်လန့်သူဖြစ်တဲ့ နအဖဟာ သူ့တပ်တွင်းက တုန့်ပြန်မှုကို အဓိကထားကြည့်နေတယ်၊ တပ်ဟာသူတို့ထင်သလို ခိုင်းလို့ရမရ ဆိုတာနဲ့ အခြေအနေတွေနဲ့ သူတို့ဆက်ပြီး အုပ်စိုးလို့ ရမရဆိုတာကို သုံးသပ်တာပါ၊ အခုတ လောလေးမှာပဲ တပ်ထိပ်ပိုင်းမှာ နေရာတွေ၊ ရာထူးတွေခွဲတမ်းချဝေခြမ်းပြီးတဲ့နောက် သူတို့ ကိုယ် သူတို့အတော် စိတ်ချသွားဟန်တူတယ်၊ ဒါကြောင့် ဗိုလ်သန်းရွှေရဲ့ကြံ့ဖွတ် တွေကိုပြော တဲ့မိန့်ခွန်းမှာ သူ့ကိုယ်သူ အတော်ယုံကြည်မှု ရှိတဲ့ လေသံတွေ ပါနေတာဖြစ်တယ်။
ဘယ်အခမ်းအနားမှာပဲဖြစ်ဖြစ်၊ ဘယ်ပြည်ပခေါင်းဆောင်နဲ့တွေ့ရာမှာပဲဖြစ်ဖြစ်၊ နအဖ က တိုင်းပြည်အခြေအနေ တညငြိမ်နေ ပါတယ်လို့ ပြောနေတာဟာ သူ့တပ်ကိုသူပိုင်တယ်လို့ ယူဆပြီးပြောနေတာသာဖြစ်တယ်၊ သူတို့ပြောတိုင်းမှာ တိုင်းပြည်အခြေ အနေတညငြိမ်တယ်။ သူတို့ရဲ့လမ်းပြမြေပုံအတိုင်း ဆက်လုပ်မယ်ဆိုတာ အမြဲပါတယ်ဆိုတာ သတိထားမိစရာပဲ၊ ဒါတွေက ပြနေတာကတော့ နအဖ အနေနဲ့ လမ်းပြမြေပုံရဲ့အဆင့်လေးကို မဖြစ်မနေလုပ် တော့မယ်ဆိုတာပဲ။
နအဖဟာ ဘာကြောင့်မို့ဒီဆန္ဒခံယူပွဲဆိုတဲ့ အဆင့်လေးကို အင်မတန်စိတ်ထက် သန် နေရတာလဲ၊ သေချာတာက သူတို့ အစီအစဉ်အတိုင်းသာ ဆန္ဒခံယူပွဲလုပ်နိုင်မယ်ဆိုရင် သူတို့ အနေနဲ့ ထောက်ခံမဲ ၁၀၅ရာခိုင်နှုန်းတောင် ရအောင်လုပ်နိုင်တယ်ဆိုတာ ဘာမှသံသယရှိစ ရာမလိုဘူး၊ သူတို့ပြချင်တဲ့ကိန်းဂဏန်းကို ပြလို့ရောအင်လုပ်နိုင်တယ်၊ ၁၉၇၄ခုနှစ်တုန်းက ဗိုလ်နေ၀င်းလုပ်ခဲ့တာနဲ့ တလောက ပါကစဏတန်က စစ်အာဏာရှင် မူရှာရာ့ဖ် လုပ်ပြသွား တာတွေကိုပဲကြည့်တော့။
တကယ်က နအဖအခုလုပ်နေပြောနေတာတွေ မှန်သမျှဟာ တခုမှမျက်စိလည်စရာ မရှိဘူး၊ အင်မတန်ရှင်းနေတာတွေမို့ အတိုက်အခံတွေအကြားမှာ ဘာမှအငြင်းမပွားကြဘူး၊ နအဖအလိုတော်ရိတွေတောင်မှ အသံမထွက်ကြဘူး၊ (သူတို့ကို နအဖက ပါးစပ်ပိတ်ခိုင်းထား လို့လည်း ဖြစ်ကောင်းဖြစ်မယ်)၊ ဒေါ်အောင်ဆန်းစုကြည်နဲ့ ဗိုလ်အောင်ကြည် စကားပြောတယ် ဆိုတဲ့ လုပ်ဇာတ်ဟာလည်း ဒေါ်အောင်ဆန်းစုကြည်ကို မဗေဒါရေခပ်ခိုင်းသလိုလုပ်ထားတာ ဖြစ်တယ်ဆိုတာကို ဒေါ်အောင်ဆန်းစုကြည် ကိုယ်တိုင်မပြောနဲ့ သာမာန်လူထုတောင်သိတယ်၊
ဒီတော့ အတိုက်အခံတွေ။ အထူးသဖြင့် မြေအောက်လုပ်ငန်းလုပ်နေသူတွေဟာ အဲဒီ လမ်းပြမြေပုံအဆင့်လေးလုပ်လာမှာ အတွက်အခုကတည်းက စဉ်းစားပြင်ဆင်တာတွေ လုပ် သင့်တယ်၊ အာဏာရှိတဲ့လူနဲ့ မရှိတဲ့လူနဲ့တူတာမဟုတ်ဘူး၊ အာဏာရှိတဲ့ လူကလုပ်ချင်ရင် မြန်တယ်၊ အချိန်ဆိုတာကလည်း ကုန်မှန်းမသိကုန်သွားတတ်တယ်၊ ပြီးခဲ့တဲ့သံဃာ့အရေး အခင်းကြီးတုန်းက ကိုယ်က နောက်ကလိုက်ရတာမျိုးဖြစ်ခဲ့ကြတယ်မဟုတ်လား။
ပြီးခဲ့တဲ့သံဃာ့အရေးအခင်းကြီးကို ပြန်ပြီးသုံးသပ်။ နိဂုံးချုပ်ပြီးရှေ့လုပ်စရာတွေချ မှတ်ကြသင့်ပြီ၊ ဒါကို ပါဝင်လှုပ်ရှားခဲ့ သူတွေက အဓိကလုပ်သင့်တယ်၊ ဘာဖြစ်လို့ ဒီရေလှိုင်း လုံးတွေလို ဗြုံးစားကြီးပေါ်ပေါက်လာသလဲ၊ ဘာဖြစ်လို့ တုံးတိပြတ်တောက် သွားရသလဲ၊ နအဖ တကယ်လန့်တာဘာလဲ၊ သူ့တပ်တွင်းကိုဘယ်လို ဂယက်ရိုက်ခဲ့သလဲစတာတွေကို ကိုယ်ဖြစ်စေချင်တာ။ ကိုယ့်ဆန္ဒအစွဲမပါပဲ သေသေချာချာ သုံးသပ်သင့်တယ်။
အဲဒီကနေ ဘယ်လိုတိုက်ပွဲပုံစံတွေ ကျင့်သုံးလို့ရမလဲ။ ကျင့်သုံးရင်ကောင်းမလဲ စတာ တွေကိုလည်း သုံးသပ်။ ဆုံးဖြတ်သင့်ပြီ၊ ပြီးရင် ပြင်ဆင်ရမယ်၊ ဒီတိုင်းပြည်မှာက ဘယ်သူက ပဲဖြစ်ဖြစ်။ ဘယ်အချိန်မှာပဲဖြစ်ဖြစ်။ ဘယ်ပုံစုံနဲ့ဖြစ်ဖြစ် ဒီနအဖစစ်ဗိုလ်တွေကို ဆန့်ကျင် ဆန္ဒပြတယ်ဆိုတာ တရားတာမှန်တာချည်းပဲ။ ထောက်ခံရမှာချည်းပဲ၊ ဒါကြောင့် ဒါမျိုးဟာအ ချိန်မရွေးပေါ်ပေါက်လာနိုင်တယ်။
ကိုယ့်ဘက်က ပြင်ဆင်မှုမရှိပဲ တိုက်ရတယ်ဆိုတာမျိုး မဖြစ်ရင်အကောင်းဆုံးပဲ။

ဗသြ

အပြည့်အစုံသို့...

ဇီးရိုးအာဝါ(သို့) နောက်ဆုံးပိတ်တိုက်ပွဲ

(၁)
မေတ္တာ … တရားလား
သစ္စာ .. တရားလား
ချစ်သဒ္ဓါ .. ပွားသလား
မုဒိတာ .. ထားမလား
လား .. လား .. မှ မထိုက်
သည်လူမိုက်တစု .. ကို။

(၂)
ဓမ္မနဲ့ အဓမ္မ
ဘယ်သူနဲ့ဘယ်တုန်း .. က
အနိုင်ရခဲ့တဲ့ .. သာဓက
လောဘနဲ့ သံသရာမှာ
ချာချာလည်တာ .. တွေ့ခဲ့ဘူးပြီးပဲ။

(၃)
ဒို့ … ရန် ငါ မပြတ်လို့
သံဃာတွေပါ
အသတ်ခံခဲ့ရပါပြီ။

(၄)
လက်နက်မရှိလို့လား …
သတ္တိမရှိလို့လား …
အတ္တထိမှာ … ကြောက်လို့လား
အနာဂါတ်အသိတွေ … ပျောက်လို့လား။

(၅)
မသိရင် … ကြောက်တတ်ပါတယ်
သိရင်လျှောက် … ရပါတယ်
ဘ၀အမောတွေပြေစေဘို့
သဘာဝ “အပြော” ကို ပြင်စေဘို့ ..။

(၆)
ဟော … သေနတ်ဆိုတာ…
ကျည်မရှိရင်
“ဒုတ်”လောက်ပင်… အားကိုးလို့မရ။

(၇)
“ကျည်”ရှိတဲ့နေရာ
ဖျက်ဆီးရမှာပ

(၈)
“ကျည်”ရှိလဲ …
ဘယ်လောက်ပစ်နိုင်မှာလဲ …
“ကျည်ကွယ်”လဲယူ …
“မျက်ကွယ်”လဲ … ယူ
ပြိုင်တူ ချီတက်
တက် ဆုတ် ပြန်ပတ် …
ကျည်တကပ်ကုန်ရင် … ဒို့အလှည့်
ဆက်သွယ်ရေး .. လမ်းတွေ
ဖြတ်တောက် …
သတင်းပေး .. သစ္စာဖေါက်တွေ
ချေမှုန်း
ဓါတ်ဆီ ပုံးတွေက
အသုံးတည့်လှပါတယ်။

(၉)
ရတာနဲ့ .. ခုခံ
အုတ်ခဲ .. ဓါး .. လှံ
ဂျင်ကလိ .. စပုတ်တံ
လေးဂွ .. ရရာ တော်လှန်ပေရော့။

(၁၀)
ချေမှုန်းတဲ့စစ် ပြည်သူ့စစ် အစစ်ဆိုတာ .. ဒို့တတွေပါ
သူတို့နဲ့ ပြည်သူ.. ဘယ်သူကများသလဲ။

(၁၁)
မင်းလားကွ .. စစ်သား
ပြည်သူစော်ကားတဲ့ .. ရဲ
ကြံ့ဖွတ်ငနဲနဲ့ .. စွမ်းအားရှင်.. မင်းတို့ .. ဘ၀င်တွေ .. မြင့်လွန်းတယ်။

(၁၂)
ဒို့နှလုံးသားက .. သိမ်မွေ့ပါတယ်
ဒို့ဘက်ပါ နင်လာ .. ထား
နောင်များဆို .. ပြည်သူ့မေတ္တာ ဒဏ်သင့်လိမ့်။

(၁၃)
တရားသလား
မတရားသလား
မင်းလဲသိထား .. တာမို့။

(၁၄)
ပြည်သူ့ထမင်းစား ..
ပြည်သူ့စော်ကား ..
ပြည်သူ့ “ကျည်ဆံ” နဲ့
ပြည်သူကို မှန်အောင်ပစ်
သိပ် ညစ် ပတ် စုတ်ပဲ့
ယုတ်မာတဲ့ သူတွေရဲ့ ဦးဆောင်မှု
အာဏာလုထားတဲ့သူတွေ
အပေါ်စီးကယူ “သတ်” “ပစ်” အမိန့်တွေပေးနေတယ်။

(၁၅)
အေး… လေ…
မင်းကြိုက်နေသလား
မင်းသိပ်မိုက်နေလား .. မင်းသိပ်ခိုက်နေပြီးလား ..
မင်းသိပ် ချမ်းသာ နေပြီးလား။

(၁၆)
ထားပါတော့ …
ထားပါတော့ …
ဒီပွဲမှာ …
မင်းလဲ ဆုံးဖြတ်ရမှာက ..။

(၁၇)
နောက်ဆုံးပိတ်တိုက်ပွဲ
တိုက်ရဲသူ
အနိုင်ယူ …
နိုင်တဲ့သူက .. ပြည်သူ့ဘက်တော်သား တွေပါပဲ။

(၁၈)
သေသူသေ ..
ရှင်သူရှင်
တိုက်ရဲရင်
တိုက်တတ်ရင်
စိတ်ဓါတ်သာတဲ့ သူဖြစ်ရင်…
အောင်ပွဲဆင်နိုင်မှာမို့။

(၁၉)
ကဲ…. စကြစို့
ဇီးရိုး .. ဆိုတဲ့
သုံည နာရီ
ကိုယ်စီ တာဝန်ယူစို့။

(စူးထက်)

အပြည့်အစုံသို့...

ခြင်္သေ့မင်းကဲ့သို့သော ပြည်သူ

ခွေးနှင့်တူသော စစ်အုပ်စု


(ကိုရင်ဒေါင်း)

၁။
“ခြင်္သေ့ဟာ သူ့ကိုပစ်လိုက်တဲ့ အဆိပ်လူးမြား လာရာအရပ်ကို ရှာဖွေကြည့်ရှုတယ်။”
“ခွေးသတ္တ၀ါကတော့ သူ့အပါး ကျလာတဲ့ ခဲလုံးကိုသာ ဒေါသတကြီးလိုက်လံ ကိုက်ခဲတယ်။”ခြင်္သေ့နဲ့ ခွေးသတ္တ၀ါမကွာလား ?
အမြော်အမြင်ရှိသူများဟာ ပြ၏နာ သန္ဓေတည်မွေးဖွားရာ အကြောင်းတရားကို ရဲရဲရှာဖွေဖော်ထုတ်တယ်။ အရင်းခံအကြောင်းတရားကိုပယ်သတ်ပြီး ဖြစ်ပေါ်နေတဲ့အကျိုး ဆက်ဆိုးကျိုးကို ချုပ်ငြိမ်းစေတယ်။
လူ့အန္တတွေကတော့ ပြဿနာရဲ အရင်းခံအကြောင်းတရားကို မရှာဖွေ။ မပယ်သတ်ဘဲ ဖြစ်ပေါ်နေတဲ့ရလဒ် ဆိုးကျိုးကိုသာ ဆတက်ထမ်းပိုး တိုးပွားစေတယ်။
မြန်မာပြည်သူတွေ ဒုက္ခပင်လယ်ဝေနေရတဲ့ ပင်မအကြောင်းခံတရားဟာ စစ်အာဏာရှင်စနစ် ဖြစ်တယ် ဆိုတာကို ၂၀၀၇-စက်တင်ဘာ လူထုအရေးတော်ပုံကြီးကတဆင့် ရဟန်းရှင်လူ ကျောင်းသားပြည်သူတွေက ဖော်ထုတ်ပြသခဲ့ကြတယ်။ ရလဒ်ဆိုးကျိုးကို ချုပ်ငြိမ်းစေဖို့။ စစ်အာဏာရှင်စနစ်ကို ဖျက်သိမ်းပြီး တွေ့ဆုံဆွေး နွေး အဖြေရှာရေးကတဆင့် အမျိုးသားပြန်လည်သင့်မြတ်ရေးဆီ ခရီးနှင်ဖို့လည်း အမြော်အမြင်ရှိစွာ တောင်းဆို ခဲ့ကြတယ်။
နအဖ စစ်အုပ်စုကတော့ သူ့ဆီပစ်လိုက်တဲ့ခဲလုံးကို ဒေါသတကြီး လိုက်ကိုက်တဲ့ခွေးလို ငြိမ်းချမ်းစွာအရေး ဆိုလာတဲ့ ရဟန်းရှင် လူပြည်သူတွေကိုပဲ ရန်မူခဲ့တယ်။ လက်နက်နဲ့အကြမ်း ဖက်ဖြိုခွဲခဲ့တယ်။ လူထုအရေးတော်ပုံများ ရဲ့ ဓမ္မတာအတိုင်း စက်တင်ဘာအရေးတော်ပုံကြီး ဟာလည်း လှိုင်းလုံးသ္ဂန် နိမ်တုံ မြင့်တုံဆောင်ခဲ့ပေမဲ့ ဦးကျိုးမသွားခဲ့ဘူး။ နအဖ စစ်အုပ်စုသာ ပြည်သူတွေရဲ့ တံတွေးမြစ်မှာ ဂျွမ်းထိုးမှောက်ခုံ မြောခဲ့ရတယ်။
ပြည်သူတွေရဲ့ အမြော်အမြင်ရှိတဲ့တောင်းဆိုချက်တွေကို ဥပက္ခာပြုခဲ့တဲ့ စစ်အုပ်စုဟာ နိုင်ငံရေးအရ ခံစစ်ဘ၀ကို လုံးလုံးကျရောက်နေရပြီ။ စစ်အုပ်စုနဲ့ စစ်အာဏာရှင်စနစ် အပြီး အပိုင် ကျဆုံးတဲ့အထိ ဆက်လက် တိုက်ပွဲ ၀င်ကြရလိမ့်ဦးမယ်။

၂။
အမှန်နဲ့အမှားရဲ့အားပြိုင်ပွဲမှာ အဆုံးတနေ့ အမှန်ကသာ အောင်ပွဲခံရမှာပဲ။ ဒါဟာ ရှောင်လွဲ မရတဲ့ နိယာမဧကန်သဘောဖြစ်တယ်။ တချိန်တည်းမှာဘဲ တပွဲချင်းနဲ့ ရေတိုသဘောမှာတော့ ပြိုင်ဘက်ထက်သာ လွန်တဲ့ လူထုအင်အားကို မစုစည်းနိုင်ရင် ယာယီအရေးမသာမှုတွေ တွေ့ရ မြဲဖြစ်တယ်။
ဒါကြောင့် အမှန်တရားရဲ့ အဆုံးတနေ့အောင်မြင်ရမှု။ ယာယီအရေးနိမ့်ရမှုနဲ့ အမှား တရားရဲ့ ယာယီအောင်မြင်မှု။ အဆုံးတနေ့မှာရှုံးနိမ့်ရမှုများနဲ့ပတ်သက်လို့ လက်တွေကျကျ ဆင်ခြင်ကြည့်မြင်ကြဖို့လို တယ်။ အကောင်အထည်မဲ့ ယုံကြည်မှုသက်သက် တခုတည်းနဲ့တော့ အမှန်တရားရဲ့အောင်ပွဲကို ဆုပ်ဆုပ်ကိုင် ကိုင် ရရှိနိုင်မှာ မဟုတ်ဘူး။ ကိုယ့်ဘက်က မှန်နေပါ လျက်နဲ့ ဘာကြောင့် အရေးနိမ့်ရသလဲ။ ဆန့်ကျင်ဘက်က မှားနေပါလျက်နဲ့ ဘာကြောင့် အရေးသာသွားရသလဲ ဆိုတာတွေကို မှန်ကန်စွာနားလည်နိုင်မှာမဟုတ်ဘူး။ ဖြတ်သန်းခဲ့တဲ့ တိုက်ပွဲရဲ့ သင်္ခန်းစာတွေကိုလည်း မှန်ကန်စွာနိဂုံးချုပ်နိုင်မှာမဟုတ်ဘူး။ ဒီအခါမျိုးမှာ မမြင်ရတဲ့ ကံတရားဟာ ကိုးကွယ်ရာ ဖြစ်လာတတ်ပြီး ကိုယ့်အချင်းချင်းကဲ့ရဲ့သင်္ဂြိုလ် အတင်းဆိုမှုတွေနဲ့ ညီညွတ်ရေး ထိခိုက်မှုဆီ ဦးတည်သွားတတ်ကြတယ်။
တကယ်တော့ အမှန်တရားဆိုတာ လူ့အဖွဲ့အစည်းနဲ့ ကင်းလွတ်တည်ရှိနေတာ မဟုတ် ဘူး။ ကျနော့်တို့ ပြောဆိုနေတဲ့ အမှန်တရားဆိုတာ အဖိနှိပ်ခံပြည်သူတွေရဲ ဘ၀တိုက်ပွဲအတွင်း က အတွေ့အကြုံအဆက် ဆက်ကို စုစည်းပေါင်းချုပ်ထားတဲ့ အကောင်အထည်မဲ့ တန်ဖိုးသဘောတရားတခုပဲ။ ပြည်သူတွေအတွက် မှန်ကန် တဲ့တန်ဖိုး သဘောတရားတခုဟာ ဖိနှိပ် အုပ်စိုးသူ အဓမ္မ၀ါဒီတွေအတွက်တော့ အမှားတရားသာဖြစ် တယ်။ ပြည်သူတွေက ဖိနှိပ်မှု အောက်က လွတ်မြောက်အောင်ရုန်းကန်တိုက်ပွဲဝင်တာကို မှန်တယ်လို့ယုံကြည် ပေမဲ့ ဖိနှိပ် အုပ်စိုးသူတွေကတော့ အဲဒါကိုဆူပူအုကြွမှု မင်းမဲ့လုပ်ရပ်လို့မြင်တယ်။ လူထုအုကြွမှုကို အကြမ်း ဖက်ဖြိုခွဲတဲ့ သူတို့လုပ်ရပ်ကို တရားတယ်လို့မြင်တယ်။ ဒါကြောင့်လဲ ပြည်သူတွေရဲ့ ဒီမိုကရေစီရေး၊ ပြည်တွင်း ငြိမ်းချမ်းရေး၊ လူမျိုးတိုင်း တန်းတူသွေးစည်း ရေးလှုပ်ရှားမှုတွေကို ဆူပူသောင်းကျန်းမှုတွေအဖြစ် လက်နက် အားကိုး ဖြိုခွဲကြတာဖြစ်တယ်။
တရားဆိုတာ အကောင်အထည်မဲ့သဘောပဲ။ အမှန်တရားတခုဟာ မှန်နေပေမဲ့ အခိုင် အမာအကောင်အထည်ဖြစ်လာအောင် အသက်မသွင်းနိုင်ရင် သူရဲ့မှန်ကန်မှုနဲ့ အစွမ်းသတ္တိ ခွန်အားကို မပြနိုင်ဘူး။ စိတ်ကူးပုံပြင်ထဲက တန်ခိုးရှင်ထက် ဘာမှမလိုဘူး။ ဖိနိုပ်မှုအောက်က လွတ်မြောက်လိုကြတဲ့ ပြည်သူတွေဟာ မိမိတို့ဘ၀တိုက်ပွဲ များစွာအတွင်းက စုစည်းပေါင်းချုပ် ချက် အကောင်အထည်မဲ့ အမှန်တရား ကို အကောင်အထည်ဖြစ်လာအောင် လက်တွေ့နဲ့ အသိရှိရှိပေါင်းစပ်ကြရမြဲဖြစ်တယ်။ အဲဒီအခါကျမှသာ အကောင်အထည်မဲ့ အမှန်တရား ၀ိဥာဉ်ဟာ အခိုင်အမာကိုယ်ထည် ဖြစ်တည်လာပြီး အံ့မခန်းတဲ့တိုက်ပွဲဝင် အင်အားကြီးအဖြစ် အသက်ဝင် ရုန်းကြွလာတာ ဖြစ်တယ်။ ဒါကို ပြည်တွင်း ပြည်ပ ပြည်သူ့အရေးတော်ပုံ များစွာက သက်သေပြခဲ့ပြီးပြီ။

၃။
အားပြိုင်ပွဲတခုအတွင်းမှာ ပေါင်းစည်းနေတဲ့ ဘက်နှစ်ဘက်ဟာ နှစ်ဘက်စလုံးက အနိုင်ရချင် ကြသလို။ နှစ်ဘက်စလုံးကပဲ အရှုံးမပေးလိုကြဘူး။ ဒါပေမဲ့ အခိုင်အမာအားပြိုင်မှုဆိုတာ ကာလအကန့်အသတ်မဲ့ မဟုတ် ဘူး။ ကာလအကန့်အသတ်ဆုံမှတ်တခု ရောက်ရင်တဘက် ကရှုံးပြီး။ တဘက်ကနိုင်ရမှာပဲ။
အများသိတဲ့အတိုင်း အဆုံးတနေ့မှာ အမှန်က အမှားအပေါ်မုချအောင်ရမှာပဲ။ ဒါပေမဲ့ ဒါဟာ အကောင်အထည်မဲ့ သဘောတရားမျှသာ ဖြစ်တယ်ဆိုတာ သတိချပ်သင့်တယ်။
အခိုင်အမာကျတဲ့ အနိုင်အရှုံးဆိုတာကတော့ အကောင်အထည်မဲ့သဘောတရား သက်သက်မဟုတ်ဘူး။ လက်တွေ့အခိုင်အမာတိုက်ပွဲရဲ့ သင်္ကေတဖြစ်တယ်။ တိုက်ပွဲတပွဲချင်း ရဲ့ အနိုင်အရှုံးကို ဆုံးဖြတ်တာဟာ ဘယ်ဘက်ကမှန်တယ်။ မှားတယ်ဆိုတာ တချက်တည်း အပေါ်မှာမတည်ဘူး။ ဘယ်ဘက်က တိုက်ပွဲလိုအပ်ချက်အင်အား (လူ။ စိတ်ဓာတ်။ ရုပ်ဝတ္တု) တွေကို ဆန့်ကျင်ဘက် ထက်သာလွန်အောင် စုစည်းအသုံးချနိုင်ခြင်း ရှိမရှိအပေါ်မှာတည် တယ်။ အမှန်တရား (ပြည်သူ) ဘက်ကရပ်တည်တဲ့တိုင်အောင် အဲဒီအမှန် တရား သက်ဝင်ရုန်း ကြွလာစေမယ့် လက်တွေ့စည်းရုံးပြင်ဆင်မှုတွေမဲ့နေရင်။ ဒါမှမဟုတ် အနိမ့်ဆုံးလိုအပ်ချက် မပြည့်မီရင် တပွဲချင်းမှာ မလွဲမရှောင်သာ အရေးမသာမှုကြုံရမှာပဲ။
ပြည်သူဆန့်ကျင်ရေး အဓမ္မ၀ါဒီများဖြစ်နေတဲ့တိုင်။ လက်နက်တခုတည်းကိုသာ အင် အားအဖြစ် အကြွင်းမဲ့ယုံကြည်ထားတဲ့ စစ်ဝါဒီများဖြစ်နေတဲ့တိုင် သူတို့ကိုင်စွဲထားတဲ့ အမှားတ ရားကို ခိုင်မာတိကျတဲ့ စည်းရုံးပြင်ဆင်မှုများနဲ့ အသက်သွင်းပြီး လက်ဦးမှုရှိရှိ အသုံးချနိုင်ရင် တပွဲချင်းအရအရေးသာမှုတွေ ရကြတာပဲ။ အဓမ္မ၀ါဒီတွေဟာ သူတို့ရဲ့ဒီလိုတပွဲချင်းအရ အရေး သာမှုတွေကို စဉ်ဆက်မပြတ်ထိန်းသိမ်းရင်း သက်ဆိုးရှည်အောင် ကြိုးပမ်းနေကြတာဖြစ် တယ်။ ဒါကိုလည်း ပြည်တွင်းပြည်ပ အမှန်နဲ့အမှားတို့ရဲ ရှည်ကြာတဲ့ တိုက်ပွဲသမိုင်းအတွေ့ အကြုံက သက်သေပြ၊ အတည်ပြုပေးခဲ့ပြီးပြီ။

၎။
အာဏာလက်ရှိ အဓမ္မ၀ါဒီ နအဖစစ်အုပ်စုဟာ အာဏာကိုအသုံးပြုပြီး ပြည်သူကိုဖိနှိပ် သတ်ဖြတ်ဖို့ စစ်တပ်၊ ပုလိပ်၊ တရားရုံး၊ အကျဉ်းထောင် စတဲ့ဖိနှိပ်ရေးယနျွှရားတွေကို အသင် ထူထောင်ထားပြီးဖြစ်တယ်။ သူတို့ရဲ့ ပြည်သူဖိနှိပ်ရေးပေါ်လစီတွေကို အသက်ဝင်လှုပ်ရှား လာအောင် အခိုင်အမာစည်းရုံးဖွဲ့စည်းမှုတွေနဲ့ လက်တွေ့ ပေါင်းစပ်ကြတာဖြစ်တယ်။ ဒါကြောင့် လည်း အဓမ္မ၀ါဒီစစ်အုပ်စုဟာ ပြည်သူဖိနှိပ်ရေးအတွက် အခိုင်အမာ ဆောင်ရွက်ရာမှာ ပြည်သူ တွေထက်သာလွန်ပြီး လက်ဦးမှုရယူနိုင်ကြတာပဲ။ ဒီလိုလက်ဦးမှုရယူနိုင်လို့ လည်း တပွဲချင်းမှာ အသာရသွားကြတာဖြစ်တယ်။ တခွန်းတည်းပြောရရင် လက်ဦးမှုဆိုတာ တပွဲချင်းအရ အာဏာ ရနေသူတွေရဲ့ လက်ထဲမှာ ရှိနေတယ်ဆိုတာပဲ။
အဖိနှိပ်ခံပြည်သူလူထကြီးဟာ အဖိနှိပ်ခံဘ၀က လွတ်မြောက်လိုကြတာဓမ္မတာပဲ။ အဲဒီအတွက် ရုန်းကန်တိုက်ပွဲဝင်ကြတာဟာလည်း တရားတာပဲ။ ဒါပေမဲ့လူတန်းစား။ လူ့ အလွှာတွေအဖြစ် အထပ်ထပ်။ အလွှာလွှာကွဲပြားနေတဲ့ ပြည်သူလူထကြီးကို အတွေးအခေါ် အရ။ နိုင်ငံရေးအရ။ စည်းရုံးရေးနဲ့လုပ်ဟန်အရ မစုစည်းနိုင်ရင် စစ်အုပ်စုထက်သာလွန်တဲ့ တိုက်ခိုက်ရေးအား ဖြစ်မလာနိုင်ဘူး။ ခိုင်မာသွေးစည်းတဲ့ လူထုညီညွတ်ရေး ဆိုတာမျိုးဟာ အလိုအလျောက်ဖြစ်လာနိုင်တာမျိုးမဟုတ်။ သိစိတ်ရှိရှိ အခိုင်အမာစုစည်းမှရနိုင်တာမျိုးဖြစ် တယ်။ စုစည်းညီညွတ်တဲ့ လူထုအားနဲ့ ရန်သူကိုတိုက်ရင်း လက်ဦးမှုမဲ့ရာက ရှိရာကိုကူးပြောင်း ယူရတာဖြစ်တယ်။ လက်ဦးမှုကို အဆက်မပြတ် တိုးချဲရာက နောက်ဆုံးလက်ဦးမှုကို ပိုင်ပိုင် နိုင်နိုင်မလွတ်တမ်း ဆုပ်ကိုင်နိုင်တဲ့အချိန်ဟာ အောင်ပွဲရချိန်ပဲ။
ဒါကြောင့် ပြည်သူတွေအနေနဲ့ တိုက်ပွဲမှာလက်ဦးမှုရအောင်။ တိုက်ပွဲအဆုံးသတ်အထိ လက်ဦးမှုကို မလွတ်တမ်းဆုပ်ကိုင်ထားနိုင်အောင် အားလုံးဝိုင်းဝန်းပြင်ဆင်ကြရမှာပဲ။

၅။
နောက်ထပ်လာမယ့် လူထုတိုက်ပွကြီးအတွက် ပြင်ရေးကို ဘယ်သူတွေ တာဝန်ယူမ လဲ။ ဘယ်နည်းနာ တွေနဲ့ပြင်ကြမလဲ။
ဓမ္မတာပဲ ရှည်ကြာတဲ့ လူထုတိုက်ပွကြီးအတွင်းက ထွက်ပေါ်လာတဲ့။ သက်ဆိုင်ရာ လူတန်းစား။ လူ့အလွှာ အသီးသီးကို ကိုယ်စားပြုတဲ့ လက်ရှိတိုက်ပွဲဝင်နေဆဲ ဥပဒေတွင်း။ ဥပဒေပနိုင်ငံရေးပါတီများ တက်ကြွတဲ့တိုက်ပွဲဝင် အစုအဖွဲ့များ။ တကိုယ်တော်တိုက်ခိုက်ရေးသမားများစတဲ့ ပြည်သူ့ဘက်တော်သားများ က ကိုယ်နိုင်တဲ့ဝန်ကိုထမ်းပြီး ပြင်ဆင်ကြရမှာပဲ။
ပြင်တဲ့နည်းနာကတော့ လျို့ဝှက်လုပ်ငန်းနဲ့ ပြောင်လုပ်ငန်း နည်းနှစ်နည်းနဲ့ပြင်ကြရ မယ် လို့ယူဆတယ်။
ပြောင်ပြင်ဆင်ရေးလုပ်ငန်းကို တရားဝင်NLD ပါတီနဲ့ အခြားပါတီများက သက်ဆိုင်ရာ ပါတီစည်းရုံးရေး လုပ်ငန်းများကို ဗဟိုပြုပြီးရသမျှ အခွင့်အရေးကို အသုံးချလုပ်ကိုင်ကြရမှာပဲ ဖြစ်တယ်။
လျို့ဝှက်ပြင်ဆင်ရေးမှာတော့ ဥပဒေပနိုင်ငံရေးပါတီများ။ အစုအဖွဲ့များ။ တသီးပုဂ္ဂလ များနဲ့ လျို့ဝှက်နည်းအရ။ စုစည်းထားတဲ့ ခေါင်းဆောင်မှုအဖွဲ့တခုရှိသင့်တယ်။ ဒါမှသာ တပြည် လုံးလက္ခဏာအရ လမ်းညွှန်သဘောထား။ စီမံချက်စတာတွေနဲ့ လိုအပ်သလို ထိန်းကျောင်း နိုင်မှာဖြစ်တယ်။
လျို့ဝှက်ပြင်ဆင်ရေးလုပ်ငန်းတွေထဲက အခြေခံကျတဲ့အချက်အချို့ကို အကြမ်းဖျင်း တင်ပြရရင် လျို့ဝှက် ခေါင်းဆောင်မှုအောက်ရှိ လိုင်းအသီးသီးဟာ အလုပ်သမား၊ လယ်သ မား၊ ကျောင်းသား၊ ရဟန်းသံဃာ၊ အမှုထမ်း၊ အသိပညာရှင်၊ အတတ်ပညာရှင်စတဲ့ လူထု လူတန်းစားအလွှာအသီးသီးအတွင်းက တက်ကြွသူအမာခံများကို မွေးမြူစုစည်းတာ။ တက်ကြွ သူအမာခံတွေကို အခြေခံပြီး လူတန်းစား။ လူ့အလွှာ အလိုက် သမဂ္ဂတွေဖွဲ့စည်းတာ။ စစ်တပ်။ ရဲ၊ ကြံဖွံ့၊ မီးသတ်၊ ကြက်ခြေနီစတဲ့ စစ်အုပ်စုရဲ့အဖွဲ့အစည်းများနဲ့ အပစ်ရပ်အဖွဲ့ တွေထဲမှာ ‘လူထုတိုက်ပွဲ ထောက်ခံရေး’ အင်အားစုတွေ လျို့ဝှက်စုစည်းတာပါပဲ။ အနိမ့်ဆုံး အားဖြင့် ကြားနေအင်အားစုများ ရှိလာအောင် လုပ်ရေးဖြစ်တယ်။ ဒီလိုပြင်ဆင်ထားနိုင်မှ ဖွဲ့စည်းထားတဲ့ သမဂ္ဂ တွေ၊ လူထုတိုက်ပွဲ ထောက်ခံရေးအစုတွေကို မဏ္ဏိုင်ပြုပြီး တောရောမြို့ပါမကျန် လူထု ပါဝင်လာရေး ဖြစ်နိုင် စရာရှိတယ်၊ အထွေထွေသပိတ်ကြီးအဖြစ် အချိန်တိုအတွင်း ကူးပြောင်း နိုင်မှာဖြစ်တယ်။ လက်ဦးမှု ကိုလျင်မြန် စွာတိုးချဲ့ပြီး အဆုံးအဖြတ်ကျချိန်အထိဆုပ် ကိုင်ထားနိုင် မှာ ဖြစ်တယ်။
သင့်လျော်တဲ့ ပြင်ဆင်မှုမရှိဘဲ တိုက်ပွဲကာလအတွင်းမှာမှ လူထုလူတန်းစားအဖွဲ့အ စည်းတွေကို အရေးပေါ် ဖွဲ့စည်းရတာမျိုးဟာ တိုက်ပွဲလိုအပ်ချက်ကို အချိန်မီဖြည့်ဆီးနိုင်ဖို့ မလွယ်ဘူး။ အထွေထွေ သပိတ် ကြီးအဖြစ် အချိန်တို အတွင်း ကူးပြောင်းနိုင်အောင် လုပ်ဖို့ခက် တယ်။
ဒီလိုပြောလို့ အလုံးစုံပြင်ပြီးမှ တိုက်ရမယ်လို့ ဆိုလိုတာမဟုတ်ဘူး။ လူထုတိုက်ပွဲဆို တာ အင်မတန် ကျယ်ပြန့် ရှုပ်ထွေးလေ့ရှိပြီး ကိုယ်ခန့်မှန်းတွက်ချက်ထားသလို ဖြစ်ချင်မှဖြစ် တတ်တာမျိုး ဘယ်အချိန် ဘယ်နေရာမှာ ဘယ်အကြောင်းအချက်ပေါ်အခြေခံပြီး စတင်ပေါက် ကွဲမယ်ဆိုတာလဲ ဘယ်သူမှ အတတ်သိနိုင် တာမဟုတ်ဘူး။ တိုက်ပွဲမဖြစ်ခင် ပြင်နိုင်သမျှပြင်။ တိုက်ပွဲဖြစ်လာတဲ့အခါ ပြင်ဆင်ပြီးသမျှနဲ့ အားဖြည့်၊ တိုက်ပွဲ တွင်းပြောင်းလဲလာတဲ့ အခြေအနေသစ်တွေရဲ့ တောင်းဆိုမှုအရလည်းထပ်ပြင်။ ပြင်နေရင်း တိုက်ပွဲတိုက် ဆိုတဲ့ နည်းနဲ့ ပျော့ပြောင်းစွာ ပေါင်းစပ်ရတာမျိုးလို့ သဘောပေါက်တယ်။ ဒါကြောင့်ကြိုပြင်တာ ဟာ မပြင်တာထက်၊ နောက်ကျပြင်တာထက် အကျိုးများတာအမှန်ပဲ။

၆။
နောက်ဆက်တွဲလူထုတိုက်ပွကြီးအတွက် ပြောင်လုပ်ငန်း၊ လျို့ဝှက်လုပ်ငန်း နည်းနှစ် နည်းနဲ့ ပြင်ဆင်သင့် တယ်လို့ပြောခဲ့ပြီ။ ဒီနှစ်ခုဟာ အပေါ်ယံအရ လှုပ်ရှားရပုံမတူပေမဲ့ အတွင်းသဘောအရ လူထု လှုပ်ရှားမှု အောင်မြင်ရေး ရည်မှန်းချက်အတွက်ပဲဖြစ်တယ်။
တကယ်က ပြောင်လုပ်ငန်းနဲ့လျို့ဝှက်လုပ်ငန်းဟာ တခုကိုတခုဆန့်ကျင်နေတာ မဟုတ်ဘူး။ အပြန်အလှန် ထောက်ကူနေသာဖြစ်တယ်။ အထူးသဖြင့် ဥပဒေမဲ့စစ်အာဏာရှင် စနစ် အုပ်ချုပ်မှုအောက်မှာ လျို့ဝှက်လုပ်ငန်း ကောင်းအောင်လုပ်နိုင်လေ။ ပြောင်လုပ်ငန်း အတွက် အကျိုးများလေပဲ။ အပြန်အလှန် အားဖြင့် ပြောင်လုပ်ငန်းကို မိမိရရ အသုံးချနိုင်လေ။ လျို့ဝှက်လုပ်ငန်းကို ကျယ်ပြန့်နက်ရှိုင်းစွာလုပ်နိုင်လေပဲ။
လျို့ဝှက်လုပ်ငန်းနဲ့ ပြောင်လုပ်ငန်းဟာ အပြန်အလှန်ကူးပြောင်းတဲ့ သဘောလည်းရှိ တယ်။ တိုက်ပွဲစဉ်အတွင်း အခွင့်မသာတဲ့အခါ ပြောင်လုပ်ငန်းဟာ လျို့ဝှက်လုပ်ငန်းအဖြစ်ကူး ပြောင်းသွားလေ့ရှိပြီး။ အောင်ပွဲရတဲ့အခါ လျို့ဝှက်လုပ်ငန်းဟာ ပြောင်လုပ်ငန်းအဖြစ် ကူး ပြောင်းသွားတတ်တယ်။ ဒီသဘောကို အမျိုး သားလွတ်မြောက် ရေးကာလ လှုပ်ရှားမှုများနဲ့ လွတ်လပ်ရေးခေတ် လူထုတိုက်ပွဲများအတွင်းမှာ လေ့လာတွေ့ ရှိနိုင်တယ်။
၂၀၀၇ စက်တင်ဘာအရေးတော်ပုံကြီး အတွင်းမှာလည်း သံဃာနဲ့ကျောင်းသားများဟာ တိုက်ပွဲလိုအပ် ချက်အရ ပြောင်လုပ်ငန်းနဲ့ လျို့ဝှက်လုပ်ငန်း အကြားအဆက်အစပ်ကို အပြန်အလှန်ကူးပြောင်း လှုပ်ရှား ခဲ့ကြတာ သတိပြုလိုက်မိတယ်။ ဒီလိုပြောင်းလွယ်ပြင်လွယ် လုပ်နိုင် တာဟာ လူထုတိုက်ပွဲအတွက် မရှိမဖြစ် လိုအပ်ချက်ဖြစ်တယ်။ ဒါပေမဲ့ စက်တင်ဘာအရေး တော်ပုံလှုပ်ရှားမှုမှာ ပြောင်လုပ်ငန်းသဘောက အဓိက လွှမ်းမိုးနေတယ်လို့ ယူဆရတယ်။ ဒီထက်ပိုမိုကျယ်ပြန့်တဲ့ လျို့ဝှက်လုပ်ငန်းတွေနဲ့သာ ကြိုပြင်ထားနိုင်ခဲ့ရင် စက်တင်ဘာအရေး တော်ပုံကြီးကို ဒီထက်ပိုမိုအားဖြည့်ပေးနိုင်မှာအမှန်ပဲ။
၇။
နိဂုံးချုပ်ရရင် တပွဲချင်းအရ အာဏာကိုအသုံးချပြီး ပြည်သူအပေါ် အနိုင်ယူနေတဲ့ နအဖ စစ်အာဏာရှင် စနစ်အတွင်းမှာ မုချကျဆုံးရမယ့် အကြောင်းတရားတခုပါရှိနေတယ်။ အဲဒါ ကတော့ ပြည်သူကို ဖိနှိပ်ဆန့်ကျင် တဲ့ ရပ်တည်မှုအမှားပဲ။ အဲဒီအမှားကို အကြောင်းပြုပြီး အတွေးမှား၊ အမြင်မှား၊ အလုပ်မှားတွေကို အဆက်မ ပြတ် ကျူးလွန်ကာ နောက်ဆုံးကျဆုံး ခန်းဆီ ဦးတည်စေတာဖြစ်တယ်။ ဒါပေမဲ့ သူ့အလိုလျောက် ကျဆုံးမှာ တော့မဟုတ်ဘူး။ စည်းလုံးညီညွတ်တဲ့ လူထုအားနဲ့ တိုက်ပွဲဝင်မှ အပြီးသတ်ကျဆုံးမှာဖြစ်တယ်။
တပွဲချင်းအရ အရေးနိမ့်မှုတွေ ကြုံနေရတဲ့ ပြည်သူလူထကြီးအတွင်းမှာလည်း အဆုံး တနေ့ မုချအောင်ပွဲခံရမယ့် အကြောင်းတရားတခုရှိနေတယ်။ အဲဒါက စစ်အုပ်စုလက်တဆုပ် စာရဲ့ အကြမ်းဖက် ဖိနှိပ်မှုအောက်က ပြည်သူ တရပ်လုံး လွတ်မြောက်ရေးအတွက် တိုက်ပွဲဆင် ရေးဆိုတဲ့ ရပ်တည်မှုအမှန်တရား ပဲ။ ဒီရပ်တည်မှုအမှန်တရားကို အကြောင်းခံပြီး ပြည်သူတွေ ဟာ အတွေးမှန်။ အမြင်မှန်။ လုပ်နည်းမှန် တွေကို ရရှိပြီး တပွဲချင်းအရေးနိမ့်မှုက အောင်မြင်မှုကို တက်လှမ်းလာနိုင်မှာဖြစ်တယ်။ လက်ဦးမှုမဲ့ရာက ရှိရာသို့ အဆက်မပြတ်တိုးချဲ့ပြီး အောင် ပွဲကို အရယူနိုင်မှာဖြစ်တယ်။
တသက်စာ အမှားဝန်ထုပ်ကြီးကို မချိမဆန့်ပိုးထားတဲ့ နအဖ စစ်အုပ်စုကို အမှန်တရား အရ အားကောင်းမောင်းသန်စုစည်းထားတဲ့ ပြည်သူ့အားနဲ့တွန်းရင် စစ်အုပ်စုဘုံးဘုံးလဲ ရမှာပဲ။ ဒီအတွက်လိုအပ် သမျှကို ၀ိုင်းဝန်း ပြင်ဆင်ရင်း လာမယ့်တိုက်ပွကြီးကို ကြိုကြဦးစို့။

ကိုရင်ဒေါင်း

အပြည့်အစုံသို့...